LEGENDA AKI ZUHRII

"BUAYA KEMBAR"

Urang caritakeun deui Ki zuhrii anu geus sanggup ngalawanan opat siluman utusan Raja jin , ayeuna Ki zuhrii lengkahna geus beuki deukeut kanu di tuju , tapi bahaya nu bakal ngahadang ge beuki beurat, kira-kira bakal sanggupeun moal Ki Zuhrii teh ngalawan tilu deui siluman tingkat luhur !!!?

Dari pada panasaran urang langsung mulai caritana !

"Di leuweung alam jin teh loba tetempoeun nu Araraneh nu nyicingana ge rupa rupa geus teu katarebak jeung teu asup kanu akal!"

Ki zuhrii geus anjog deui ka hiji tempat,  lengkahna ngadadak ereun teu bisa di lengkahkeun deui, manehna oge ujug-ujug ngadadak matung , tetempoana ka paku nempo di harepeuna Ranca anu kacida legana !?

Ki zuhrii bingungeun ,kumaha ceunah kadon kieu jalan teh ?
Kumaha cara ngaliwatanana , dasar Ki zuhrii bong keur lieur meureun , ...clom..weh sukuna di pake ngecek eta jero Ranca..padahal mah jangkung sukuna moal saleunjeur-leunjeur awi acan !"

Ki Zuhrii ngangkat sukuna nu sabeulah pek ngomong, "Ah Gelo ieu mah" nyaan Ranca teh jero pisan !

"KUMAHA NGALIWATANA??"

ceuk Aki Zuhrii bari terus mikir , nu antukna Ki zuhrii puputeran neangan jalan panona rurat-reret sugan aya rakit , tawa parahu leutik nu sok di pake nalayan ngala lauk , tawa naon we nu bisa meuntaskeun manehna ?!" ...tidinya geus pusing weh Ki zuhrii pikirana pabaliut¿

"Sabot keur pusing,Aki Zuhrii nempo aya bunderan badag warna hideung di luhureun Cai cicingna deukeut pinggiran!
manehna ngadadak Gede hate,...Sugan bisa di taekan ceunah, pikirna!

Teu antaparah deui manehna langsung ngaderegdeg lumpat nyampeurkeun eta nu katempo bunderan hideung teh.

"Emang bener teu salah salah oge nu katempo bunderan teh , nyaeta meja badag anu bunder ngapung dinu cai , katempo aya tulisana ge " RUMAH 303" ngajeblag, tapi di luhurna aya dua siluman anu keurngopi bari maen poker !?"

Dua siluman teh , nyaeta Siluman Buaya kembar nomer Tilu anu ngarana GAMBIT jeung GEMBOT anu nguasaan eta Ranca jeung sakabeh leuweung sakulilingna di wilayah eta.

Tapi Aki Zuhrii can nyahoeun , marukan siluman biasa we . manehna malahan kalah nyampeurkeun ka siluman nu duaan teh , terus manehna nangtung pas di hareupeuna buaya pisan , terus Ki zuhrii ujug-ujug nyedorkeun ka dua leungeuna ngajak sasalaman , "nu duaan teh pada-pada mencrongkeun ka beungeutna Aki zuhrii nu keurngajak sasalaman !"

Gambit buaya anu kulitna Hideung nyangkana kanu ngajak sasalaman teh tamu na Raja jin, pek nitah Ka Adina Si Gembot buaya anu kulitna Hejo ngora !

Bot tah salaman heula sakalian jeung nu Aa pangnyalamankeun , Aa kagok ieu keurnyekelan kartu .
Saha ieu teh A? Si gembot nanya da puguh teu apaleun kasaha eta jalma teh.

Gambit pok deui , tamuna raja jin paling oge sok sasalaman !
Gembot ngadenge kitumah, sok atuh manehna nunda kartu-kartuna terus sasalaman , sasalamana teh dua kali da sakalian jeung nu lanceukna.

Ki Zuhrii teu ngabongkar saha jati dirina, sieun kadituna moal pibenereun , geus sasalaman mah gancang Ki zuhrii terus terang yen manehna teh butuh meja ngapung anu keurdipake maen poker eta , butuh keur meuntaskeun manehna !
Terus Aki Zuhrii kokodok kanu sakuna dek neangan naon wae anu aya di jero saku teh , eukeur di Barter jeung eta Meja bunder.

Nu aya teh ngan duit baheula tilu keping benggol jeung siki buah sirsak 7 siki nu geus gararing!
Ki Zuhrii ngan manggih eta dina kantong sakuna , ku manehna di tunjukeun weh ka siluman Buaya sugan daekeun saha nu nyaho!

"Ngan aya nu kieu dinu kantong Aki keur tukerna kumaha?? " ceuk Ki Zuhrii nanya kanu duaan.

Siluman buaya pada nempo kanu leungeuna aki Zuhrii terus silih reret saterusna kalah nyengseurikeun Ki zuhrii anu keur usaha!"

" HAHAHA ...LOL AH"

"Asa kabina-bina ieu Aki-Aki heureuyna , kaula mah teu butuh nu kararitu komo eta, naon siki sirsak?? Tanya Buaya bari tutunjuk.

Muhun Agan , siki sirsak bisa di pelak engke jadi !" Tembal Ki Zuhrii masih keneh usaha ngolo buaya.

Buaya nyambungan deui omongan anu tadi.
Sanajan kaula jeung ieu pun Adi arulina di Ranca wae , harta kakayaan  mah loba tilu pulau wae mah burung kabeuli mun aki hayang nyaho mah!, buaya ngomongna teh luhur pisan make jeung  nyebut-nyebut pulau kabeuli sagala rupa.

Kitu deui adina ngan unggut-unggutan we titatadi.

" EUWEUH-EUWEUH , meja mah moal di tukeran jeung nanaon oge , pan sidik ieu teh tempat maen poker kaula jeung si Adi ,ngaganggu wae!

Saha atuh Aki teh , mun jelmaan siluman,naha siluman naon ?
jeung sakumaha pentingna jadi tamu Raja jin teh?
"ASAL NYAHO kaula jeung pun Adi teh siluman tingkat luhur No.3 euweuh nu wani ngaganggu ngajak ngobrol ge teu daraekeun!"

Geus nyaho kitu mah Ki Zuhrii langsung pamitan, manehna teu ngajawab hiji-hiji acan partanyaan-partanyaan ti siluman buaya teh , manehna langsung buru buru wae indit " mending neangan jalan nu sejen mun sampe patelak jeung ieu siluman buaya tangtuna bakal ngalilakeun miceunan ieu waktu"
Ahirna Ki Zuhrii neangan jalan pintas nu aman!

BERSAMBUNG DI CERITA YANG AKAN DATANG
KARYA PENULIS : WinayaWinaya