البتاوين ومابين جدرانها

حِيٓرُٖه

ياحيره العشتهه وياك عليل بلا مرض وياك وبلياك

      ......

_ هايمه آيكنو ايثيك (شلونج)
.
.
.
_يامور: مي بارد ونزل ع گلبي من شفتهه الحجيه

واني عبالي هوه رجعلي

_ زينه الحمدالله

_خوفتيني عليج، من بعق(صرخ) عليج ابني

ونتعج(سحبج) واخذج للغرفه گلت هاهيه بعد راحت الفرخه

سمعته يفعر(يصيح) عليج وادك عالباب ماكو ميفتحه

_يامور: حجايه فهمته وحجايه لا بس اكلهه وخاف تبديلي

بالسرد هم مابيه حيل احس راسي من العت كايم من مكانه

وهاي كعدت يمي وبدت تسرد نعم الله عليهه بس ابد مو وكتهه

_ خاله

_يا هذا  مرمطج( مأذيج_ ضاربج)

شتحسين وين يوجعج س
شسـ

_ خاله راسي

_ راسـ يايا فديت اوليدي مفصمفصج

_ هنا لا من صدك بعز ضيمي ضحكت

_ خاله شنو يعني

_ شنو

_ مفصصج

_ مفصفصج يعني معضعضج

_ شنو وين

_ عليه لج تعلمين العجوز عالتشنكل

_ استغفرالله هاي مين جيب هيج امثال ايحائيه ياربي

_ لا قصدي وين تكولين معضعني

_ مو هاي شفايفج ماكوله، فديت وليدي فحل بن ابو

_ يامور: يبووو عليه ميته ولاراجعه سائلتهه

احس صخنت من الفشله مو من البرد

لا ارادي خليت ايدي ع حلكي وبالفعل توني ياله حسيت بالوجع

حته ايدي ماكدر اخليهه ع حلكي لعد شميوي هذا الهمجي

_ تبقين هنانه تقرمدبن(تجمدين) تعالي مشي بغرفتي

_ اخخخ

_ يووووه ماعندج بزع

_ خاله هوه اني بزعانه من الدنيه واهلهه ياماعندي