LEGENDA AKI ZUHRII

"LALAKONNA AKI ZUHRII KA TUKANG-TUKANG"

Urang caritakeun jalma nu opatan teh geus narepi deui dinu dijugjugna sumur tua tea
Bareng Nepi suluh anu urut wa oom teh nyaan masih keneh nambru didinya keneh kaliwatan ku maranehna , eta suluh teh ceuk Ki Zuhrii , muhun Ki tembal mang Darmita jeung Kasim , sigana mah taya niatan dek di candak deui ku wa oom na!
Hehehe ki zuhri nyerengeh pondok.

Tempat Asep teh masih jauh keneh tidieu? Tanya Ki Zuhrii geus teu sabar , Teu ki teu jauh kedap deui ge sampe tembal mang Kasmi ngomongna semu berat da lumayan cape komo deui mang suta mah lempangna ge pangtukangna pisan kaciri tara ngadaki gunungna teh.

Teu kungsi lila tarepi weh Tah Ki didieu pisan Asep teh kapanggihna cek Darmita oge baturna Kasmi ,bari ngiluan kabawa-bawa ku ki zuhrii ahirna nyarebutna sufri teh jadi asep we.
Tuh Ki motorna ge bari naruduhkeun motorna anu ngagoler di jurang, Ki Zuhrii gigideg oge mang suta panonna molotot semu bengong budakna bisa asup ka jurang kitu naon sababna.
Untung keneh masih bisa salamet.

Terus kumaha aranjen mawa Asep teh? nya kapaksa we turun ka handap Ki mapai kanu batu-batu bari silih cekelan nu ahirna bisa mawa asep kaluhur kitu carita ti Darmita jeung kasmi perjuangan na nyalametkeun Asep lain gampang-gampang tapi patut di acungan jempol.

Tah geus kieu mah pek we rarereh heula ki Zuhrii nitah kanu tiluan manehna mah dek tapa heula sakedeng didinya dek neangan pituduh ngarah kapanggih titik terangna.

Nu tiluan narurut pek maranehna dariuk ngistirahatkeun capena dinu tempat nu teu jauh ti tempatna Ki Zuhrii.

Ki Zuhrii maca mantra ,mantra nu teu bisa kaharti ku sasaha mang Suta ge di tanya teh gigideg teu apal cenah pokna ka Darmita jeung kasmi teh urang bandungan we ceuk mang suta .
Geus maca mantra pek weh jempe Ki Zuhrii kaayaan dinu husu pisan tapana!

Bari nungguan Ki zuhrii dinu Tapana urang caritakeun lalakon Aki Zuhrii katukang-tukang!

Naha saha cenah ki zuhrii anu sabenerna teh ? Ngarah teu panasaran teuing sosok Ki zuhrii !

Pernah aya hiji kajadian anu ngagenjlengkeun
Dilemburna cikadu nyaeta aya sosok oray nu kacida badagna nu neror pakampungan !
Ternak warga beak jadi sarapanna oray badag eta sapopoena karasa keeung sok sieun lain ngadahar sato ternak wae tapi ngadahar wargana komo deui kabarudak mah.
Eta nu matak mangpaurkeun teh! ahirna pupuhu kampung ngumpulkeun kabeh wargana ngajak ngabasmi oray raksasa anu geus lila ieu nyieun kacau di dusun kampungna, eweuh nu nolak kabeh ge satujueun komo deui tukang ternak mah satujueun pisan maranehna kacida rujiteunna ka oray teh!

Urang ci kadu pabondong-bondong aya nu mawa obor,garpuh,linggis ,golok,kampak jeung sanjata-sanjata tajam sejenna .
Unggal jalma nyekel senjatana masing-masing eweuh nu lengoh.
Jalma- jalma nu keurdipinuhan ku amarah langsung we teu antaparah deui nyerang ngababi buta , ngaduruk nu diyakinan jadi sarangna salila ieu nyaeta ceuk nu pada manggihan teh si oray badag teh nyayangna di deket bendungan handapeun dapuran awi deket tangkal Koang, Da jeung enyana bener aya liang nu kacida badag pisan didinya teh geus kawas guha wae bong sayangna monster!

Teu lila si Orayna kaluar kapanasan da dapuran awina di daruruk ,oray nu kacida badagna kaluar nyakalikeun nu ngakibatkeun tangkal koang ge kagusur ampir ninggang warga nu di darinya!
Pada sing gorowok "kepung-kepung oray teh mempeng kaluar cenah ulah nepi ka kabur ulah cena hirup gancang paehan ! "

Bareng bijil kaluar teh langsung ku para warga di rariung di sariksa si oray teh aya nu ngalungan tali aya nu nyundut awakna ku obor , huluna pada ninggangan ku kai jeung ku awi oge kunu pada nyekelan linggis tatadi gebot-gebot pake mabukan hulu oray nu kacida teasna,para warga aya sebeberiji anu nyabetkeun golok oge nu nyieun hulu oray teh pegat tapi teu kungsi lila hulu si oray teh kalah nyambung deui jeung awakna nu nyieun warga lain kaget deui !