مها:بنات خلصت فعالياتنا
مي:اي طفشت الصدق
نوير :اصلاً تأخر الوقت لازم نمشي
وضحى:اي والله ذحين يعصب علي نايف ويجلس يهاوشن
مي:ماله حق يهاوشك وليه اصلاً؟
وضحى سكتت ونزلت راسها
ورفعت راسها من قالت نوير:اخوها سايكو يشك بها ويحسبها مع عيال القبيله
مي:قليل ادب دام يشك بأخته زي كذا
لفت لمها وكملت:مها وصلي نوير وارجعي البيت عندي انا بوصل وضحى
وضحى:والله مايحتاج يختي مالها داعي
مي:يلا يلا بس امشي
سحبت يدها وقومتها
وضحى انحرجت من موقفها قدام مي
مشتها مي لين وصلوا البيت وقالت:يلا رني الجرس
وضحى:يحليلك مافي جرس فيه دق الباب
دقت الباب وفتح لها نايف وجلس يصارخ ويقول:وين رحتي انتي تسربتين مع عيال الحرام هاااه!
طلعت من جمب وسكت يوم شافها وقالت:ليه تشك فيها؟ هممم خلني اجاوبك لانك انت تسربت مع البنات وشاك انها تسوي مثلك وتصير واطيه احلم انها تكون مثلك هي شريفه وانظف منك
نايف:هيه انتي جيتي وجبتي شياطينك معك ياشيخه روحي
لف على وضحى وقال: معد اشوفك معها فاهمه؟؟؟؟
وضحى اكتفت بانها تنزل راسها وقالت مي:اي تحذرها مني عشان لا يتعبى راسها صح؟ عشانك خايف اني اوريها وجهك الحقيقي يا ****
نايف وسع عيونه من الصدمه ولفت عليها وضحى بصدمه وقال:يابنت الكلب الزمي لسانك لا الزمك حدودك انا ساكت لك معزه لأخوي عزام ولا انتي ماتسوين شي ياعديمة الشرف
مي وهي تصارخ:مو عديم الشرف غيرك والزم حدودك لا الزمك انا اياها يا مريض وعزام يخسى يكون اخو لواحد واطي وشكاك مثلك
لفت لوضحى اللي كانت منزله راسها وقالت:تشاو حياتي اشوفك بكره
رمت لها بوسه ومشت
نايف سحب يد وضحى وصرخ :لا اشوفك معها تفهمين!!!!
دخلت وضحى وهي مشت راضيه للبيت
دخلت ومالقت مها ابداً وحست بالبيت هدوء جداً على غير العاده وتوقعت تقابله لكنه مو موجود راحت غرفته خايفه من سكوته وهدوئه دخلت الغرفه صرخت من الصدمه
وجهه شاحب ونايم على السرير وعيونه حمراء وينتظر السقف بدون حركه ولا شعور
حطت يدينها على فمها وهي تركش له وتقول:ع عزام؟؟؟
لف ببطء عليها وابتسم ورجع طالع السقف
جلست عنده ومسكت يدينه وسألت :عزام وشفيك وش صاير
عيونها بدت تدمع ولف عليها وقال بصوت مبحوح وهو يحاول يلقط انفاسه: ل لا ت تبكين
مي:كيف ما ابكي وانت بذي الحاله لازم تروح مستشفى
عزام:م ماله د داعي
مي :مو على كيفك
قامت وهي تمسح عيونها وتلبس عبايتها لكن ماعرفت لمين تروح
ماتقدر تروح لنايف لان تو اهانته فكرت على طول بخالد
راحت له ركض ودقت باب الملحق
فتح لها واحد ماعرفته
:مين انتي؟
مي وهي تبكي وتمسح دموعها:تكفى ابي خالد
:علامك؟
مي:تكفى تكفى ناد خالللللد
عبدالله:ولد خالد
لف عليها :بروح اقومه ذحين هو نايم
مي وهي تبكي ماقدرت تسيطر على دموعها:اي اي سريع
راح يقومه وجاء عن الباب وهو يحك عيونه وقال:ها
مي بصوت باكي وشوي ويختفي من قوة بكيها وشهقاتها اول مره تشوف احد زي كذا :س ساعد عزام وجهه ابيض شاحب وشفايفه زرقاء وعيونه حمر مو كويس عزام تكفى خالد
خالد صحصح من سمعها تقول كذا وقال وهو مستعجل :تعرفين تشغلين سياره؟
مي: ا ايه
خالد:هاك*رمى مفتاح السياره عليها ومسكته* روحي شغليها سريع
لبس ثوبه واتجه للبيت وفتح الباب وكان يدور بين الغرف عن غرفة عزام
لقاه طايح بالارض مغشي عليه
ركض له وشاله وحطه بالمرتبه اللي ورا لف على مي وصرخ:اركبي معه ورا سرررررعه
يدينها ترجف وركبت السياره وحطت راس عزام بحضنها وهي تمسك وجهه:عزام تكفى اصحى تكفى
وصلوا المستشفى وشاله خالد ويصيح :دكتور دكتوووور
جاء الدكتور وحطوه بسرير واخذوه وكشفوا عليه وسوو له تحاليل
خرج الدكتور من الغرفه ركضوا له مي وخالد
خالد:كيفه دكتور؟
الدكتور:هو بخير ذحين لكن هل تعرض للضغط او خرج في مكان بارد؟
مي:كلها
الدكتور: جته حمى شديده عطيناه مغذي انتظروا لين يخلص وتقدرون تاخذونه للبيت وخلوه يريح لا يتحرك
راح الدكتور
واتصل خالد على دوام عزام وعطاهم خبر
اتصلت مي على مها وقالت لها اللي صار
مي تبكي :مها اخاف يصير له شي
مها:انتي ماتحبين عزام ليه مهتمه لذي الدرجه
سكتت مي لان ماعندها اجابه
كان معها جوال عزام وجاه اتصال مكتوب
(غلاي ودنياي)
ردت مي
:الو
::سلام كيفك يوليدي؟ بغيت كم حاجه مع الصباح تعرف بسوي فطور اليوم عندي
مي:ياعمه انا مو عزام
ام عزام:هاو؟ هذا خبري جواله ولا؟
مي بصوتها المبحوح:الا الا جواله بس هو مو بالبيت
ام عزام:وينه اجل وليه تردين مكانه
مي:عمه عزام بالمستشفى تعب وطاح علينا ووديناه انا وخالد
ام عزام حطت يدها على صدرها وراحت مسرعه تقوم ابوه
ام عزام:سعووود الحق الحق ولدك بالمستشفى
سعود تو صحى:ايش تقولين يمره!!!!
ام عزام :الحقه الحقه لايصير به شيي تكفى
(احتماليه اقطع فترة العيد تعرفون اشغال +كل عام وانتتتم بألف خير يارب واوعدكم بعد العيد انزل لكم اكثر واكثر +يعطيكم الف عافيه💖)
