ارتبكت من نظراته لها ونطقت وهي ترجف من البرد: ايه انا وان سمعتك تتكلم عن بابا زي كذا والله مايصير طيب!!!
ضحك نص ضحكه وطالعها وقال: ياقوك وذاك اليوم تستنجدين فيني وين راحت قوتك ذاك الوقت ها؟؟
وبعدين تهددين مين انتي لاتخليني اروح واقول لأبوك وش صار ذاك اليوم اذا مانسيتي
ارتبكت ماتوقعت انه بيقولها كذا واشرت اصبعها وقالت: مابتقول لأحد شي ابداً!!!! فاهم؟ واي اهددك واوريك واكسر اسنانك ان فكرت تقول لأحد وان سبيت بابا طيب!!؟ مريض
وقفت تنتظر المطر يخلص وهي صاده عنه
قام واقف وقدم نحوها وقرب من اذنها وهمس وقال: مايهددني احد وانا راسي يشم الهواء؟ زين يابنت صامل ان ماكسرت راسك قبل تكسرين اسناني ماكون ولد عبدالله
ارتبكت ورجفت من قربه لها ومن صوته وهمسه بأذنها واستوعبت هو وش يسوي
ولفت عليه وعطته كف قوي
انصدم من الكف ولمس خده اللي صفقته منه
ورفع راسه عليها بعصبيه وحده بنظراته
هي خافت ماكانت قاصده الكف لكن لازم توقفه عند حده
ونطقت بخوف :مافي احد يهددني ت تتفهم!!!
مشت بسرعه قبل لاتعطيه فرصه يقول ايشي عض على اسنانه من العصبيه ورفس الدربيل اللي كان جالس عليه
طلعت وهي تركض للبيت شافت مها بمظله تناديها وركضت لها وقالت وهي تلهف: جيت جيت هيا دخلنا
مها مشت معها وقالت: طولتي ومطرت وخافت ماما عليك
شمقت بعيونها ومشو دخلو المجلس
وجلست على جوالها بينما امها كانت تسوي الغداء مع ام عزام( عمشه)
طلع من الحظيره اخلاقه قافله وكان يقول لنفسه
:ليه تسمح نفسك تهوجس بوحده كذا ليه ليه!!!
هي حيوانه ولاعاد تفكر فيها
وقفه خالد ومسكه مع كتفه وقال: علامك يولد تفكر فمن؟
هو ماكان منتبه على نفسه وقال بربكه: محد محد اتركني لحالي اخلاقي قافله وزاقه معي
مسك وجهه ولف على خده اللي انضرب فيه كف ونطق خالد وهو عاقد حواجبه: من سوا بك كذااا!!
دف يده عزام وقال وهو صاد عنه: الماعز جيت بشيلها وصفقتني خلاص فكني
مشى من عنده وهو مطنقر ولف عليه يشوفه يبتعد
راح لم نايف وقعد وقال: ولد هو شجاه؟
لف نايف وهو يرفع كتوفه وقال: مدري هذا حاله من امس.
دخلت المطبخ تبي تاكل شي يصبرها عن الجوع دخلت وشافت امها وعمشه يسولفون ونطقت : ماما في شي اصبر جوعي عليه ؟
لفت لها سكينه وقالت: مها حبيبتي فيه خيار بالحديقه اطلعي وخذيه وتعالي اغسله لك
قالت طيب ولفت تبي تطلع من المطبخ ويوم فتحت الباب بتخرج الا تصدم بواحد طويل
رجعت على ورا وهي ماسكه جبينها ونطقت:ماتتشوف انت! عمى
طالع تحت نايف وقال: اعذرينا ماشفتك من قصرك ابعدي
طالعت له وهي عاقده حواجبها وتقول : يعععععع ماتعرف تمزح!
بعد من جنبها ومشى وهو يقول: ماكنت امزح بس يلا بكيفك
شمقت عيونها وطلعت اخذت خيار ورجعت المطبخ لقته يسولف مع امه اللي مع ام عزام وامها
كانت تتأمله وتتأمل الوحمه اللي ورا اذنه ومو حاسه على نفسها لين ماصحت على نفسها من صوت مي وهي تتأفف وتقول: مهااااا جوعانه مافي شي ناكله؟
مها لفت عليها ورفعت يدها اللي فيها الخياره وقالت: مافي الا ذي تبيها؟
ضمت شفايفها على بعض وقالت: اممم لا ماببببي ابي شي ثاني
مشت للمجلس وهي تحط الخياره بفمها وتقول : بكيفك
