LEGENDA AKI ZUHRII

SILUMAN BADAK CAP KAKI 3

Urang Caritakeun Deui Kisah Aki Zuhrii anu geus asup Ka kota jin , karek ge nincakeun sukuna di eta Kota , aki Zuhrii geus di serang deui ku siluman nomor hiji si siluman badak tea anu ngaku siluman pang Epicna!

Emang lain bualan hungkul teu saukur geude omongna kabuktian pedang Aki Zuhrii anu bisa ngelehkeun siluman nomor dua , waktu di pake ngalawan manehna mah si pedang anu kacida saktina teh eweuh nanaona pisan geus siga pedang Cocooan we , si pedang langsung kapotong jadi dua di adukeun jeung cula badakna !

Siluman Badak geus teu sabaran hayang gancang narajang deui ka aki zuhrii ,tapi Ki Zuhrii mah can siap kuda-kuda na acan !?

Siluman badak jol sebrut bae di bejaan ku ki zuhrii can siap - can siap teh!!

Atuh aki Zuhrii langsung katenggar harita keneh, awak leutikna ngacleung jauh Tapi untungna teh nu di tenggar tadi lain aki zuhrii enyaan tapi aki zuhrii bobodoana anu di ciptakeun ku jurus sarebu bayangan tea!

Nempo baladna katenggar bayangan nu sesa 999 hiji teh langsung panik saterusna birat lalumpatan teu puguh tujuan pada nyebar ka kota!???

Siluman Badak bingungeun ngudag nu mana nu asli manehna ngahuleung sakedeng pek mikir, ahirna siluman badak boga ide oge supaya bisa mancing kaluar Ki Zuhrii nu asli,manehna boga niat Dek ngancurkeun eta Kota keunbae cenah pokna satengah kota Ancur ge Raja jin mah loba duit korupsina moal lila cenah ngabangun nu anyar deui ge gantina!

Teu panjang pikir deui siluman Badak langsung ngababi buta harita keneh ti nggeus manggih ide teh, Gedung-gedung pencakar langit teh di tenggaran , Teu antaparah deui atuh si Gedung-gedung teh langsung raruntuh !

Aki Zuhrii anu keur ngilu nyumput di jero jeung bayangana lain sieun katinggang deui,manehna teu nyangka siluman Badak bisa ngambil tindakan jauh cara kitu , naha moal di carekan ku si Raja jin teh pokna Ieu Kota nepi ka di ancurkeun cara kieu?
"Mun di tanyakeun ngambek henteu namah puguh we Raja jin ge teu satujueun pisan newak Ki zuhrii nepi kangancurkeun kotana tapi kumaha deui da nggeus Terlambat mun di carek oge ongkoh deuih salah manehna geus jadi resikona nitah siluman Badak mah anu kalakuana Bar-Bar jeung tara katebak eusi huluna teh!"

Ki Zuhrii anu harita keur ngilu nyumput jeung bayangana bari ngabenerkeun suling saktina anu rusak tea sugan bisa kapake deui , kapaksa kudu gancang-gancang kaluar ti eta Kota mun embung katinggang!

Ki Zuhrii langsung kaluar nyamperkeun siluman Badak , ku manehna langsung di cobaan suling sakti teh anu geus bener !
Di pake nembakan siluman Badak , siluman badak teu nyingkahan eta tembakan Ki Zuhrii teh, manehna kalah masang badan bari seuri Ka Ki Zuhrii teh !
mun ngomong mah "sok tembak-sok moal salah pastina ge kitu!"

Enya we di tembakan sababara kali teh , Eweuh peluru hiji-hiji acan nu teurak ka kulitna Siluman Badak !
nyaeta salah sahiji kaleuwihana tina Kulit Badakna anu Kacida kandel jeung Kuatna anu ceuk beja eweuh nu bisa nembus kulitna bakat ku kacida kuatna menang info ti Gosip alam Ghaib menang tadi basa keurnyumput nyaan we kabuktian.

Siluman Badak langsung nyebruttt dek nenggar Ki Zuhrii deui, Aki Zuhrii langsung gancang nyakuan sulingna deui da teu guna ningan!, terus gancang ngaluarkeun ajian angin puting beliung na !
Dua dampal lengen Ki zuhrii di arahkeun ka siluman Badak anu dek nubrukkk ,Angin puting beliung langsung bijil ,terus ngagulung kahareupeun siluman badak nu keur lumpat ,sukuna langsung eureun kasered ku tarikna kakuatan angin badag , manehna kadorong mundur katukang sababara lengkah saterusna kabawa angin kaputer-puter di luhur lumayan lila terus ragrag tarik sorana nyaring pisan mani  ngageblug kawas kadu murag jeung tangkalna!!

Tapi Siluman Badak sanajan geus narima ajian angin puting beliungna Ki Zuhrii , manehna teu nanaon da kalindungan ku kulit badakna ,gancang weh ngoneang hudang tapi nambru deui , huluna karasa pusingeun keneh urut kaputer-puter di luhur , ret ka Ki Zuhrii anu katempona siga ngurilingan manehna padahal mah Ki Zuhrii ekeur nangtung cicing!

Ki zuhrii gigideug nempo siluman badak anu teu nanaon , manehna ngangkat kadua lengeuna kaluhur dek ngabijilkeun ajian Guludugna mengpeng kaayaan siluman Badak keur ngudupruk diuk lieureun keneh!

"Waktu sakeudeung awan hideung nu kacida poekna geus minuhan di luhureun eta Kota Jin "

Ki Zuhrii langsung marentahkeun awan hideungna sena ngabentar siluman Badak, awan hideung langsung ngabijilkeun Guludugna anu gede pisan

"... BELEDAGGGGGGG....Guludug nu Tarik langsung ngabentar.....Tapi nu di bentarna kalah seseurian kawas anu teu karasaeun nanaon !?"

Cikikik siluman badak nu keurdiuk cikikikan , ki Zuhrii gigideug deui kadua kalina manehna jadi bingungeun deui wae kumaha naklukeun siluman badak anu kacida tangguhna , ajiana geus kabeh di papai tapi eweuh nu bisa mempan keneh wae kanu perisai kulitna!??

Karna masih keneh bingung mikiran kumaha cara ngelehkeuna urang Bersambungkeun heula ..nyambung deui dinu Carita nu bakal datang!

Karya penulis:WinayaWinaya