LEGENDA AKI ZUHRII

"SARUA NYAPEKEUNA"

Urang caritakeun deui Ki Zuhrii anu nasibna geus teu tangtu sabab narima serangan beurat dinu kaayaan keur sare!

"Karek opat lengkah si monyet malik deui katukang hayang mastikeun layon Ki zuhrii da kalah kukumaha oge pikiranna keukeuh cangcaya sabab ki zuhrii asa eweuh nanaonna pisan!?"

Pas Malik si monyet reuwaseun pisan sabab ki zuhrii geus eweuh dinu tempatna tadi , nu aya teh ngan batu hungkul urut sarena,Aduh kamana jalma teh piraku geus di bere ajian andeulan kaula , bisa hirup deui?? Simonyet gagaro kana sirahna teu beak pikir, bari pok ngomong nyaan teu sangka sakti jalma teh!

Nambahan pikiraneun deui ieu mah , nambahan gawe kudu neangan kamana yeuh?? Bisa beak di ambeukkan raja jin atuh kaula , si monyet beungeutna tambah beureum ekeur mah beureum tidituna!
"Ayeuna pek katambah-tambah beuki we parah"

Si monyet embung pusing pek ngagunakeun ajian sorot panon , panonna hurung kawas seuneu , ari anu di teangan teh teu sangka masih didinya dinya keneh alias teu kamamana , monyet ngomong sorangan naon da jalma teh masih didieu keneh ningan, malahan deukeut pisan deuih , naha di mananya nyumputna??panon hurungna nyorot kaluhur mani ngageubeug deui ka dua kalina lantaran Aki zuhrii tatadi teh geus aya di luhureunna "keur kaayaan ngahephep we Ki zuhrii teh,nempokeun si monyet anu bingungeun neangan manehna!"

Geus kapanggih mah aki zuhrii ngaheheh keur ngengir we ka si monyet ngajakan seuri, si monyet oge anu di ajakanna seuri, manehna kalah nyengir deuih saruanna kawas sarua tukang bodor, sanajan keurkaayaanna nyengir si monyet geus mulai ati-ati pisan , sabab ieu aki-aki teh lain jalma sambarangan teu bisa di anggap enteng, si monyet mulai ngareret ka ki zuhrii ti detik ieu manehna geus boga anggapan yen ki zuhrii teh mangrupakeun musuh nu kacida kuat sarta beuratna keurmanehna sabab buktina bisa ngaloloskeun diri tina dua ajian andeulannana beda pisan jeung lawan-lawan sejenna anu geus di lawanan ku manehna kabeh ge langsung beak pararaeh Wassalam, komo aya deuih nu di bere ajian ngagojod hungkul oge langsung sare teu hudang-hudang deui!

"Jeung deuih tadi sobat bongoh manehna, mun Aki-aki eta boga niat mutuskeun sirahna ti awakna parkara gampang wae , tapi ieu aki aki keur boga kasempatan teh kalah di lengitkeun , kalah di gunakeun di pake ngajedog wae bari ngahephep ngahaja ngulinkeun manehna !?"

"Ku kituna!"
"Si monget boga nilai A+ keur ki Zuhrii mah!"

"Sabenerna Ki Zuhrii aya dinu tangkal teh lain nyumputan si monyet tapi lantaran kusabab di handap teh masih pinuh keneh ku gas hitutna si monyet tadi nu ngandung racun , sieuneun ka hirup atau kaambeu"

Simonyet ngageuroan kanu di luhur ngolo ki zuhrii ceuna turun sorangan da manehna hoream ari kudu naek mah sieun pas naek kaluhur pas tepi ari pek teh nu di luhur langsung loncat kahandap eta nu di pikasieun mah!" Matak si monyet ngolo sabisa-bisa ,geura turun ceunah urang ngobrol heula ngawawuhkeun diri, Ki zuhrii gigideug , si monyet ngajakan deui geura turun ki urang Ulin batu, kertas , gunting ceunah , Ki zuhrii gigideug deui terus manehna ngomong embung ah batu , kertas , gunting mah geus katinggalan zaman teuing mun dek catur mah hayu wae!! Kitu pok na ki zuhrii ka si monyet ngajakan catur " ARI CATUR MAH HAYU !!! , ceunah.

Si monyet lain ngabobodo ki zuhrii ngaHeueuhkeun, tapi manehna kalah kabawa obrolan , catur mah Teu bisa ! , ingeut manehna kungsi catur jeung raja jin manehna eleh wae unggal peuting teh ngan di bere endog wae alias kosong jeung kosong we , mimiti 6-0 ,tuluy isukna 7-0, peuting ka tilu 18-0 di beak-beak we ku Raja jin teh , Unggal poe nepi ka mawa wae oleh-oleh Endog mun geus balik ulin ti Imahna Raja jin teh nepi kaloba gorengeun di imahna ,kitu jeung kitu nu ahirna enggeusan weh , tara deui nyampeur catur ka Raja jin ti harita , mun ingeut ka mangsa-mangsa harita matak nyieun TRAUMA dinu Atina si monyet!!

Si monyet geus beak akal ngolona aki-aki teh mani kacida hese pisan di olo na, manehna ngagorowok " Teu daek turun mah , mending sare deui weh ki , ngarah teu nyieun pusing ka kuring !!
Si monyet langsung maca deui mantra anu mimiti nyaeta mantra ngagojod tea, antukna ka sakujur awak ki zuhrii ngadadak laleuleus, ki zuhrii heauy wae panonna ge rapet teu bisa di lawan deui , GUBRAGGG weh ka handap aki zuhrii Rag-rag, labuh tinu tangkal kai!!!