دخل بسيارته الحوش وشاف الشياب والريجيل يسولفون ويضحكون والعيال بالجهه الثانيه يلعبون بلوت تنهد وهو يطفي السياره ويفكر فيها وفي عيونها وسأل نفسه وقال: من هي؟
لف وفتح باب السياره وبينزل الا يلاقيها بوجهه فز وقال :بسم الله وش جابك فجعتيني
ابتسمت وضمته وقالت : وحشتني عزام حبيبي
بعدها عنه وقال : مو قدام الشيابين والرجال
طالعت فيه وكشرت وقالت: الشرهه علي اني جيت واستقبلتك ياحيوان
طالع فيها وعقد حواجبه ونطق : الزمي لسانك انتي عارفه اني ما ادانيك واني مغصوب عليك
ضحكت وردت وقالت:حتى انا مغصوبه عليك ترا
رد بعصبيه وقال : اجل اتركينا من حركاتك ذي
نزلت يدينها من عنقه اللي كانت محاوطته ومشت مبتعده عنه وقالت بهمس : هانت هانت يانوير بقى 3ايام وتفتكين منه وتصيرين مع محبوبك
اخذ الاكياس من المقعد اللي على يمينه وقال اصبر اصبر 3ايام وينتهي هذا العذاب مشى لبيته ودخل واستقبلته واخذت الاغراض من يده وابتسمت وهي تقول: اتعبناك ي نظر عيني انت
رد وهو يبتسم لها: يا امي انتي خدمتك راحه لي
هو يعزها ويحبها ويقدر كل الجهود اللي سوته عشانه مايقدر يقولها لا هو عندها ذاك الطفل اللي عمره 10سنوات
انقطع تفكيره وهي تتكلم: عزام ياوليدي انت صامل؟ ماتبيها؟
تنهد من سيرة الموضوع وقال: يمه تكلمنا بذا الموضوع من قبل هي ماتبيني ولا انا ابيها واتفقنا 2شهرين واطلقها نوير ماتبيني تحب مازن
ردت وهي زعلانه بصوت هادي: ياوليدي تقدر تخليها تحبك لو بغيت انت
قاطعها وهو يمسك يدينها : امي انا ما ابغى حبها ولا هي تبي حبي عادي نقفل على السالفه؟
وفعت راسها تطالع فيه وتتبوسم وتقول: طيب انت الرجال يمشي كلامك
صح نسيت اعلمك بيجي عمك اليوم
اختفت ابتسامته وانعقدت حواجبه وقال: عمي؟ عمي من؟ لايكون....
حطت يدينها على فمه وقالت: اص اص ادري انك ماتدانيه لكن ايه ايه عمك صامل بيجي
تنهد بعصبيه وسحب يدها من فمه وحط الكيس بيدها وخرج
رجعت للمطبخ والاغراض بيدها تكمل العشاء مع باقي حريم العايله
مشى وهو معصب ومتنرفز وقعد جمب خالد ونايف وتأفف
لف عليه نايف بأستغراب وقال:علامك؟
خالد لف عليهم وهو يضحك ويقول :زعلان بيطلق نوره قريب
لف عزام بحده وبعصبيه ويقول : بكون مبسوط مو مكشر لكن ذا مو السبب
اختفت ضحكة خالد ونطق :هاه وش جاك؟
عزام ساكت ومارد عليهم مايسمعهم يعض ب اصابعه ويفكر باللي سواه له عمه صامل
قاطهم رامي وهو يركض لهم ونطق وهو ياخذ نفس: يعيال يعيال عمي صامل بيجي بكره
لف خالد جسده كله جهه رامي وهو رافع حواجبه ويقول: احلف !!!! الله يلعنه وش يبى جاي وجايب شره معه! مايفكنا هو
رامي وهو حاط يدينه على ركبه مدنق ورفع راسه وقال: اللي بقوله اشين ! جده مشايخ نادته
لف عليهم نايف وهو يقول: حسبي الله عليها من عجوز شر شرررر
لف رامي على عزام وهو يقول: لو يدري صامل انك بتطلق نوير مابيمشيها
عزام يحك جبهته وقال: يخسى يخسى هالسربوت بطلق نوير قبل لاتغرب شمس بكره
انا اوريه
كان حاقد وبداخله براكين تفوور تفور اكثر من البركان نفسه شايل عليه بقلبه الاسود كيف يدبسه ببنت ناس ويمشي كل ماجاء جاب شره معه ويروح ويترك شره ويرجع لهم بشر جديد
قرر انه مابيعديها على خير
قام بيروح
لف عليه خالد ونطق :على وين
عزام وهو يمشي ويقول: البيت، بريح شوي واجيكم
مشى ليم بيتهم وهو يفكر بكل شي
يفكر باللي غرق بعيونها يفكر باللي رح يصير له تنهد وهو يفتح باب البيت دخل وسكر الباب
___________
دخل على مها وقال وهو منزل عيونه لتحت: بنت قومي نادي مي وتعالي
ولف يسكر الباب وراح للغرفه الثانيه ودق ااباب
سامي وهو ينزل جواله :ادخل
دخل عليه صامل وقال تعال الصاله وناد البنات لاتتأخرون
سامي : سم يبه
تجمعو بالصاله وقعدو على الكنبه كلهم جمب بعض وقعد قبالهم
شبك يدينه ببعض ورجوله كانت تهتز وطالع فيهم كلهم وقال: بكره بننزل الديره
قالت مها بصدمه:لييييييش؟؟؟؟؟؟؟؟؟ مابي بابا تعرفني اكرها كره واكره اللي فيها
طالع فيها ونفخ: عيب!!! هذولي اهلي وبعدين انا ماجيت هنا اقولكم عشان تعطوني رأيكم
هذا امر قطعي!
لفت مي على امها بصدمه ونطقت: انتي موافقه!!!! موافقه على الروحه؟
لفت سكينه على مي وقالت بصوت هادي ومسترخي: وليه لا؟ دام ابوك يبي كذا ليه لا؟
طالعت مي في ابوها اللي كان يناظرها ومبتسم وقامت معصبه تبي تروح غرفتها لكن وقفها صوت صياحه وهو يقول: اقعدي!!!!!
لفت جهته وهي مصدومه والدموع متجمعه بس ماتبي تنزلها وكمل كلامه وقال: وبتلبسون نقاب من اول ماندخل انا شاري لكم نقاب وجلال تلبسونه بالحاره
مها تطالع فيه وتقبض كفها: اي حاره؟ ذي ماتصير جزء حاره ذي مقطعه مافيها الا بيوتهم هم وحظيرتهم اللي تعفنت من كثر ماطولت عندهم!
طالع فيها وهو ساكت ولف جهه سامي ونطق : وانت ماعندك اعتراض؟
طالع له سامي وقال: انا ماعندي مشكله اللي هناك اهلنا كلنا وماعندي مشكله بالروحه
ابتسم من سمع هالجواب اللي اسر خاطره
ولفت مي وهي تمسك كتف سامي وتقول: سامي منجدك؟ انت تعرف انه هناك مكان بدوي ومو حلو
سامي رفع راسه لها وشال يدها من كتفه وقال: طيب؟ انا بدوي وابوي بدوي واصلنا بدوي الواحد مايقدر ينكر عرقه
جت بتكمل كلامها وقاطعها صامل ووقف وهو يقول: جهزوا شناطكم ابي نكون هناك على العصر بنمشي الظهر
راحت غرفتها وهي معصبه وتبكي وسكرت الباب بقوه وطاحت على فراشها وعيونها غرقانه دموع عيونها ماتنشاف من الدموع
تفكر وتفكر كيف تغير ابوها عليها من الدلال والعز الى الذل والاهانه والضرب وماعد يهتم لرأيهم؟ هذا مو بابا هذا واحد ثاني
________
قاعدين محاوطين النار ماكان فيه احد الا هم
تنهد بضيقه ولف عليه وقال: علامك يولد منت على بعضك
كان يلعب بالتراب ومو حوله ابد
دفع كفه ودقه من كتفه وهو يقول: هيه هيه خالد ولد
رفع راسه من استوعب انه فيه احد يناديه ولف عليه وهو رافع حواجبه وقال :لبيه
نطق نايف وقال: يولد منت على بعضك وش العلم! انا رفيق دربك وكاتم سرك بوح بسرك وخلك واثق
رجع راسه لتحت وهو يلعب بالتراب وقال: مو اني ما اثق فيك اني ما اثق بنفسي لين متى بكبح نفسي انا عشقت عشقت كل شي فيها اليوم شفتها تقرب منه كان داخلي يغلي والله يغللي ما اتحمل نايف!
نايف ربت على ظهره وهو يقول: انت تعرف انه الطروف حدتهم لبعض ولا هم مايبون بعض بعدين انت وش شايف فيها ماهي حلوه
لف خالد بعصبيه وترك العصا اللي كان يحرك التراب فيها وقال: مو شرط تكون حلوه!! هي لو نحفت بتصير ملكه وكلنا عارفين هي ليه متينه مو بيدها المرض مسيطر عليها!
نايف لف تنهد له وقال: ماقلنا شي عن متنها لكن ياخوفي ماتبدلك ياعشير
رد عليه خالد وهو يرجع يمسك العصا: انا احبها وذا المهم الحب يجي مع العشره وانا عشيرك
على السرير كان لساعات يفكر يفكر ماقدر ينام كل ماتسكرت عيونه يتذكر عيونها وكيف جت له تستنجد وكيف كانت تغمر عيونها الدموع تنهد وهو يقول بصوت واطي
: عيناها حقاً بالجمالِ تفّردت وتمردَت حتى سُقيت هواُ عيناهاّ اللهّمَ فأغفـر لي زَلـتي إنّي فُتِنتُ ولم أتُـب ربّـاهُ...
