جاه اتصال من حمد رد عليه بسرعه وقال:هلا والله
حمد:الخيول عندي بالحظيره
عزام:حلوين حلوين الله يعطيك العافيه انا بهتم بأكلها وبرسلك اياه
حمد:على خير ان شاءالله هيا سلام
عزام:سلام
لف على طول لنايف وخالد اللي كانوا يطالعون وينتظرون يخلص نطق هو وقال:يعيال هالكلب يحسب اني مارح ادري والله انه رخمه صدق دامه يسويها من وراي بس ماعلي خلاف وراي اخوان اشد ظهري فيهم
ابتسم نايف لكلام عزام
خالد:على فزعتنا عطنا بيت كذا
عزام يحط يدينه على عيونه:من عيوني انا كم عندي اخو!
حي الرفيق اللي له الطيب منهاج
اللي ليا جيته ، يضوي سراجه
لو ماقضى حاجتك لاصرت محتاج
على الاقل تكفيك ضحكة حجاجه
خالد مبسوط ويصفق :
عاااااش عااااااش
صحت من غفوتها وراحت تلبس بتروح لاهلها
خرجت من البيت واتجهت للبيتهم دخلت وسلمت
ماحست الا بحضن امعائها كلها طلعت من قوته
:وحشتيني ياكلبه ماتردي على اتصالاتي ولاشي!!!!
مي:سوري بيبي بس والله ماشفتها ابداً تعرفيني ماحطنشك
مها برفعه حاجب: ليككككون انشغلتي بزوجك الجديد!!
مي دفتها وقالت:يع ذاك اللحجي مايجي ظفر اصبعي !
مها ضحكت لانها عارفه اختها تكابر
حاوطت يدينها حول ذراع مي وقالت:مي عيوني قلبي شرياك نتمشى من يوم ماجيت وانا محبوسه وماما وبابا يتهاوشون عشان عزام وانتي وسامي ساحب علينا وماشي مع العيال
لفت عليها مي بعقده حاجب وقالت:لحضه لحضه ليش ماما وبابا يتهاوشون
مها:بابا باع خيول عزام عشان يخليك تدرسين كاتهديد يعني بس ماتوقع نجح وماما رفضت ذي الفكره
مي انصدمت كيف ابوها يسوي كذا!!!
سحبت يد مها من ذراعها ومشت للمجلس بسرعه ودخلت بقوه ورفعت صوتها:بابا!!!! خير تبيع خيوله!!!
صامل لف عليها ووقف :يابنتي عشان يخليك تدرسين
مي رفعت اصبعها :بس مو كذا ابداً عادي كنت لينت راسو وقنعتو يخليني ادرس بس مو بالطريقه هاذذذي!! انت من متى وانت بدائي كذا
هي عارفه قد ايش خيول عزام تعني له مره
صامل استغرب من ردة فعلها وقال:انتي مو كنتي تبغين الدراسه؟ انا عندي طرقي الخاصه
مي:خاصه ايش خاصه ايش؟؟؟ تروح تبيع اشياء الناس عشان مصالحنا؟ احنا من متى كذا؟ انت مو بابا رجع خيوله وانا برجع للبيت واخلعه
صامل انصدم قد ايش هي مصره ترجع الخيول
خرجت من البيت وكانت معا تلحقها وتصيح:هي بنت وين رايحهه!!!!!
مي مطنشتها كانت تدور على عزام
لقته مع خالد ونايف
ومسكت ذراعه وقالت:عزام انا اسفه ماكنت ادري انو بابا بيسويها
انصدم من وجودها هنا ومعها اختها
لف نايف على اختها وقال:ابو متعب!!! تغطي
لفت عليه مها وقالت:مالك دخل انا حره!!!
طلع غترته ولفها على راسها وقال لها:امشي خليهم يتكلمون براحه
خالد:ياخي وانا مافي وحده تدورني!
ضحك نايف عليه وقال:رح لنوير بتموت عليك
استغربت مها من كلمة نايف
حط يده على ظهرها يدفها لقدام بالخفيف
لفت مها عليه وهو عيونه بالارض يمشون بعيد عن عزام ومي نطقت وقالت: وش. قصدك يوم قلت لوه انو يدور نوير؟
قالها نايف:ماتدرين عن السالفه انتي؟
مها:لا ما اعرف شي
نايف:ابوك زمان جاء بدونكم وزوج نوير وعزام غصب عشان كذا عزام يكره ابوك ونوير كانت تحب خالد وتبيه
مها شهقت وقالت:بابا يسوي كذا؟؟؟؟ صدمممه
نايف ضحك وتمتم:يسوي اقوى
لفت عليه مها:وش قُلت؟
نايف يطقطق على لهجتها:ماقولت شي
شمقت ومشاها لبيتهم ووقف ينتظرها تدخل
عزام:كيف عرفتي انتي؟؟؟
مي:بابا قلي انو سوا كذا عشان تخليني ادرس انا مره اسفه هو بيرجع لك اياها وانا برجع معهم
عزام بصوت حاد:هيه انتي مو على كيفك يرجعها وتروحين انتي؟؟ طزززز بالخيول يشيخ
مايقدر على فراقها من سمع ذي الكلمات منها
مي بصدمه:مو انت تكرهني؟
عزام وهو يلوح بيده:من قال من قالك اني اكرهك؟؟ مي انا عشقتك ماشوف غير انتي بحياتي ذي كلها ما اعرف الا انتي ،،انتي تدخليني عالم احسه مو عالمي عالم الاحلام ماقدر اخليك تروحين!!
مي انصدمت من اعترافه ماكانت تدري انه يحبها لانها مرات يسكر كل بيبانه بوجهها مرات يفتحها كلها هي تحس بالحيره ماتعرف شعورها تجاهه
ركضت للبيت بدون ماتعطيه رد ابداً دخلت الغرفه ودخلت بالبطانيه ودقات قلبها كل مالها تزيد من تتذكر كلامه
مو مصدق ان ذي الكلمات طلعت من فمه حس انه غلطان المفروض مايعلق شخص فيه وهو بيتركه هو مايبيها هو غايته الوحيده انه يقهر صامل ببنته حبيبته لكن صارت حبيبته هو صار يغلاها ومايرضى زعلها يحاول ينكر كل هالمشاعر لين ماقطع تفكيره صوت خالد وهو يقول:ولد ولدددد!!!
عزام:هاه هاه
خالد:انت معي؟ وش صار
عزام:لا لا ماصار شي هيا نتمشى
عزام كان متعمد يروح للاسطبل عشان يتفقد الخيول
دخل الاسطبل وصرخ من ماشافهم فيه
تجمعو عليه كل العيله والرجال ومنهم صامل ومشايخ
صامل:علامك!!!
عزام:خيولي وينهي؟؟؟؟
صامل:بعناها انا وجدتك
ركض لها ومسكه من ياقته وقاله :رجعععع خيولي رجعها!!!!!
حاولو يبعدوه عن صامل لكنه كان قوي
لين سعود نطق:حلال ولدي بأي حق تبيعه!!!!
صامل يحاول يلف لكن مانعه عزام
تكلم صامل بصعوبه:انا اخوك الكبير انا حر
صفقه عزام كف ماتحمل
يناظرهم من بعيد ويضحك كيف يمثل بذي القوه
خرجو مها ومي وسكينه على اصوات الرجال
شافته مي يضرب ابوها واسرعت حاولت مها توقفها لكنها ماقدرت مشت بسرعه وراها خايفه يصير لها شي
مي صرخت بوجه عزام:وووووقف!!! لاتضربه خلاص بيرجعها لك
عزام وقف من شافها مايبيها تشوفه وهو كذا
وقف وترك ياقته وضحك صامل ونطق:برجع برجع بس بنتي بتخلعك
عزام وهو يبتسم والكل مستغرب من ابتسامته: ابن ابوك ترجعها واللي تقدر عليه سوه وبنتك عندي مافي خلع ولا شي
مشى عزام وهو يسحب مي من كفها ويقولها :امشي امشي!!!
تنزل من عيونها البريئه كمن دمعه ووقفها وقال وهو يصارخ:لاتبكين لاتبكين!!!!!
وقفت وهي تتألم من مسكة يدها :عزام لاتصارخ علي
تقولها بصوت واطي لانها خايفه فعلاً
لانت ملامح وجهه وعبست كيف هان عليه يبكي هالعيون ضمها بقوه وهو يبوس راسها:اسف اسف مو قصدي
تحس فيه من يضمها بقوه لدرجه عظامها بدا يوجعها من الحضن كانت تحاول تبعده وهي تقول:عزام اوجعتني وخر
ابتعد على طول ومسك كتوفها وقال: الخيول عندي وابوك مابيرجعها وانتي لي مابتخلعيني سواء شئتي او أبيتي
تناظره بنظرات استغراب واستعجاب من افعاله
عزام:يرحم والدينك لاتطالعين فيني كذا ما اقدر امسك نفسي
ماصدقت هو وش يقول سحبت كتفها من يدينه ومشت للبيت وهي معصبه وتبكي ومشاعر مختلطه
طلعها من المكانوهو ماسك كفها وهي مصدومه من اللي صار
:كيف كيف قدر يضرب بابا كذا؟؟؟
نايف:ابوك اللي بداها نصيحه ادخلي البيت انتي وامك لايجون ذحين
يطلعون الحره فيكم
مها مستغربه من اهتمامه لها بشكل كبيررر
مها لفت عليه :اترك يدي ابغى امشي
نايف:هاه!
مها اشرت بيدها الثانيه على كفه اللي ماسك كفها بقوه
تركها بسرعه وقال روحي ذحين
مشت متوجه لأمها اللي واقفه وحاطه يدينها على وجهها
مها:ماما هيا بابا بيجي شوي تعالي
