"ضعت بس ماضعت مثل اليضيعون
ضعت بين الزواج وبين الفراگ"
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
_يامور: وصلنه العياط كاب وكفت ع صفحه حالي من حال الواكفين عالواهس،اشوف شديصير
_مرصاد: مامسوي شي يضر سمعتك يابه
وعلى موضوع طلعتي وي البنات
ف مثل ما اني مادخلت ولا اعترضت عزواجك
وكأن شئً لم يكن رجاء انته هم لاتدخل بعلاقاتي
_يامور: صارت صنته اتذب الابرة تسمع صوت، بعد الصفعه التلقاهه
الولد من الحارث ومن كلمة يابه عرفت هذا مرصاد الكالت عنه الحجيه
الولد عمره عشرين سنه بس بنية جسمه ابد ماتوحي الهالشي نفس ضخامة ابو ومبين رياضي من جسمه
_ الحارث: ترجع للعسكريه وشوف يابن كلب
يخليك تنزل الخمس اشهر
شايف حيل متهاونين وياك كونك ابني، بس من اخليك حالك من حال
اي عسكري هناك ساعتهه اطلع الدلال من عيونك
لم غراضك وبوجهك للعسكريه
_يامور: قطع الصمت الحارث وهوه يوجه كلامه لابنه الي بعد ما انهه
كلامه ، طلع صاعد فوك نزلت عيوني من ابنه الصاعد للحارث شفته
يباوع عليه كلبي طاح بمعدتي من الخوف تصنمت بمكاني واني
اشوف معاني وجهه المتكفهره
لا ارادي دارت عيوني عالموجودين الي عباره عن نسوان واكفات وزلم كاعدين واني اشوفهم نفس الحارث يباوعون عليه عزه شنو مبرمجهم
هذا لو شنو احس تبخرت من الفشله رجعت القيت نظره عالحارث
نفس النظرات وعيونه تجدع ، اني شعليه بيكم بلا
كسر الصمت صوت الحجيه يمكن جانت فرج الي بلحظتهه
_ام الحارث:يلا يمه صبن الاكل
_يامور: عقلي جار البرمجه لحظه سمعتو مثلي مو
تقاضت عن كل هاي الهوسه وهيه تكلهن صبن الاكل
عدهم نفس ياكلون بعد الصار، وهوه شنو الصار مثلا بس حجاله حجايتين الولد وضربه الحارث لا اكيد معاني المتشنجه والعصبيه الي باينه عالحارث الي حتى اذاناته صاير لونهم احمر وعيونه مخطط بياضهم بشرايين حمره ناعمه وجهه احس حتى متغير
بالمجمل اني تيبست حتى بعد ماحجت الحجيه وراحن البنات الواكفات
خمنت عالمطبخ لأن كالت صبن الاكل ، هوه ضلت عينه عليه
كل هذا مايعبر الدقيقه من الوقت بعد ماصعد ابنه
هوه راح للغرفه الدخلت بيهه اني اول ما اجيت
التفتت عليه الحجيه
_ام حارث: يمه امشي الغرفتي بين مايصبن الاكل
_يامور: دخلنه الغرفتهه نزعت الصايه لون اسود عريضه
شمرتهه يمي عالسرير بقيت بالدشداشه وكعدت رجليه بالكاع بس ظهري
رجعته عالجربايه احس متكسره مامتعوده افتر هواي بعد كل هالأشهر العشتهه جنت اذا امشي هواي بالبيت هذاك من اروح اصيح الهدى جم مره والى من الغرفه للمطبخ
أنت تقرأ
البتاوين ومابين جدرانها
General Fictionعصابات قتل_تجاره_مخـ*ـدرات_سلاح_كل هذا داخل مايسمى البتاوين 🔻سمعت امي صرخة طلعت شفت ابوي امدمه ومشمور وعله راسه ثنين زلم واحد كدرت اعرفه هوه نفسه الهددني والثاني،اضخم منه وهم ملثم لاكن مجرد شوفتهم تخوف اتقرب مني هذا الضخم شوي شوي يمشي وعيونه تتفحصن...
