قطاهه زين وراح اتصطح عالقنفه وتصل عالعربيد
_الضرغام: الو .... عربيد
_العربيد:نعم زعيم !
_الضرغام: دير بالك عالضيوف زين اعتمد عليك اني رايحـ
قبل ميكمل كلامه سكت من سمع صوت تكسير قوي جاي من احد الغرف وطبعاً اول ماوصل الصوت المسامعه عرف مصدره منين
_العربيد: الو زعيم
فز من مكانه وهوه يگوله
_الضرغام: ماكو شي هذا الوحش مثل ماگتلك انتبه عالضيوف اني رايح
فصل الخط قبل ميسمع الرد شمر الجهاز مكان مجان متسطح بإهمال وطلع سريع من الغرفه قاصد غرفة الوحش
دك الباب بصوت بس ماكو رد بس تكسير
رجع دگ الباب قوي ونتظر لحظه
حتى اذا مافتح يرجع ايعاود الدگ بس سمع كسره كلش عاليه
وخمن اكيد الدولاب انكسر او هيج شي
فرجع ضرب الباب وصاح بصوت
_الضرغام: وحــــــش اصحه كافي افتح الباااااااب
شوي صار هدوء وراهه سمع قفل الباب وهوه ينفتح و اول مانفتح الباب وقبل مايهم بالدخول باقته بوكس
عله وجنته من الجهه اليسره ،
بالگوه سيطر ع نفسه وماوگع لأن الوحش
نفس بنيت جسم الضرغام بس
شوي اسمن منه مما يبين بالنظر
اضخم منه لذالك الضربه موهينه جانت
_الوحش: حجه ببرود تام
ولاكئن هذاك الشخص الجان يكسّر ،
صوت التكسير كله ماهمه همه الصوت اللّي
جان عباره عن منادا بإسمه (لاتصيح مره ثانيه)
بعد ماشمر هالثلث كلمات عليه
رجع يمشي عالحطام السببه وكعد
عالجربايه لازم وجهه بثنين ايديه
ومتكأ على رجليه،ويهز برجاه اليسره
حركه يسويهه من يعصب حتى تهده اعصاب
دخل الضرغام وراه للغرفه مابدر منه اي ردت فعل لأن يعرف الوحش كلش زين،دخل يتفحص الغرفه
وهوه يشوف بيبان الدواليب جام وخشب متكسره
وشكو صوره وديكور معلق صاير حطام بالكاع ،
مشه بهدوء حتى وصل للوحش
وگعد يمه بدون ميحجي،
بقه فترة لا بأس بيهه فكر يحجي ويا
ويتحمل النتائج شماتكون بس الوحش
سبقه من خله راسه ع كتفه وهوه يكوله،
_الوحش: مجاي اكدر انساها، السالفه
موبس حبيته احس بالذنب تجاهه
اني السبب أمنت بيه بس اني خنت امانهه و
_الضرغام: شششش
سكته وهوه يلف بإيده عالظهر الوحش،ومحاچي
"معليك انته وهذا قضاء و قدر صح
انقتلت بس هوه بالواقع هذا حد عمرهه
شلون بلا لازم تبقه كل عمرك تعبان هيج
مو كافي ضيعت شبابك وحياتك
حابس نفس بين اربع حيطان مو كافي
صار وقت نرجع مثل قبل خوان
مو كافي مخليني وحيد، وحش
شتاقيت الهذيج الايام من جنه نشتغل سوه
نقتل ونخطف ونهرّب ونشرد من الحكومه
وحنه راجعين نضحك ولا كئن
أنت تقرأ
البتاوين ومابين جدرانها
General Fictionعصابات قتل_تجاره_مخـ*ـدرات_سلاح_كل هذا داخل مايسمى البتاوين 🔻سمعت امي صرخة طلعت شفت ابوي امدمه ومشمور وعله راسه ثنين زلم واحد كدرت اعرفه هوه نفسه الهددني والثاني،اضخم منه وهم ملثم لاكن مجرد شوفتهم تخوف اتقرب مني هذا الضخم شوي شوي يمشي وعيونه تتفحصن...
