LEGENDA AKI ZUHRII

SALAM HANGAT JIN KURA-KURA

Urang caritakeun deui Kisah Aki Zuhrii
Saeunggeus ngelehkeun siluman Badak,
manehna nangtung sisi jalan pikirana
bararingung kudu kamana deui neangan
tempat cicingna Raja jin teh!
Angin tiis ngahiliwir nepakan kanu
pundukna kawas ngabejaan bakal aya nu
datang!
Bener we teu kungsi lila aya hiji kandaraan
anu liwat mangrupa Angkot koneng 05!
Geus deukeut di hareupena langsung we di
cegat ku Ki Zuhrii teh ,da di gupayan mah
sieun teu mawa!
"Wanci harita masih keneh poek !"
Tapi da katempo si Anu nyupiran teh lain
jelema tapi embe Ki Zuhrii teu loba mikir
da puguh manehna keur di alam batur
pantes we supir na dek naon wae ge.
Ki Zuhrii tadina dek ngomong heula ka si
Supir panganterkeun ka tempat Raja jin
cenah, dek ngomong kitu, can ge pok
ngomong,.si mobil angkot teh kalah dek
langsung maju wae, atuh Ki Zuhrii teh langsung
we naek kanu Angkot !
Buss...weh Ki Zuhrii kanu Angkot asup, geus di jero geus diuk pek manehna ngomong
sababara kali ka si supir teh,tapi si supir teu
nembal-nembal" hiji kecap-kecap acan",Ki Zuhrii mikir boa budeg
si supir teh!, tawa teu bisa ngomong,geus
kitu mah Ah pasrah we Ki zuhrii di jero angkot teh.
keun bae ceunah dek di bawa kamana wae
ge...Sadieureunkeuna !
"Kacaritakeun Sapanjang jalan manehna
jeung Supir pabaeud-baeud,Ki Zuhrii pinuh
ku partanyaan dinu hatena Naha dek di bawa
kamana Aing teh?... ceunah ,geus di bawa
momobilan jauh kieu!"
Keur anteng tatarucingan we jeung hatena ,teu kungsi lila
si Angkot eureun!
"Supir Angkot ngomong ayeuna mah,Tos
nepi Pa!"
Ki Zuhrii langsung ngageubeug teu
nyangka si Supir nu ngomong teh ari sugan teh angkotna anu ngomong bieu!?, da
puguh tatadi ge jempe wae teu nembal-nembal.
Ki Zuhri langsung we turun,Si Supir Angkot
teu ngenta bayaran teu Naon, manehna
langsung wae Gazzz deui!! mawa Angkotna!!
Ki Zuhrii bingung deui wae, tos nepi ...nepi
teh ,nepi di mana??
Pokna dinu jero pikir pinuh ku
kabingung???
Panona bari neteup Angkot nu
nganterkeuna ...geus jalan jauh terus ngalengit teu katembong deui !!!
Geus eweuh tempoan deui mah, pek ki Zuhrii malik katukang ,pas malik atuh ni ngageubeugna da anu di tukangan kumanehna teh , nyaeta Karajaan anu kacida megahna !!
..satuluyna Ki Zuhrii kalah ngaheheh ...manehna yakin ieu karajaan teh , teu salah deui karajaan anu di teangan ku manehna pisan ..nyaeta karajaan si raja jin tea!!
Atuh Ki Zuhrii langsung we abus ka gerbangna da kabeneran si gerbangna teu di konci,"pas asup ki Zuhrii ngarasa aneh naha eweuh panjagana saurang-urang acan ukur karajaana we nu gede, naha keur poe libur kitu? Pikir ki Zuhrii?!"
"Ah..keun bae!..alus we puguh jang kuring ngarah teu loba miceunan deui tanaga,Tapi asa sarepi kieu boa di jero oge eweuh sasaha,Duh palaur keur eweuh we si Raja jin teh!? ..ki Zuhrii mangpaurkeun.
Geus nepi dinu pantona pek Ki Zuhrii keketrokkk bari pupunteunan teu ngalengitkeun rasa sopana saeutik-eutik acan!
Teu kungsi lila,Torojol weh aya mahluk nu aneh deui nu mukakeun panto ,bareng torojolna mahluk nu anyar teh! karasa ku manehna kakuatan anu kacida gedena ti eta mahluk .
"Pantes we ceuk ki Zuhrii dinu hatena ,eweuh panjaga ge da mahluk nu datang ieu nyana sorangan tapi kakuatana leuwih gede tibatan nunda 5000 pasukan panjaga, geus teu salah deui ieu mah pastina ge patihna ,tebak ki Zuhrii bari olo-olo tenang padahal mah hatena ratug!!!
Tebakan ki Zuhrii emang teu nyalahan nu datang teh emang patihna pisan ,kaparcayaan si Raja jin no 1 nyaeta Jin Kura-kura.
"Ki Zuhrii karek calangap dek ngomong,ari pek teh Jin Kura-kura langsung ngajakan Asup da puguh apaleun kana naon tujuan Ki Zuhrii datang kadieu!"
Manehna indit tiheula terus dituturkeun ku ki Zuhrii...GEBLAKKK weh panto karajaan nutup sorangan mani tarik , matak nyieun coplok jantung mun anu boga panyakit jantungan mah!
Pas Di jero lain ruang tamu anu katempo teh ,Tapi Arena badag anu geus di siapkeun ku manehna "si jin kura-kura "
Jin kura-kura geus ngajanteng nangtung di arena badag anu di jieun ku manehna , daek-teu daek Ki Zuhrii kudu turun oge ka Arena,da emang eta sangaja di pangnyieunkeun keurmanehna , reret Ki Zuhrii ka kenca katempo geus aya liang kubur mani jero !!,mani geus sagala komplit disiapkeun kituna mah si juriggg teh. ceuk Ki Zuhrii dinu hatena!!!

Bersambung di carita yang akan datang
Karya penulis: Winaya-Winaya