صحت من النوم بطاقه وحيويه راحت تسوي الفطور وسوت لعزام معها
صحى من ريحة الفطور ودخل عليها في المطبخ وهي ترقص وتسوي الفطور وتغني مع الاغنيه
ومبسوووطه مره كان يراقبها بهدوء مستمتع معاها وهي ما انتبهت له كانت مندمجه لين لفت وشافته ووجها حمر ضحك عزام عشان يخفف التوتر اللي هي حاسه فيه
عزام:حركات ليكون ماسويتيلي؟
مي:الا سويت لك معاي كسرت خاطري ذاك اليوم وقلت ليه لا
حطوا الفطور على السفره وجلسوا ياكلون
وقف الاكل من قالت مي:عزام تكفى خلني اكمل دراستي
عزام طالع فيها :مافي قلت لك انا ليه موجود؟
مي:طيب عادي احتياط
عزام طالع فيها بحده:لا يعني لا خلاص
زعلت مي وقامت من عالفطور وراحت الغرفه
تتذكر امس عزام الامس كان غير واليوم غير
تفكر كيف الشخص يقدر ينقلب بسرعه؟
لبس وخرج للشغل
صامل:يمه شرايك؟
مشايخ:والله فكره زينه ونربح منها الفلوس؟
صامل:قلت لك الخيول ذي مامنها فايده خل نبيعها وننبسط بها
مشايخ عاجبتها الفكره وخصوصاً انها طلعت من ولدها اللي يشبه لها كثير عشان كذا تحب صامل
كان يضحك بخبث عارف انه الخيول ذي تعني كثيييير لعزام يبي يحرمه منها مثل ماحرم بنته من الدراسه
قطع تفكيره مشايخ وهي تقول: بس لازم نستشير ابو عزام
صامل :يمه ماله داعي انا ولدك الكبير ولي كلمه وبعدين انتي هذا كبرك تستشيرين احد؟ بزواج مي وعزام ما استشرتيني ذلحين بتستشيرين ابوه؟ ماله داعي
مشايخ ضحكت وقالت:صدقت صدقت اجل دور على احد يشتريها اعرضها بحراج
كانوا جالسين يسولفون دخل على الحراج يبي يشتري حلال ويبيعه ويتاجر فيه هذا كان حلم ابوه انه يكون عنده حلال دخل وشاف خيول مألوفه عرفها بسرعه وقام وهو مستعجل يمشي
خالد:ولد وين رايح
يدور ويحوم حول نفسه نايف قال: اصبر اصبر ذحين اقولك
جاه اتصال من نايف واستغرب ورد وقال:هلا؟
نايف نطق:الحق الحق خيولك بالحراج شكل العجوز بتبيعها
وقف من مكتبه وقال:انت صادق؟؟؟؟؟
رد عليه:ذلحححين برسلك الحساب وانت شوف بنفسك!!
عزام:طيب طيب ارسله
ارسله نايف ،،،وشيك عليه عزام بصدمه ! من اللي يبي يبيع خيوله؟ قرر يتواصل مع راعي الحساب من رقم ثاني عشان يعرف من هو
ارسله عزام
:مرحباً اخوي؟ الخيول ذي بكم؟
رد على طول صامل:باللي يعجبك واللي ودك فيه
:الله يسعدك لكن وش اسمك ياخوي عشان اسجلك
:اسمي صامل
انصدم عزام من جرئته وكيف له يبيع خيوله بدون مشاوره! يعرف انه ابوه مابيوافق على بيعهم
صامل رجع ارسل:وين رحت يالحبيب؟
:موجود موجود ابي اشتريها كلها بس عطني سعر ووقت وتبشر
صامل انبسط انه ببيعها بسرعه وبدون محد يحس
عطاه مكان الالتقاء والمبلغ (13500)
راح عزام لصاحبه بالمكتب ودخل عليه وقال
:سلام حمد كيف حالك
حمد:ابد بخير يارب لك الحمد انت علومك
عزام:يارب لك الحمد انا بغيت منك شغله
حمد:امرني يخوي وش العلم
عزام:انا بشتري خيول واتفقت مع صاحبها لكن المشكله الكبيره هي اني ما اقدر استلمها بغيتك تستلمها عني لكن،، قول انك انت اللي شاريها يعني لاتقول انا جيت بدال الشاري لانه ماببيعها لك ولا بيعطيك
حط اصبعه على خشمه وقال حمد:تبشر تبشر والله بالسعد بس ارسلي اللوكيشن والاسم والمبلغ وتم الموضوع
عزام:انفداك ياوجه السعد بس بغيت تحطها
بحظيرتك ماعندي مكان بالحظيره ومابي اتورط
حمد:زين زين
ارسله عزام كل شي الموقع والمبلغ والاسم
ورجع ارسل لصامل وقال:الفلوس كاش وبأسم حمد
صامل:حلوين
رجع من الدوام وهو معصب نار تطلع من عينه ونفسه حار
دخل البيت وشافها نايمه على الكنب بيدها الجوال
لانت ملامح وجهه هي بأمكانها تهدي ناره وبراكينه اللي تشتعل بقلبه لكن مايقدر يبوح لها ولا يعترف لنفسه انه وقع لها
قرب منها يتأمل وجهها الحسن تأمل كل تفاصيلها
سحب الجوال من يدها وشالها يوديها الغرفه
حست فيه لكن سكتت ماتعرف ليه سكتت لكنها تركته يشيلها مع انها نافره منه مشاعرها متناقضه تاره تبيه تاره تنفر منه تاره تحس بشي تاره تقول انها تتوهم
مشى لغرفتها وفتح الباب برجوله ونزلها على السرير وغطاها بالبطانيه جلس عند راسها يتأملها
مرر يدينه بشعرها الحرير وقام يبوس راسها وخرج
قلبها كان يدق بسرعه من قربه من لمساته من بوسته على راسها من كل شيء
تحاول ترفض هالفكره ماتبيه هي ماتبيه
اعذروني على التأخير وقصر البارت ذا والله مشغوله الفتره هذي وان شاءالله اتفرغ انزل لكم اكثر
