صحى من النوم وهو مو رايق لبس وطلع من الغرفه
شافها جالسه ولـامه شعرها على فوق على الايباد تتفرج ومسويه لها فطور
عزام:ماسويتي لي؟
مي طالعت فيه وشمقت:ماسويت
عزام :ليه؟
مي طنشته ماكانت تبي تكلمه بعد اللي صار امس كان متضايقه منه مره
تنهد وراح المطبخ سوا له ايشي على السريع وووقف عند الباب ولف عليها
عزام:انا بطلع للدوام برجع بدري اذا بتطلعين ترا بتمطر
مي طنشته وخلصت فطور وراحت تبدل ولبست عبايتها وخرجت تروح لأهلها
وصلت عندهم ودخلت وشافتهم جالسين يفطرون جلست عند ابوها
مي:بابا مابيه تكفى ابي اخلعه
شرق صامل من كلمتها ولف عليها:ليه؟ ووش سوا؟
مي:بيحرمني من دراستي ومابيخليني ارجع معكم انا مابي اصير عااااطله
صامل لف عليها:بكلمه نشوف حل لدراستك لكن رجعه انتي مع زوجك يا مي
عيونها امتلت دموع وقامت تروح لمها اللي كانت على فراشها جالسه على جوالها
جلست وكتفت يدينها وبوزت فمها
مها:ماعليك ماعليك بابا بيقنعه يخليك تكملين دراسه ماعليك
مي:وانا وش بيضمني انه بيخليني انا ابي ادرس واتوظف واخلعه!
مها ضحكت ورجعو كل الثنتين على الجوالات
وصل البيت وكان معه اغراض اكل
دخل البيت وناداها بس ماحصل رد خاف شوي وراح يشيك على الغرفه وكل مكان بالبيت مالقاها دور عبايتها عند الباب ماحصلها عرف انها راحت بيت اهلها خرج ووراح لبيتهم ودق الباب فتحت له سكينه :هلا وش بغيت؟
عزام: بغيت مي
سكرت سكينه الباب وراحت لمي اللي جالسه تسولف وتضحك مع مها
سكينه: مي حبيبتي رجالك عند الباب
مي وقفت وبأشمئزاز :ماما لاتقولين رجالك يع
سكينه:وانا صادقه هو وش
قامت ولبست عبايتها وفتحت الباب ووقفت وراه:نعم؟
عزام حط يده على خصره:وش اللي نعم تعالي البيت خلاص
مي:مابي
عزام:مو على كيفك هو امشي يلا
تأففت وخرجت ومشت معاه للبيت والسماء جالسه تنزل قطرات ماء الجو كان مغيم جميل
دخلت البيت وشافها منفسه
مسك كفها ووقفها لفت عليه
وقال:تبين تركبين خيل؟ انا عندي خيول واعرف اركب امشي ننبسط
ابتسمت وقالت:منجججد!!! انا من زمان ماركبت خيل اشتتتتقت
ضحك من شافها انبسطت وراح بدل لبس العسكر ولبس ثوب ولبس فروه لانه حس انه بيكون برد وخرجوا
واتجهو للاسطبل شاف الخيول نايمه ولف عليها وشافها وهي تتتأملهم وقال: انتظري لين تصحى واركبك لان اذا صحيتها انا بتنفس وبتطرحك
هزت راسها بالموافقه ولفت على باب الاسطبل تشوف الجو والغيوم بدا المطر يهطل بقووووه والسماء تغير لونها من كثره وكثافه الغيوم بالمطر
لف وقرب ووقف جمبها وقال:مايمدي نركب ذحين المطر قوي امشي نرجع البيت
لف عليه وهي مبوزه وزعلانه :مايمممدي ماجبت مظله
رفع فروته وقالها:ادخلي جوه وبعد لين 3 ونركض كلنا
لفت عليه ودخلت بالفروه اللي تفوح بريحه الفحم ممزوجه مع ريحه عطره الفواحه ابتسمت من جمال الريحه حطت كفها اليمين على كفه اللي كان رافعها تتمسك فيها
ابتسم من حس بكفها الناعمه مثل كفوف الاطفال
لف عليها ولفت عليه تقابلت عيونهم للمره الالف وبكل مره يحس انها المره الاولى
ابستم لها
عزام:يلا واحد اثنين ثلاثه
ركضو كلهم وهم يضحكون ماشين جهه البيت كانت تتمسك بكفه بقوه خافت تطيح الفروه وتغرق كان يطالع فيها وهي تركض وتضحك وصلو البيت وهي مبسوطه لفت عليه مي:لو انو شعري مو مستشور كان طلعتتت ولعبت احب المطر
ابتسم ولا قال شي دخل يغير ملابسه اللي غرقت لانه ماكان مهتم الا بأنها ماتتغرق
بدل ملابسه
وخرج ووقف عند الباب من نطقت مي
:وين رايح؟
ضحك عزام: صار دورك تسألين يعني؟
مي ابتسمت لانه عرف مغزاها من السؤال لانها ماكانت مهتمه
عزام:بطلع من العيال شوي وبجي
كان الليل والعيال مسوين لهم جلسه في التراب وحاطين نار
كان معاهم ويسولفون ويضحكون وطول عزام
مي قررت تخرج تستنشق هواء ولبست بس الروب على بجامتها وخرجت تتمشى
سمعت من بعيد اصوات ضحك وناس تغني
قربت من اتجاه الاغاني وشافته من بعيد جالس بوسطهم معاه عود ويغني
وانت بس لو تعرف ،،ملكت الروح في يدك،،،، وكم اشقى انا بعدك وماا اقسااك
يانور العين كم تجرحني نظراتك
وتشوفني دوم ابكي لـما اشوفك
كانت تبتسم تحس انه يقصدها بهذي الاغنيه هي تبي تحس بكذا هي عارفه انو هو مايقصدها لكنها تبي تعيش هذا الجو تشوف ابتسامته وصوته وتجيها مشاعر تكتسح قلبها ماتعرف توصفها هل هي حب؟ هل هو اعجاب؟ هل هو مجرد شعور عابر ورح يختفي مع الوقت
هو كان قاصد الاغنيه لها كل مايشوف عيونها يغرق ويسرح فيها مايشوف غير عيونها تمنى انها موجوده عشان تسمع وتعرف لكن بنفس الوقت مايبيها تسمع عشان لاتوهم نفسها بشيء هو مايبيه يصير مايبي يطيح بغرامها خايف خايف انه يلعب في مشاعرها لكنه بنفس الوقت يبي ينتقم ينتقم من ابوها اللي سلب فرحته منه
رجعت البيت لانه كان مره برد وتجمدت قررت تنام لان الوقت تأخر
خلصوا جمعتهم ووهو راجع للبيت وقفه صامل
عزام عقد حواجبه وقال:نعم عمي بغيت شي؟
صامل ووجه حاد ومحزم:بتخلي مي تكمل دراستها ولا بتخلعك!
ضحك عزام وقال:تخسى انت وهي مابتدرس ولا تخلعني
ماتحمل صامل وضربه كف
انصدم عزام وكان بيرجع يضربه لكن وقف بينهم نايف اللي شافهم من بعيد
نايف وهو حاط يدينه على صدر عزام:هدو هدو تعوذوا من ابليس
عزام كان ناوي هواش وضرب لكنه سكت وقال لصامل بحده:بنتك مو مكمله دراستها واعلى مابخيلك اركبه
مشى وهو يسمعه يصيح من بعيد ونايف ماسكه عن عزام
دخل البيت وراح لغرفته ورمى نفسه على السرير يحاول ينام
حسابي بالتيك توك (liyanno7)
معليش تأخرت بالتنزيل لكن حصلت ظروف وان شاءالله ما اتأخر
