البتاوين ومابين جدرانها

جُرعَةً ألَمْ

_يامور:

_طلعت من الغرفه اطگطگ من الخوف نزلت الغرفتي

واحس وجهي مشتعل نار اكيد ينطي الوان من الخوف

هازال نايمه واني مگابلتهه وگاعده عالقنفه

وحس مومفتاح زغير لا شايلتلي جبل وايدي الخاليته بيهه

مابيه احرك اصابع جفهه من الثكل اعصابهه تشنجت

يارب تعدي على خير ...عيني عالحزام الجواته الساعه و

حسبه تجيبني وحسبه توديني ومثل الحبابه انتظر عقابي

_يابويه الخوف يعدل الشوف

افييش ينزل عالگلب السلام عليك

ياحفيد الرسول يا ابا عبدالله وعلى الأرواح التي حلت بفنائك

شربت مي تهدئ من خوفهه بس محال الرجفه باينه

بصوتهه وجسمه ومستحيل تخفى عن الضرغام

حتى اخذتهه النومه او يمكن صابهه هبوط

بالحالتين فارقت الواقع مستقبله الظلام بهدوء شديد
.
.
.
.
.

_اكلك شايف من واحد يجذب وتتحول لصدك

يخاطب الطرف الثاني الي ينظرله بدون اهتمام لكلامه

: احجي بالمختصر المفيد شكو

_هذا واحد يريدله بيت عباره عن غرف بتصميم فخم

بالثلث مليارات يطلع شغله الحد تحويل مفتاح البيت اله

والله جن الله راضي علينه جانه هذا منهه لالله ماكو داعي نبـ

_جديده هاي، اطلع لا اطلع بروحك شهل لعبان النفس

_بس اسـ   طالع طالع دخيلك ربي

_نفى كلامه بعد ماشاف المعنى هام بضربة بقنينة العصير

طالع ركض شارد بروحه لأن يعرف لو باقي مايسلم منه

رجـّع المعنى راسه لوره بعد ماداهمه صداع

وهوه مقمض عيونه لدقائق مرت بثوانيهه