عزام: ماتحسين ودك تختفين عن العالم؟
مي:يمه وش جاب ذي السيره
عزام:مدري
مي: احس بهذا الشعور مرات مره يوم زوجوني غصب
حزن من جابت سيره ان زواجهم غصب لانه يبادلها فعلاً
مي:و مرات احس ودي اختفي مع الشخص ذا عن العالم
شرق بالعصير اللي كان يشربه
وكح ضربته مع ظهره وقالت:اسم الله عليك
ضحك وقالت: شفيك تضحك؟
عزام:اخذتي قلبي اول شي وذحين تاخذين كلامي
مي كحت وهي مصدومه من كلامه كيف يقولها كذا
كمل وقال: حتى بالكحه اخذتيها
مي:الكحه مو بس لك يعني
عزام:مين الشخص
مي:ايش؟
عزام:مين الشخص اللي تقولين ان ودك تختفين معه ؟
مي:مابعلمك
عزام:مي بلا سماجه قولي
مي:نوو بيبي نو
عزام سكت من سمع كلمة بيبي تكلم بسرعه عشان مايحسسها ان الكلمه هزت قلبه وقال
ان ماعلمتيني والله لاخليك تتكلمين
مي تضحك وتقول:مابتقدر علي
نقز عليها يدغدغها مع بطنها وهي تحاول تدفه وتضحك وطاحت على الارض
دفته بقوه وعلى دفتها شال يده وطاح عليها بالغلط مي وهي تصارخ: عزززام قوووم تراك ثقيل
حط يدينه على الارض ورفع راسه يطالع بوجهها الحسن ويتأمل ملامحها اللي خذت عقله وقلبه من ثاني يوم شافها هي تتطالع فيه بعيونها البريئه وترمش ببطء وحس ان الوقت وقف فيه
دفته مي:عزام بلا حركات بايخه يلا
وعى على نفسه من سمع كلماتها وقام بسرعه وقال:اسف ماكان قصدي
مي وجهها حمر لكن حاولت تكسر الاحراج اللي صار بينهم وقالت:ليه سرحت بعيوني
عزام وهو يتأمل النجوم فوق:لاني احبها
سكتت مي من رده وانحرجت ولا قالت شي
عزام لف لها وناظر بعيونها بالضبط وبدا يدندن ويلحن :
يانور العين ارحّمنا!
ترفق لا تعذبِنا
كفَى ماقد جرى منك ما اقساك!
يانور العين ارحّمنا!
ترفق لا تعذبِنا
كفَى ماقد جرى منك
متى القاك؟
ابتسمت من سمعته يلحنها وقالت:هذي لي؟
عزام:لك وبس
حست بالنوم ورجعت لورا تستلقي على الارض ونامت
شافها من نامت وسحب راسها لحضنه
حل الصباح وهو غفى بمكانه ومتكي على يدينه
صحت من صوت العصافير وقامت وانتبهت ان هي على رجوله
*خل نرجع لورا شوي عند مها وسامي*
كانوا يسوقون بالسياره
سامي:انتي صاحيه؟ تسولفين مع واحد مو محرمك
مها وهي تبكي:على اساس انت محرمي؟ انت ماكنت تدري عنا ومختفي وتجي هنا تعاتبني؟
سكت سامي لان مها كانت صادقه
بعد دقايق معدوده تكلم سامي من جديد وهو يقول:انا برجع الشرقيه
مها:ليهه؟
سامي:شغلي هناك وبضطر ارجع
مها:لحظه لحظه و احنا؟
سامي:ابوي ماقالكم؟ بتستقرون هنا
مها:اييييش؟؟؟؟؟؟ لا لا معليش ما اقدر اجلس
وجامعتي؟
سامي:كمليها اونلاين وش الفرق
مها:سامي انت تستعبط معي صح؟
سامي:لا والله
وقف السياره لانهم وصلوا وقالها:انزلي بروح اجيب كم شغله
نزلت وحرك سامي وهي تمشي للبيت جاها يركض يوقفها
من شافته خافت وبلعت ريقها
نايف:وش صار لأمك؟
مها تصد عن عينه:ماجاها شي يلا باي
مشت ووقفتها يد نايف اللي مسكت كفها وقال:وش فيك مبعده نفسك عني؟
مها:انت منجدك نايف؟ ماما بالمستشفى بسببي!!! شافتنا انا وانت امس وحنا نسولف!
ما اقدر اتكلم معك اذا ابي رضى امي
سحبت يدها من يده ومشت لبيتهم وتقفل الباب وراها
وقف مصدوم من اللي صار وكان منكسر انها بتبعد عنه وهو مايبي الا قربها
*عند عزام ومي*
جلست زين ودقت عزام :عزام قوم اصحى جاء الصباح
عزام صحى وقال:شبعتي نوم؟
مي ارتبكت من عرفت قصده وقامت مسرعه وهي تقول:بروح لماما باي
مشت وهي مسرعه ووجها احمر من الخجل دخلت عند امها وسكينه كانت لسى نايمه
ابتسمت من شافت امها بهدوء نايمه كانها طفل صغير
جاء ابوها ودخل وسلم على مي وقال:وين اللي يقول بجلس عندهم
عزام وقف وراه وقال:هنا ياعمي ماتركتهم انا
صامل لف جهته ورجع لف جهة سكينه وقال :بيكتبون لها خروج اليوم
مي تنهدت براحه:الحمدلله شلت همها مره
صامل:مي بجلس مع امك شوي
مي:تمام
قامت وخرجت ووقفت مع عزام وقالت:وش تتوقع يقول لها؟
عزام:مدري بس الله يستر امك لاتعلمه
تنهدت ورجعت بظهرها على الجدار
صامل:وش صار لك ليه تعبتي؟
سكينه:ماتعبت ياحبيبي انت بس نفسيتي ضربت شوي
صامل:فيه سبب؟
سكينه :لا لا مافي اي سبب
خرج صامل ولف على عزام وقاله:اخذ مي وارجعوا بجلس عندها شوي وبطلعها
مي جت بتعارض لكن سحبها عزام مع يدها على نظرات صامل لهم وخرجوا وركبت مي مع عزام السياره وانطلقوا
مي:تتوقع ماما قالت لـ بابا؟
عزام :والله مدري لكن بنشوف مع الوقت
