اللهم صل على محمد وال محمد الطيبين الطاهرين
لا تلهيك الروايه عن الصلاة
وكأنها تذكرت شي بس والله يمكن انها جميلة صدق انا شفت عيالها وجع يوجعهم عليهم جمال يذبح خاصة فروسي وهي تضحك
وهي تشوف اخواتها يشهقون مستنكرين كلامها..!
خزامى مازالت تضحك: والله هذا الصدق وبعدين عادي خلاص بيصير زوجي ليش النظرات ذي .،!
سمعت جوالها يدق وهي ماصدقت انه انقذها المتصل اخذت جوالها من الشاحن وهي تشوف المتصل فتحت الخط وهي ترحب هلا هلا وغلا بشيخ ال زايد وشيخ الجنوب كلها وهي تناظر في ريم اللي لفت تناظر لها ايه بالله انها طيبة ماعليها خرجت تبكي رجعت لنا وهي تنقز نقز تقول غزال اعترف ايش سويت لها ..؟
ضحكت وهي تشوف ريم وهي تحط يدها على راسها .،!
فديت الضحكة ياناس جعل محد يضحك غيرك والله طيبة.. طيب ابشر ..!
بعدت السماعة عن اذنها وهي تقول ريم عمي يقول تبغين شي .،!
ريم حركت راسها بمعنى لا وهي حاطة يدها على راسها من خزامى .،!
خزامى بخبث: عم تقول ماتبغااك إلا انت ..!
ضحكت وهي تقول اااه فديت اللي يقطر رومنسية خلاص طيب اطلع برا وتجيك هي ابشر .؟
ريم وقفت مصدومة: انتي صادقة ذحين .!
خزامى /والله صادقة اخلصي بسرعة عمي لا يذبحه البرد وهي تضحك..!
ريم بقلة حيلةوهي تناظر في ندى واشواق : ايش اسوي انا بالله فيها الخبلة ذي ماراح اخرج له روحي انتي له وهي تجلس على السرير .،!
خزامى وهي تتحرك لين وصلت عندها وتسحب يدها لين وقفت قومي بلا خبال خايفة ليش انت كنت معه من الصباح لحد ذحين والله العالم ايش صار وهي تضحك.؟
ندى واشواق /اخرجي شوي شوفي ايش يبغى ..!
ريم بزعل / المشكلة مو اني اخرج له المشكلة ان ذي وهي تقرص خزامى كذبت عليه قالت اني انا ابغااه واذا خرجت ايش اقول له .،!
خزامى وهي تسحب يدها : اح وهي تفرك يدها مكان القرصة وتشوفها كيف صار لونها احمر شوهتي يدي باقي وراي عرس .،!
سمعت جوالها يدق قالت سمعتي عمي نفخه البرد الضعيف ينتظرش بسرعة.؟
ريم وهي تدور لطرحتها طيب ياخزامى وقفت قدام المرايه وهي تلف الطرحه تشوف وجها كيف ذبلان قالت بالله كيف اخرج له ووجهي كذا .،؟
