نرجع قبل الاحداث ب 1ساعه
عزام سحب نايف على جمب
نايف استغوب ونطق: ولد شفيه؟
غزام وهو ماسك كتف نايف ويقول: بنته بنته البكر يحبها يغلاها وانا والله ماخليها له
نايف بتعجب وعقد حواجبه وقال: انت وشبك وش جاك؟؟؟؟؟ ووش بتسوي
عزام قال: بخليهم يزوجوني ايها واحرمه منها
هو زمان رفض خطاب عشانه يحبها وانا والله ماخليه يتنهى
نايف بصدمه من الكلام اللي يطلع من عزام
وقال: انت منجدك؟! محد بياخذك بجد وبعدين كيف بتتزوجها!!!
عزام وهو يبتسم وقال انا بسوي كل شي انا بس بأشر لك وتروح تقولهم للي بالمجلس انك شفتني انا وهي داخلين الحظيره ماسكين يد بعض فاهم؟
كمل كلامه من شاف نظرته المستغربه على وجهه : مابسوي لها شي بس بوهمهم انه بينا شي ويزوجونا فهمتني؟؟
هو ماكان يعرف اي وحده فيهم هي ماشاف وجهها يوم تعارفوا عند السياره لكن يعرف انه هي اللي يبي يقهر قلبه بها
نرجع للاحداث الحاليه
دخلوا كلهم العمان والعجوز على منظرهم
مي بعدته عنها بصدمه ماتوقعت كذا يسوي
وناظرت له وهو يطالع فيها ويبتسم نص ابتسامه
جاء صامل سحبه مع كتفه وعطاه كف وطاح بالارض
جاء بيكمل عليه الا يمسكونه اخوانه ونايف وخالد عند عزام اللي طايح بالارض وشفاته تصب دم
نطق وقال: وشششش جابك عندههههااا!!!!! لييييه تقرب منها!!!!!!!
مشايخ بعصبيه:قصر حسك
لف عليها صامل وقال: وش اقصررر حسي؟!!!! ذا كان
سكت و ماكمل كلامه لانه ماقدر يقول انه كان يبوس بنته
كمل وقال: كان لاصقق ببنتي!!!! المعتوووووه
وقف عزام وهو يمسح الدم من فمه وقال: انا وبنتك نحب بعض من زمان امس كنت انا وياها سوا طالعين
لف صامل على مي بصدمه وقال: مي؟؟؟؟؟؟
لفت مي على ابوها وقالت وهي خايفه وترجف: ك كذاببب والله كذاب ماكنت معاه اصلاً اليوم اول مره اشوففه
لف عليها عزام وقال: لاتكذبين! ليه تكذبين عادي قولي لهم الصدق
عزام طاح بالارض مره ثانيه بس ذي المره الكف من عبدالله
طالع عزام فيه وهو يضحك وقال:تتناوبون كفوف انتم عطوني اياها مره وحده
نايف وخالد ساعدوه يقوم
وهمس له نايف وقال: خذيت مبتغاك اسكت خلاص
لف له عزام وهو يضحك
مشايخ قدمت ونطقت: احبسوا عزام بالمستودع لايطلع الا بقرار مني فاهمين؟؟
وانتي يابنت روحي بيتكم بعدين اجيك
مي هزت راسها بالنفي وقالت: لا لا مابروح لين تصدقوني انا ما اعررررفه
صرخت مشايخ وقالت: هذاااا امر يلا على بيتكم
مي طالعت بأبوها وعيونها كلها دموع
واشر لها ابوها بالايجاب يعني روحي
رجعت لفت لعزام بعصبيه ودموع بعيونها
طالع بعيونها وصد خاف يغرق بالهعيون مايبي يغرم بها هو بس يطالع بعيونها يطيح ولا يقدر يقوم يغرق بعيونها وينسى اللي حوله ماينتبه لشي غير عيونها
مشت مي وهي تبكي راجعه للبيت ماتوقعت تنظلم زي كذا
دخلت البيت وشافتها امها ومها تبكي
مها فزت وقامت لمي وقالت:مييي!!! شفيك
قامت سكينه مفجوعه خايفه
ونطقت مها وهي تصرخ وتهز كتفها وتقول: مييي بنت ردي علي!!!!!!!
مي انفجرت تبكي زياده ونطقت وحكتهم كل شي صار
جالسه بنص المجلس معصبه ومنفسه
نطق عبدالله وهو خايف من غضبها وقال: يمه والله ماكان قاصد زله شيطان يمه زله شيطان
ناظرت فيه وشمقت عليه ونطقت : بنزوجهم من بكره بعد المغرب
ولفت على ماجد وقالت: دور لنا على شيخ زين ويكتم السر
صامل كان مصدوم ماكان يبي فرقى بنته كان يرفض خطاب مايبيها تروح ذا كثر غلاها عنده وقال: يمه تكفين زوجي اللي تبين بس لاتزوجينها تكفين يمه ماقدر
نطقت بنفخه وعصبيه: اعقب! ماعندنا هذا الكلام وش اللي ماتقدر!!! انت شفتهم مع بعض لازم نغطي على الفضيحه ذي!
