كانت بالقوه تلبس وتساعدها مها
مي:تكفييين مابي مابي
مها:مو على كيفك هم غاصبينك حاولي تتعايشين معه ماتدرين يمكن تحبينه مع الوقت
مي بوجه متقزز:لاا!! مستحيل احب واحد مثله بدوي ومايعرف يلبس!
مها وهي تحط لها اخر اللمسات على الميكب: بدوي ولا مو بدوي استحمليه بعدها بفتره اطلبي الطلاق سهله
مي وهي تضحك:تحسبين السالفه سهله طبعاً لانك مو كبش الفداء!!!!
مها وقفت ونطقت:انتم اللي طبختو الطبخه لازم تتذوقونها
مي شمقت بعيونها وقامت بتلبس عبايتها وخرجو هي ومها وامها
وصلو لبيت الجده وكانوا يرقصون ومشغلين اغاني ومبسوط الكل الا مي
وصل الشيخ وقلطوه بالمجلس والقى عليهم خطبه وبعد ماخلص نادى العريس وابو العروسه ولف لصامل وحط كفه بكف عزام رجع لصامل وقال:كرر وراي
زوجتك ابنتي
صامل بـ استثقال الكلمه وكان يناظر ابوه اللي اشر له بالموافقه وبلع ريقه وناظر عزام اللي يبتسم
صامل:زوجتك ابنتي
لف الشيخ على عزام وقال:وانا قبلت
عزام رجع انظاره على صامل وضحك وهو يقول:وانا قبلت
صفقوا الريجيل وجو يباركون لعزام ووقف الشيخ وعطى عزام قلم
الشيخ:وقع هنا وابصم
بصم عزام وهو مبسوط انه بيكسر راس صامل
لف الشيخ عليهم وقال:نادوا البنت توقع
دقه عبدالله وقام نايف ينادي وصل لباب المجلس ودقه
مشايخ:بنت مها قومي شوفي
قامت مها وهي تتأفف وخرجت بدون ستر ولا عبايه تحسبه ابوها انصدمت يوم شافته وهو بلع ريقه ويطالع فيها وبشعرها وبميكبها وصد على طول
نايف: نادي اختك توقع وترك الجهاز والاوراق على الارض ومشى بسرعه
راحت مها تنادي مي
يدينها كانت ترجف وخايفه ومتوتره
مها:اخلصي وقعي وبصمي مايبيلها
مي لفت بحده وعصبيه: سهل انك تقولين كذا لانك مو انتي المتزوجه!!! اتركيني على راحتي اخذ وقتي
مها وهي تضحك:وقت ايش يبنتي خلصينا ابي ازفك
مي طالعت فيها من جنب
مها:خلاص امزح امزح ريلاكس
اصابعها كانت ترجف وهي توقع وتبصم ماكانت مصدقه كانت تقول لنفسها هذا كله حلم بحلم مو حقيقه
خرج نايف عشان ياخذ الجهاز والاوراق
وراح وخذاها ورجع دخل واعطاها الشيخ ومشيو
عشان يزفون عزام ومي
نايف مشى لعزام وهو يدقه ويضحك:من قدك بتتزوج اخر العناقيد
لف عليه عزام بأستغراب:بس مي البكر؟
نايف بصدمه:منجدك يولد؟!
عزام:والله
نايف:اما توقعت العكس
لبست مي العبايه وهي تلف لأمها:ماما تكفين بترجاكم اخر مره ماتخرجوني معاه بليز!
سكينه وهي تحط الطرحه على راس مي:بلا دلع كلنا تزوجنا وحنا ماودنا وانتي وش فرقك عننا؟ يلا يلا امشي!
خرجت مي واستقبلها عزام بأبتسامه وصدر رحب وهي تشمق على وجه حاوطت يدينها ذراعه ومشيو لبيتهم وهم يصفقون من وراهم ويصفرون ويطلقون النار
عزام:افااا ليه تكشرين بيومك السعيد!
مي بصوت نافر:لا بالله يومي السعيد وانا متزوجتك غصب عني!
عزام ضحك ولا رد عليها وصلو البيت
دخلت وفصخت عبايتها ورمتها على الكنب وجلست وتنهدت بصوت عالي
لف عليها عزام وهو يفك ازرار ثوبه والكبت حقه
شافها بفستانه اللي مكشوف من الاكتاف وطويل وفيه فتحه بلع ريقه وغمض عيونه وصد عنها وقال لنفسه:لاتخطي لاتخطي ماتستاهل خطاك
طالعت فيه وضحكت من عرفت ليه صد عنها
وقفت مي:وين غرفتي
لف عليها وضحك:معي غرفتك
رفعت حواجبها وهي مكشره:مستتتتتحيل اتشارك معك غرفه بروح ادور لي غرفه انام فيها
ضحك عزام هو نيته بس ينرفزها ونجح فيها
مشت تتفرج بالبيت وتفتح باب باب واختارت لها غرفه وعجبتها دخلت اغراضها وفتحت شنطتها وبدلت ملابسها لبجامتها الحرير
خرجت من الغرفه وهي جوووعانه ميته جوع دخل المطبخ تدور شي تاكله لقت انو فيه مكرونه قررت تسوي
دخل عليها وشافها تغسل المكرونه عشان تسلقها وكانت مبتلشه بشعرها اللي يجي على وجهها
عزام: وش تسوين؟
مي:كبسه،، وش تشوف انت!
عزام:سويي لي معك جعان ماتعشيت معهم
لفت مي عليه وقالت:عندك يد سو لنفسك
ولا اذا تبي اسويلك تساعدني
عزام تنهد وقال:طيب خلاص بساعدك
قرب منها وسحب كفها واخذ ربطه الشعر اللي بيدها لفت عليه بأستغراب مسك كتوفها ولفها على الجهه الثانيه عشان يربط شعرها
مرر يدينه بشعرها الحرير وريحته تفوح ودخلت براسه وغمض عيونه من جمال ريحة شعرها لم شعرها وربطه لها
لفت عليه وجت بتتكلم بس قاطعها
عزام: هاه شوفي ساعدتك يلا سوي لي معك
هي ابتسمت من فهاوته هو مافهمها
طالع فيها وهو عاقد حواجبه:هاه ساعدتك ليه تطالعين فيني كذا
تركت القدر اللي بيدها وقالت: قصددي تساعدني بالطبخ!
ناظر فيها :اهااااا كيف اساعدك طيب؟
مدت يدها وفيها البصل
مي:قطعه قطع صغيره انا ما احب البصل ادمع منه
عزام وهو يدف يدها:هذا يخليني ابكي وانا رجال ما ابكي
لفت عليه مي وهي تزم بشفايفها:اجل بكيفك مارح اسويلك معي
اخذها بقوه من يدها وشمق بوجهها وقال:خلاص خلاص بقطعه
صار يقطع البصل وهي تكمل
كانوا يسولفون ويضحكون مبسوطين
هذي اول مره تسولف وتضحك مع احد من يوم ماجات هنا
خلصوا الاكل وحطوه على الطاوله وجلسوا ياكلون
بنص الاكل مي رفعت راسها وطالعت عزام:عزام
عزام كان ياكل ورفع راسه والاكل بفمه:هلا؟
مي:تكفى خلص اللقمه بعدين تكلمم
بلع لقمته ورفع راسه وكملت:ليه طلقتها؟
مارد ولا كان يبي يرد رجع نزل راسه وكمل اكله
سكتت لانها فهمت انه مايبي يتكلم
رجع طالع فيها وتكلم:شوفي دامك ذحين زوجتي معناته بتقعدين هنا مابترجعين مع اهلك ومافي دراسه
شوقت بلقمتها وكحت مد لها المويه شربتها بربكه وطالعت فيه وقالت:منجدك تتكلم؟؟؟؟ مو على كيفك انت! تمنعني من دراستي واهلي!
ضحك عزام وكمل:عاد انتي ذحين زوجتي وكلامي انا اللي يمشي
قام وتركها وراح غرفته رجع بظهره لورا على السرير وغمض عيونه
قامت وهي زعلانه وبعيونها الدموع ليه حظها كذا تتزوج شخص ماتبيه ويمنعها من الدراسه واهلها؟؟ ليه من هو عشان يمنعها شالت الاكل من على الطاوله وراحت الغرفه وانسدحت على السرير وبدت تبكي تعبت ماصار فيها طاقه تتحمل هذا كله انهلكت قلبها تعب
معليش اذا كان فيه اي اخطاء انا مبتدئه واذا عندكم نصائح اكتبوا لي هنا بقراها
