كانت تشوف انظار الجميع عليهم مسكت يد مها ولفت لها وقالت: مهاااا يخوفون شوفي كيف يطالعون فينا
مها ضحكت وقالت : شوفي ذاك ماشال عينه عنك
ولفت جهته وانصدمت انه ذاك الرجال اللي ساعدها
جاهم يمشي ويهلي
عبدالله: هلا هلا هلا بالغالي حيااااك ابو سامي
سلمو على بعض وقال: حي الله ابو عزام شلحال شلعلوم؟
رد عليه بأبتسامه : والله بخير من شفت وجهك يا اخوي
لف عبدالله يدور عزام بناظريه ولمحه واشر له يجي
ارتبكت خافت يتعرف عليها خافت ينتبه لها رجعت خطوتين ورا مها ومها اللي استنكرت تصرفها لانها ماتستحي عادةً لكن مافكرت بشي وخلتها وهم ماسكين بكفوف بعض
لف على نايف وقال : امش خل نسلم
رد عليه نايف بحده: يبوي رح سلم لوحدك خوفي يحط عينه علي
سحبه عزام ويقوله وهم يمشون: انا اكلتها اكلها معي يالعشير امشش
وصلو لهم وسلموا على عمهم
صامل مسك يد عزام وشد عليها ونطق: كيفك يازوج نويرر
رد عليه عزام بتوجع : للحمدلله لكني طلقت نوير ماحصل نصيب
لانت ملامح صامل وكشر وشد على يده وقال : والله وسويتها يالردي
سجب يده من يد صامل ولف الجهه الثانيه وقدم نايف يسلم
وضحك له صامل وقال: جاك الدور يا ابو سعود
لف نايف على عزام بنظرات معناتها (حط عينه عليي) ضحك عزام
وولف على عبدالله من نطق : مابتعرفنا على العايله ماشفناهم اخر مره
ضحك صامل وقال اعذرني ي اخوي
اشر على مها وقال : هذي العنقود
ولف وشاف مي وراها واشر بعيونه بمعنى قدمي وقدمت بخوف ومنزله راسها واشر على مي بضحكه خفيفه وقال: هذي البكر مي خجوله شوي وواشر على سامي وقال: هذا الوسطاني سامي
ابتسم وسلم عليهم
عيونه كانت عليها ناظر كيف هي صاده عنهم ومنزله راسها انتبه لتمسكها بيد اختها شك بالوضع ولا قال شي
تكلم عبدالله وقطع حبل افكاره وقال: حياك ببيتي بالمجلس لين يستوي البيت حقك ماجبنا عمال له بينظفونه ويرتبونه ويجبون اثاث ثم تسكنه لكن بالوقت بتقعد عندي
رد عليه وهو مبتسم ويقول: لا والله لانحرجك ياخوي عيب مايصير نحرمكم خصوصية البيت عيب
سكته عبدالله وقال: اي خصوصيه مافي الا عزام وهو بغرفته ولا مع العيال وام عزام بالغرفه تصلي ولا ببيت امي مافي احد تاخذون راحتكم والمطبخ موجود وفيه ملحق ينامون فيه الشباب سامي ينام معهم
قال صامل: شوف ياخوي ماقدر اردك لكن ياليت تستعجلون على البيت عشان مانزعجكم
قال وهو يضحك : ازعاجكم راحه لي
لف على نايف وعزام اللي واقفين ورا وقال: ولد انت وياه اخذو الاغراض ودخلوها المجلس
تحرك عزام ونايف ولفت مها وقالت : بالله شوي شوي فيها اغراض تنكسر
رفع راسه نايف وهو يشيل الشنطه ويطالع فيها ب استنفار من صوتها الناعم
هو مو متعود على صوت الحريم ماعنده الا اخت وحده وصوتها اضخم من صوته
دخلو الاغراض المجلس وتنفس بقوه ونطق: يولد وش ذي الاشياء والله لو انهم بيقعدون سنه!
عزام ماكان مركز معه كان باله بشي ثاني
نايف انتبه له وسكت وطلعوا من المجلس ولف عزان على نايف وقال: بروح الحظيره لوحدي لاتجي
لف عليه نايف وقال: افا يالعشير وش همك
نطق عزام وهو يسرع بخطواته متجه للحظيره: ولاشي لكن بصفي ذهني شوي
جلس وهو معطي ظهره الباب وكان يتكلم مع نفسه ويتذكر عيونها وعيون اللي شافها قبل كيف تشبه بعض مره
دخلت المجلس وطلعت الجلال وانصدمت منه ولفت على ابوها وهي ماسكته بقرف وقالت : بابا تكفى عادي البس عبايتي مابي الجلال ذا بلييييييزز
وهي معطيته الوجه الكيوت
طالع فيها ووقف وقال : زين بس غطي شعرك العجوز ماترضى تشوف بنت كاشفه شعرها
ردت بأستغراب: وش هالمنطق الوجه عادي الشعر لا
طنشتها ومشت ووقفت عند الباب ونطقت: بابا بروح اتمشى اشوف المكان طيب؟
رفع يده بمعنى روحي
طلعت وهي مكشره مو عاجبها وضع انها تشارك امها وابوها الغرفه كرهت ذا الشي
تمشت والجو بداء يمطر حطت يدينها على راسها وشافت قدامها باب الحظيره مفتوح واسرعت تدخله واول مادخلت صنمت شافته معطيها ظهره وسكتت ماتبيه يحس فيها ماتبيه يشوف وجهها
لفت عطته قفاها وسرعان مالفت جهته بعصبيه من نطق
: الله يلعنك ياصامل ربي ياخذك مع المطر ذا
صرخت عليه وقالت: هييييه!!! انت خيررررر تدعي على ابوي يامريض
لف بفزعه من سمع صوتها وشاف وجهها وميزها ميز العيون هذي ميز شعرها اللي ماكان شي يغطيه طاحت الطرحه وهي تركض وشعرها جزء مبلول على كتوفها
نطق بصدمه ونفخه ويأشر اصبعه عليها: انتتتتي!!!!!!
