حبايبي لاتنسو التصويت ومتابعة الصفحه🙏🏻❤️
"غريبه بنص غرب محتاره ضليت"
لزم ايدي وعتني يمشي واني ورا اباوع بالغرفه
من دخلت مفزوعه كلشي ماشفت منهه
مساحتهه كلش جبيره بس كلشي بلون الاسود والرصاصي
القامج، بارده حييل،للحظه فكرت نفسي طابه ثلاجة موته
هوه انه لويقتلني اصلا الغرفه تصيرلي ثلاجه
ضوه العادي جان كلوب واحد مشتغل بالغرفه موكلش مضويهه
يعني بعض زوايه الغرفه مضلمه لأن الضوه زغير على
غرفه بهالحجم الجبير تطلع طوله ثناعشر متر وبعرض ثمانيه او تسعه
لازم بيدي ويمشي وصل للزاويه مال الباب طفه الضوه
بعز الصبح صارت الغرفه ضلمه لوخلي ايدي كدامي ماشوفهه
خايفه منه وارجف متأكده يحس برجفة ايدي وهوه لازمهه بس
مع ذالك من طفه الضوه حيل خفت ما اجه على بالي غير يريد
يسويلي شي ضغطت على ايده بايدي اللازمهه وبايدي الثانيه هماتين لزمت ايده اللي لازم بيهه ايدي صرت مجلبه بي
بهل اثناء وشغل اضواء بلون الازرق القامج وحيل خافت
كلشي بالغرفه يبين بس بشكل مضلم مو منور
ساكته موعدم خوف بس ماعرف شراح يسويلي مجاريته لأن خايفه حيييل ماينوصف خوفي بس "حالي من حال الضبيحه بإيد گصاب"
رجع بيه للجربايه امشي وكل اشوي عاثرتلي بشي
من الحطام السببه
كعدني وكعد بصفي عالجربايه وجهه مقابيل وجهي
_الوحش: لف ودوران ما اريد اسئلج وتجاوبين فتهمتي؟
_هدى: دخيل الله انه شورطني شورطني، " اومئتله براسي"
بس رجع حجه بحده وبطريقه ونبره التمست بيهه الغضب حسيته كوه لازم اعصابه
_الوحش: صوتج، سمعيني صوتج افتهمَــتي
شدد على اخر كلمه
_هدى: أء ء اي اءي
_الوحش: تؤ لاااا لا لا لااااااا
_هدى: على اساس يسئلني جان لازم ايدي بس
فجأة لزم راسه بثنين ايديه وصار ينزله ويرفعه لفوگ
ويعيط
الدم نشف بعروگي هذا شبي
ياربي هذا موعاقل اي هوه هيج مبين
_بقيت ساكته اخاف احاجي ويرجع عليه انوب منو يخلصني
هذا وهذاك اليوگع بيدهم احلف مايطلع عدل
عمالقه موبشر هم طول وهم ضخامه
سكت عن العياط وبقى ثابت لحظات ميتحرك ولايسوي شي
بس صوت انفاسه مما يزيد توتري وخوفي
بقيت اباوع عليه هذا شبي
دار وجهه عليه وكال بنبرة غضب وحقد
أنت تقرأ
البتاوين ومابين جدرانها
General Fictionعصابات قتل_تجاره_مخـ*ـدرات_سلاح_كل هذا داخل مايسمى البتاوين 🔻سمعت امي صرخة طلعت شفت ابوي امدمه ومشمور وعله راسه ثنين زلم واحد كدرت اعرفه هوه نفسه الهددني والثاني،اضخم منه وهم ملثم لاكن مجرد شوفتهم تخوف اتقرب مني هذا الضخم شوي شوي يمشي وعيونه تتفحصن...
