سبحان الله وبحمده سبحان الله العظيم
رفعت عيونها لأبو زوجها اللي كان ينظر لها بنظرات كره وولده علي وعياله وافقين والسواق والممرضة وافقين عندها حاولت تصفي حنجرتها وهي تتكلم .
: انا اعرف ان كلكم شايلين علي في قلوبكم شين كبير وحتى لو مانطقتوا به..اشوفه في عيونكم صح انا غلطت غلط كبير وإذا فات الفوت ماعاد ينفع الصوت .،!
انا ربيت بناتكم وحبيتهم اكثر من روحي تعبت وشقيت عليهم كانت فرحتي تكبر كل ما يكبرون قدامي .،!ومن قبل مايموت ولدكم وهو يسافر ولا يجي إلا مرة او مرتين في الشهر وخلا في وجهي اربع بنات ولا معي قليل ولا كثير الا حلالن تركه ابوي لي ..
دخلتهم المدرسة كنت اخذهم من بعد صلاة الفجر .،! وانا اشيل خزامى وهي صغيرة والباقي قدامي وامشي بهم الى طرف الطريق علشان احصل سيارة تنزلني ابها واوديهم المدرسة.،!واجلس معهم الى انهم يخرجون.،!واخذهم معي واوقف على الطريق الى ان الله ييسر لي ابن حلال يركبنا.!وارجع البيت اطبخ غداهم واغسل ملابسهم .؟
وفي العصر اخذهم واوديهم عند امام المسجد الباكستاني يدرسهم لاني لا اعرف لا اقرأ ولا اكتب .،!
ويوم الخميس والجمعة اخبز واطبخ ايدمات واسوي شاي وقهوة واجلس على الطريق وابيع لناس علشان اقدر اوفر لهم اكل وشرب .،!
ضحيت بكل شي مات اخوي وهو زعلان مني لاني رفضت اسافر معه واخلي بناتكم .،!
يسر الله لي ابن حلال اعطاني سيارة وسواق واكفاني هم كبير..؟!
ماعمري رفضت لهم طلب ولا اقدر احط لقمه في بطني إلا بعد مااطمن انهم اكلوا وشبعوا وبعدين اكل بعدهم .،!
كنت اخاف اني آكل لقمه وخاطر وحده منهم فيها .،؟ ولا انام إلا بعدهم .،؟
مات ولدكم ولا عندي إلا غرفتين وحوش صغير ..! كنت اخاف عليهم من الدواب والهوام.،؟
اخاف احد يدخل علينا تالي الليل .،؟وانا بمكان قفره مابه احد غيرنا.،!
