Veer: Ek businessman yaa toh pyaar karta hai yaa phir vyaapar, ager tumhe pyar se nahi samjhna toh deal karte hai...mujhse shadi karo, badle me...mai tumhe aur tumhari behno ko security dunga...faisla abh tumhara hai!
Yn just look at him in shock:...
Riya ki halat abh pehle se kaafi behtar ho chuki thi, sabki care se uska bada wala plaster hatt chuka tha aur abh voh kaafi had tak thik bhi ho chuki thi.
Dono Jai aur Jayaan, baar baar yn, shreya aur Riya ke kamre ke aage se kisi na kisi bahane se guzra karte aur halka sa kamre mai jhak kar chale jaate, abh tak yeh baat kisike nazar mai nahi aayi thi lekin aisi baate jyada din tak chupti kaha hai.
Abhi Yesha ki shadi ke liye bas ek hafta aur kuch 4 din bache the, aane wale hafte se rasme shuru ho jane wali thi, aur Rohini ke kehne par abhi Shreya bhi apne clg se uss hafte chhuti lene wali thi.
Isliye inn chaar dino mai voh college attend karne wali thi phir uske baad, yeshu ki shadi mai sabka hath batane wali thi. Aaj voh lagbhag 5 se 6 dino baad clg jaane wali thi, vaise toh usne apna pending work Swara ke bheje hue ntes se complete kar liya tha, isliye jyada kuch tension nahi thi.
Teeno behne unke ghar mai ghul mil gayi thi sabke sath, Shreya Dheeraj ki ladli ban chuki thi, voh akser Shreya ko unke company ke baare mai batate, unke purane din ke baare mai batate aur Shreya bhi pure concentration aur intrest ke sath sunti thi.
Riya aur Karuna toh dost hi ban gaye the, Riya apne Shah Rukh Khan ke baare mai baat karti aur Karuna apne Rajesh Khanna ke baare mai, dono baith kar khup gappe ladhaya karte.
Aur yn toh sabki favorite thi hi, uper se Rohini ki toh jaan basne lagi thi usme. Shayad voh apne baccho se bhi jyada yn se pyaar karne lagi thi. Kyuki Rohini jo kehna chahti yn usse pehle hi samjh jaati aur itna hi nahi toh dono ke bich mai maa aur beti ka rishta aur bhi gehra hone laga tha.
Oops! This image does not follow our content guidelines. To continue publishing, please remove it or upload a different image.
Shreya niche utarti hai aur aaj voh college jane wali thi toh usne vaisa outfit pehna tha, voh dekhti hai toh sab dinning area mai baithe hote hai sivay Jayaan ke, Dheeraj apna newspaper padh rahe the, Rohini jai ke sath kuch baat kar rahi thi, Veer apne iPad par kuch kar rahe the, aur Riya aur dadi ji apne apne hero ke kisse suna rahe the.
Yesha aur yn nazar nahi aa rahi thi, shayad kitchen mai the, toh Shreya ne waha pohochne ke baad sabko good moring wish karte hue Riya ke dusre side mai apni chair par baith gayi. Sabhi logo ne uske good morning ka reply diya lekin uska outfit dekhne ke baad rohini ne usse pucha,
Rohini: beta tum kahi jaa rahi ho...
Shreya: haa aunty ji, college...phir agle hafte se aapne jaisa kaha vaise mai leave ke liye application daal dugi...
Rohini: College...Hey Bhagwaan...JAYAAN!!
Rohini turant apni chair se uthkar Jayaan ke room ke taraf jaane lagi, sabko samjh chuka tha ki abh Jayaan ki kahir nahi, aur thodi der mai iska example bhi sabko mil gaya tha.
Jab Jayaan bhagta bhagta hall mai aata hai, uske piche Rohini hoti hi hai apne hath mai apni ek slipper pakad kar, Jayaan ek minute ka pause leta hai dinning table ke paas aur dekhta hai ki iss musibat ki ghadi mai kaun uski naiya paar kar sakta.
