LEGENDA AKI ZUHRII

"MANA HUJAN TEH"

Urang caritakeun deui Ki Zuhrii anu keur lempang teu puguh arah neneangan sufri di lewengna alam jin anu kacida barala na !?
Tapi sanajan lempang di jero awakna ki zuhrii ekeur pemanasan geus siap-siap ngalawan naon wae nu bijil di harepeunna nu dek megat jalanna!

Ekeur jongjon lempang aya nu ngomong tarik tapi teu nembongkeun wujudna "Aki aki mah ulah kadieu di larang gancang jauhan tempat ieu mun hayang salamet" kitu pokna teh!
Tapi aki zuhrii teu malire kana omongan sora bieu manehna kekeuh wae maju Da puguh mun mundur deui mah moal kapanggih-panggih sufri teh!

Nempo ki zuhrii tuluy maju "sora eta ngomong deui Bandel pisan cenah aki-aki teh teu benang di bejaan ,bonge kitu" pokna teh deui.

Aki zuhrii lempangna teh kalah beuki jongjon di bejaan kitu teh, teu nembal saeutik -eutik acan kanu sora eta manehna kalah ngaheheh kawas anu ngaheureuykeun !

Puguh we siluman landak teh beuki araleun manehna ngagorowok deui " Teu benang di bejaan mah yeuh rasakeun mamalana Aki aki peot" pokna teh bakat ku aral ku kalakuan ki zuhrii"

Sora eta ngadadak lengit teu lila kadenge sora hujan mani ngageuro , tapi lain hujan cai nu turun ngahujanan leuweung teh ,tapi hujan cucuk anu kacida baradagna !

Aki zuhrii langsung diuk sila bari ngadua ujug-ujug bijil weh payung raksasa di luhureuna anu nyegahan cucuk badag nojos ka manehna ,payungna muter tarik pisan cucuk nu ngahujanan ge antukna ngaracleng kamana wae , tatangkalan jeung dangdaunan di sabundeureun eta tempat jadi sarangna cucuk, beak katojosan!

Siluman landak nungguan salse pisan, manehna panasaran hayang nyaho nepi mana ki zuhrii bisa ngabeundung serangan hujan cucukna!

Kacaritakeun hujan cucuk teu ereun ngahujanan ki zuhrii terus-terusan,geus tilu poe tilu peuting lilana ,antukna ka ki zuhrii beak tanaga jeung geus capeeun pisan duana pegat,payung raksasa nu ngabentengan manehna ngadadak ereun terus lengit tapi serangan cucuk nu ngahujan terus-terusan ka manehna masih keneh eweuh ereunna cuma cucukna ayeuna mah ukuran na geus teu garede teuing tapi ipis-ipis sarta laleutik saukuran jarum da bakat ku geus lila teuing turunna "sanajan ukuranna geus laleutik keukeuh we ngajadikeun awak ki zuhrii beak gareutihan kahujanan ku pelor cucuk siluman landak "

Ki zuhrii geus teu kuateun saawak-awakna karasa leuleus pisan ,teu sangka yen cucuk teh ngandung racun .
Ayena awakna paeh rasa manehna ampir teu ingeteun terus ngagoler lengit daya.

Sobat karek ge ngagoler,
Kadenge sora ngagilinding tarik , tatangkalan raruntuh !
Ki zuhrii pinuh ku tanda tanya , Naha naon deui nu datang teh??
Teu kungsi lila aya nu bijil nyaeta nunubrukan kai teh nepi katinggaruling lain sasaha deui tapi siluman landak tea anu geus wanieun nembongkeun dirina , sabab nempo aki zuhrii anu ngagoler geus teu daya!

"Ceuk pikirna siluman landak teh, geus ripuh kitu mah sakalieun deui nyerang ge ki zuhrii bakal lengit nyawana komo mandang ki zuhrii nu geus aki-aki!"

Siluman landak anu ayeuna geus nyumputkeun manehna dinu cucukna geus mirip kadu raksasa wae anu keur ngagilinding tarik pisan dek ngagileus awakna ki zuhrii neupi kabubuk, kitu niatan jahat siluman landak teh ayeuna!

Aki zuhrii teu nyingkahan serangan siluman landak da puguh awakna ge teu bisa di gerakeun , tapi bahamna mah masih bisa di gerakeun aki zuhrii ngucapkeun jajampean anu teu kaharti terus di tiupkeun ka arah ngagilindingna siluman landak nu nuju ka arah manehna!
Niupna teu tarik tapi jadi angin geudeu anu nyieun siluman landak raksasa eta jadi ngaleutikan saukuran bal lajuna geu jadi teu tarik-tarik acan tapi ngagorolong lambat pisan teu neupi-neupi acan ka ki zuhrii.

Teu lila Ki zuhrii geus bisa hudang deui ,awakna luar biasa hebatna bisa nyageurkeun sorangan tina luka cucuk nu sakitu parahna jeung racun anu kacida matihna.

Ki Zuhrii leumpang nyamperkeun ka siluman landak anu masih keneh ngawujud jadi bal , siluman landak masih keneh can apaleun, manehna ngira geus hasil ngageleng beak ki zuhrii nepi ka gepeng manehna ngarasa puas pisan.

Tapi manehna ge ngarasaeun aya nu aneh ceunah , teu kadenge sora jerit saeutik-eutik acan teu kungsi lila taneuh nu dipake napak teh alendeur jeung kadenge sora lengkah nu badag nyamperkeun kawas sora lengkah suku raksasa , siluman landak langsung ngarubah wujud balik ka asalna nempo naon anu nyampeurkeun teh , pas di tempo nyaan we aya suku raksasa ekeur nyamperkeun ka manehna , siluman landak pinuh ku tanda tanya ,naha aya raksasa ti mana ceunah?
,Jeung edek naon ?
Reret kasuku terus reret kaluhur sing horeng teh raksasa teh Ki zuhrii anu tadi niat dek di geleng , kanyataanna ki zuhrii teh can maot tapi kalah jadi Raksasa , padahal mah nu sabenerna lain ki Zuhrii nu ngageudean tapi awak manehna anu ngaleutikan di sababkeun ku tiupan angin tadi.

Geus apaleun mah puguh we siluman landak teh soakeun pisan , jajantungna ratug sirahna gigideug manehna ngomong sorangan "teu nyangka ieu jalma sakti pisan , naha saha nu sabenerna ieu jalma teh ??" , manehna ngarasa geus teu sanggup ngalawannana oge antukna manehna jadi bal deui terus ngagorolong kabur nyingkahan ki zuhrii .

Rarasaan Siluman landak manehna ngagorolong teh tarik pisan kaburna!
Tapi kanyataanna mah manehna ngagorolong lambat pisan masih didinya-dinya keneh !
Ki Zuhrii oge lempangna salse pisan geus dekeut "Geup weh siluman landak teh di tewak!"
terus di cabutan cucukna nu ngakibatkeun siluman landak teh nyerieun kabina-bina jeung kasaktianna oge leungit sapinuhna!
Siluman landak ngagoak tarik pisan bari jeung ampun-ampunan ka ki zuhrii , kawas orok ceurik ngenta cai susu .
Sora jeritanna oge nepi kadenge kaluareun leuweung,manuk-manuk ting geleber saroakeun!

Ki zuhrii di pentaan ampun teh kalah hare-hare wae manehna api-api teu kadengeun !
Kalah pok nanyakeun hujan iraha datang deui na teh kasiluman landak , omonganna geus teu nyambung!

Ki zuhrii tuluy we nyabutan cucuk siluman landak hiji-hiji nepi kabeakna teu malire saeutik-eutik acan ka siluman landak nu terus gogoakan.

Ku leukeunna ki zuhrii nyabutan cucuk ahirna cucuk teh beak pisan.
Pok ki zuhrii ngomong tarik " BERES YEUHHH!!!"

Nu tadina siluman landak wujudna bal cucuk teh ayeuna mah geus jadi bal geutih .
Bal geutih masih keneh di cekeul pageuh ku leungeunna ki zuhrii , ki zuhrii saterusna mah rurat-reret siga neangan tempat nu pantes ekeur micenna !

Katempo aya walungan gede caina teh herang pisan ,ki zuhrii ngawahan geus teu asa-asa deui terus di balangkeun si bal geutih teh!
Nyaan we di piceun.
Nu antukna siluman landak teh kabawa palid ku cai walungan nu kacida tarikna, siluman landak masih geugeuroan ngenta tulung ", masih nunda harepan yen si aki teh boga karunya kamanehna saetik wae mah nu ahirna bakal nyalametkeun manehna.

Siluman landak GOGOROWOKAN! "tulung-tulung , tulungan kuring ki sing karunya saetik mah ,salametkeun kuring ki?"

tapi si aki tetep kawas tadi kalakuanna teu robah saeutik-eutik acan, embung malire pisan,kalah pok ngagorowok nanyakeun iraha turunna hujan deui !"

Siluman landak anu keursoakeun pisan kabawa palid ngadenge kitu pok-pokkan si aki , manehna pek nembal ngagorowok deui ka si aki bari ngambek pisan " Ah aki-Aki Edannnn ,STRESSSSS!!!
kitu tembalna si luman landak.

"Ari si Aki kalah ngaheheh bari nyengseurikeun , seurina si aki ngajajapkeun palidna siluman landak nepi ka eweuhna teu katempo deui!"

Saterasna si aki langsung ngumbah leungeunna nu pinuh ku geutih tadi urut nyabutan cucuk tea, bari ngaheheh teh ngucur ci rambay cai panonna si aki lantaran si Aki aslina jalma teu tegaan , si aki tadi nyabutan cucukna nepi kabeak teh lain ku tega jeung telenges tapi ku di paksa tega sabab nu jadi korbanna siluman landak teh lain saeutik tapi geus loba pisan , nu antukna si aki teh kudu mawa sikap teges ceuna jadi palajaran teuas keur siluman landak ngarah kapokeun teu wani deui ngaganggu ka manusa!

Bersambung di cerita yang akan datang
Karya penulis : Winaya-Winaya