البتاوين ومابين جدرانها

لَيسَ بالإختيار

~ياليتَ الإختيار بيدي، لأنهيتُ لُعبَة القَدر~

_الدكتور: اخذن شي قليل بس للاحتياط من نوصل نشتري كل شي

اهم شي اخذو وياجن اكل وشرب تلگين علاكه سوده بالمطبخ

بيهه نمنمات( اكلات سريعه بسكويت وككائو وماشابه)

جيبيهه والمي لاتنسين ماراح نوگف بالطريق

_تمام بابا ونته

_ماريد شي يلا استعجلن

_ يلا يمه هدى بيج تمشين

_ اي يمه بيه

_مو يمه هواي يالا نوصل للمطار بالثلث ساعات يگول الدكتور

خاف ضهرج يأذيج

_ لازينه مابيه شي

: بالرقم من وجع ظهري بس اتظاهر اني زينه المهم ابتعد عنهم

اكو شي بداخلي يأنبني لأن عفته ، بين لحظه والثانيه الوم روحي

بس شسوي الروح عزيزه ، جم مره بمره متت

واني اشوفه يلزم الصاطور احس روحي تروح الربهه وترجع

كل هذا وماگدرت اتعود عليه صعب والله العظيم

تشوفه كلشي مابي ويهتم لأكلي وشربي

بس فجاء يصفن ويتغير مئه وثمانين درجه يكسر ويغلط

على وحده لليوم ما اعرف شمسويتله بس كلما يفقد يشوفهه بيه

اتذكر اخر مره من گتله تشوفهه بيه گال لا اعرف انتي هدى

اتمنه لو ماگايلي هيج ، الاحساس الجاي احس بي يگطع بيه

وجع ظهري لاشئ گبال هذا الاحساس اتمنه اگدر اتخطا

_ يلا يمه شبيج صافنه يوجعج شي

_لا يمه يلا نمشي

_ اي يلا

_اخواني وين

_صعدو بالسياره يلا

_هاي حالتي من اتذكرن شلون جان يعاملني ادخل بصفنه ماطلع منهه

اله من واحد ينتشلني منهه وهوه يحجي وياي

اووووف يارب اتوكل عليك

_ التفت عليهم  الدكتور يحاجيهن لأن گاعد بالصدر بعد ماصعد الكل

: نمشي بعد الكل صعد

_ اي بابا

_تحرك يابه

تحركت بيهم السياره متجهين للمطار موعد الطيران عالـ٩:١٥ م

_مجرم مطلوب للعداله اذا عرفت شايل راسه من الوساده

ماتلوم اله نفسك