كان راجع من البقاله وبيده كيس فيه اكل لأهله
وشافها بعبايتها وتركض والدموع على خدها وصدمت فيه
ناظر لها بأستغراب وسأل:وش فيك!
هي بصوت يرجف:تكفى تكفى ساعدني وراي وراي هو وراي
طالع وراها يشوف انتبه انه في رجال يطالعهم بحقد ورجع ادراجه
رجع لف عليها وسألها :من ذا؟! ووش يبي
ردت عليه وهي منهاره والدموع ماتوقف:مدري مدري كنت ماشيه لبيتنا ولقيته يلحقني
سكتت وهي ترجف بقوه ونطقت بعدها:وصلني بيتي تكفى مقدر لوحدي
صد عن عيونها اللي سحرته وماخلته يفكر بشي
ونطق وهو يناظر الارض:ابشري يابنت الناس هيا
مشت هي قدامه برجفه ضامه نفسها من الخوف وهو وراها
كان يناظر فيها ويناظر بشعرها الحريري ومصدوم من هذا الجمال
هو عاش ببيت مافيه بنات مافيه دلع مافيه جمال
مد يده واخذ غترته وتقدم لها وغطى شعرها
هي انصدمت وفزت ولفت له على طول
لقته صاد عنها
ورجعت لفت وكملت تمشي
ماقدر يطالع في عينها خاف يغرق مره ثانيه
ويوم رفع راسه لقاها وقفت ولفت عليه ونطقت :هنا بيتي شكراً انك وصلتني
نطق وهو باقي منزل راسه:عفواً لكن لعد تطلعين برا لوحدك انتبهي
رجع كمل طريقه وركب سيارته وانطلق للبيت اللي مكانه في الخلا في البر
دخلت البيت وهي ترجف واول مادخلت جاها كف انصدمت ورفعت راسها تشوف ابوها يطالع فيها وعيونه حمرا ونطق بعصبيه ونفخه: وين رحتي هاه!!!! انتي قلتي بمشي واجي ماصارت مشي!
نطقت وهي صوتها يرجف ومنزله راسها للارض:ط طحت والتوت رجلي
نطق:اخر مره تعيدينها يا مي والله لو اشوف رجولك معتبه الباب والله ما اخلي فيك روح والله
هزت براسها بإستجابه واشر بأصبعه على غرفتها وقال:طسي غرفتك مابي اشوفك
دخلت غرفتها ورمت بنفسها على السرير وتغطت وبدت تبكي تعبت من كل شي وتعبت من العيشه اللي تعيشها وتعبت من تعامله معها
طق باب الغرفه وماردت ماعد عندها طاقه حتى تتحرك انفتح الباب ودخلت جلست على نهايه السرير ماسكه اللحاف وتنطق:مي تكفين لاتسوين بنفسك كذا لاتسكتين
رفعت راسها مي بعصبيه ونطقت: وش تبيني اسوي! قولي لي وش تبين اسوي مها
انا تعبت انا انهدت روحي عشان غلطه وحده!!! غلطه وحده وتبت والله تبت وش يقنعه! انا ما اقدر كذا مها تعبت
نطقت مها وهي عاقده حاجبها والدموع متراكمه بعيونها: مي انتي غلطتي ولازم تتحملين غلطك حتى لو تبتي انتي ماكان المفروض تكلمينه بعد ما بابا قفطك المره الاولى قلتي مارح اتكلم معه وقبل كم يوم كنتي مخططه تطلعي معه! مي انتي ايش صارلك ، ماكنتي كذا
تنهدت وكملت:روحي اعتذري منه بابا بيسامحك مايطاوعه قلبه
قاطعتها بالكلام وهي تبكي وتقول:مايطاوعه!!! وهو تو صفقني كف!! هنت عليه لهاذي الدرجه!!
قالت مها وهي تشد على يدها: مي انتي خطيتي ولازم تتحملين
وقامت واقفه وهي تكمل : مي قومي اعتذري من بابا وماما وسامي
كلهم مخاصمينك
صدت مي عنها ورفضت انها تتكلم
تنهدت مها وطلعت من الغرفه وقابلت امها اللي جات ومسكت كتف مها وقالت:ها لان راسها؟ وافقت تعتذر؟ ابوك قال اذا جات تعتذر والله اسامحها
مها هزت راسها بالنفي
وتضايقت سكينة وسحبت مها ومشيو بعيد عن غرفة مي
