Urang caritakeun Deui Ki zuhrii anu keur di siksa siluman Gagak , Siluman Gagak eweuh ampuna ka ki zuhrii anu geus kolot teh lain karunya tapi nyiksana teh kalah leuwih ngajadi ,dasar siluman.
Sabot kitu keur di sabetan siluman gagak , aki zuhrii geus beak pisan ka sabaranana jeung geus bingung deuih ngalawanana pangpangna mah
Ahirna ki zuhrii macakeun jampe-jampe anu teu kaharti ku sarerea deui .
Bijil weh keris leutik , bijil tina bujalna pisan.
Geus di tarik mah saterusna Keris leutik teh di angkat ka luhur di tujukeun kalangit.
Ki Zuhrii ngagorowok tarik " I HAVE THE POWERRR"
Langit nu tadina poek ngadadak jadi caang , keris nu tadina leutik ujug-ujug jadi panjang badag sarta Rubak wujudna ge rubah kawas pedang!
Jeung deuih dinu pedang teh ngagulung angin nu terus muter!
Siluman Gagak anu tadi na dek nyabet ki zuhrii ti tukangeuna deui , gerakana anu gancang jadi lambat ayeuna mah wujudna anu teu katempo ge ayeuna mah jadi katempo , sanajan ki zuhrii ekeur nukang ku manehna ayeuna mah karasaeun jeung bisa katebak di mana posisina!
"Teu Antaparah deui Ki Zuhrii langsung nyabetkeun Pedang Badagna tepat pisan ka posisina siluman Gagak"
"Tarima yeuh jurus nomor lima ilmu pernapasan Sabetan Bulan
Harita oge Siluman Gagak langsung kasabet jangjangna lepas nu saterusna lengit kasaimbangan terus manehna labuh notog.
Di handap siluman gagak masih gugurubugan tapi masih can keneh paeh .
Ki Zuhrii nyamperkeun ka belah muragna siluman gagak tapi siluman teh geus eweuh , nu aya lain manuk tapi kalah berit , berit teh ujug-ujug siga nu sieun pisan nempo kadatangan ki zuhrii teh?
Berit langsung lumpat , Ki zuhrii curigaeun boa siluman nu tadi teh rubah wujud jadi berit bieu!
Cilaka atuh mun lepas deui,Ki Zuhrii langsung ngalancarkeun serangan kaduana!
Ilmu pernapasan nomor opat Tarian sabit
Pedang Ki zuhrii ngaluarkeun jurus deui serangana ngabeuleusur tarik ngudag berit tadi!
Berit nu geus nyangka bakal lolos ti Ki zuhrii nyatana huluna langsung kapenggal ngageuleunceng coplok papisah tinu awakna .
Tapi masih keneh can anggeus , Siluman teh ayeuna mah jadi wujud aslina nyaeta wujud aslina mah kawas jelema ngan pedah leutik pisan , siluman teh sanajan geus kapenggal huluna manehna masih keneh hirup , manehna masih keneh can nyeurah !
Sabot siluman leutik keur sibuk neneangan huluna , Ki Zuhrii kaburu datang kadinya!
Siluman langsung nyumput teu kaburu neruskeun neangan huluna .
Ki Zuhrii anu geus aya didinya kageteun deui wae , siluman teh geus eweuh deui nu aya huluna hungkul , Ki zuhrii gigideug pok ngomong kacida bandel pisan siluman teh nu hiji ieu mah naha lumpat kamana deui nya siluman teh bari tumpa-tempo ka sakulilingna anu jukut hungkul .
Pasti ge aya didieu keneh siluman teh ngan nyumput ,sababna eweuh huluan mah nu pastina hese teu bisa nempo nanaon , tapi neangana kumaha pan siluman teh wujudna leutik pisan mun di tingali tina huluna mah , bakal hese pisan neangana ge tapi kaula moal nyerah lantaran bayangan kaula can bisa balik masih di gugubug ku manehna!
Piraku kudu nyewa heula tukang jukut mah ngarah beresih ieu jukut teh jadi katempo siluman teh di lanjut ku ngaheheh!
Ki Zuhrii masang kuda-kuda terus mawa napas panjang " ilmu pernapasan nomor tilu hujan angin dor dar gelap campur nu nagih hutang ka imah ceunah"
"Hulu siluman nu ngap-ngapan kawas lauk keur di beuleum ngadadak nyengir ngadenge jurus nomor tiluna ki zuhrii anu geus teu nyambung!"
Jurus naon ceunah nu model kitu geus ngalantur parah yeuh aki-aki teh!
Huluna mah ceuceungiran ari awakna mah sabalikna kacida sieuneuna sieun kapanggih.
Geus di bacakeun mantra mah pedang Ki Zuhrii ujungna langsung ngebul terus bijil seuneu , Ki zuhrii ngasongkeun pedangna kanu jukut kawas nu nyundut sumbu , ngan sakejap pisan seuneu tinu eta pedang ngaduruk eta jukut-jukut , anu keurngahephep nyumput teh ujug-ujug karasa panas awakna, manehna teu kuateun ahirna kaluar tinu jukut nu barala , siluman lulumpatan dinu kondisi awakna kaduruk .
Ki Zuhrii nempoeun teu miceun deui tempo langsung ngaluarkeun jurus deui "ilmu pernapasan nomor dua Guntur Zeus .
Ujug-ujug aya Guntur ngabentar anu keurlumpat , siluman anu kabentar teh masih keneh hirup sanajan awakna geus tutung , masih usaha kabur ti Ki zuhrii manehna kokorondangan .
Ki Zuhrii anu keurnempo ti jauh pok ngomong, Aduh kacida pisan ieu siluman teh kuat pisan teu nerak di kukumaha , Kudu beak we jurus teh
Ki Zuhrii masih cicing dinu tempat na kuda-kudana ge can robah saeutik-eutik acan !
Piraku teu nerak deui mah "Ilmu pernapasan nomor Hiji jurus Guntur Bapana Zeusss!!
Maxwin ...maxwin kagok pokna Ki Zuhrii harita .
Kajadian cara tadi deui ujug-ujug aya Guntur deui tapi nu ayeuna mah leuwih badag leuwih serem dua kali lipat tinu mimiti.
Siluman nu keurngorondang langsung kabentar tarik , ayeuna mah nyawana langsung lengit bareng jeung lengitna sora guntur nu ngageuleugeur , layona ngebul ngaluarkeun haseup nu hideung tapi nu hideung teh lain haseup tapi bayangana Ki Zuhrii anu geus balik kanu bogana !
"Hasil oge ceuk Ki Zuhrii anu keur kesangan ngoprottt capeun urut ngaluarkeun jurus-jurus nu teu kaharti ku akal tapi Ki Zuhrii atoheun bayangana geus bisa balik deui "
Kukituna pertempuran sengit teh dimenangkeun ku
Pendekar pedang Ki Zuhrii , lolos kababak salanjutna!
Carita bersambung didieu -
Karya penulis: WinayaWinaya
YOU ARE READING
LEGENDA AKI ZUHRII
AdventureDONGENG SUNDA NU URANG MANTAP JAYA MELEGENDA "ANJAAAYYYY!!!!!!!!
