وصلوا البيت واخيرا ونزلت من السياره قبل لاتقفل الباب لفت عليه:مارح تنزل؟
عزام:بمر العيال اول
وصل عند العيال اللي كانوا جالسين يشربون شاهي في جلستهم المعتاده
سلم عليهم وجاء جلس
نايف:وينك يالقاطع
عزام :انت بالله اص تسوي المصيبه وتنحاش منها
نايف:افا وش سويت انا؟
عزام لف عليه وكان معصب:يعني ماتدري انه زوجة عمي صامل بالمستشفى جتها جلطه يامريض؟
خالد توسعت عيونه :اح
عزام لف لخالد ورفع كفه 🤚🏻 وتنهد:انت مو وقتك ابداً اص
رجع لف لنايف وقال:بسببك يالمعتوه
وقف نايف وهو يرفع اصبعه:هيه انت! عن الغلط سكت لك المره الاولى ذحين مارح اسكت!
عزام وقف مقابل وجهه :وش بتسوي يعني؟ هاه وش بتسوي
يقرب جهة نايف ويدف جسمه عليه
نايف يناظره بحده وعصبيه ورفع صوته وهو يقول:هيييييه شفت نفسك انت؟ صرت كلب للأخت مي توديك هنا تروح هنا وهي الاخت ماصدقت وجت حرضتك علي اني سبب جلطة امها؟
عزام وهو يمسك ياقته ويصارخ:ولددد!! لاتجيب سيرتها عشان ما اوريك صدق من الكلب انطم بس وايه الغلط منك لو انك ماتتسحب زي الحرامي للبنت وطاقها سوالف معها ماشافتكم
نايف عصب من الاتهامات ورجع يدف عزام عنه ويقول:انت ورع وتخسى تمسني سرها بس
خالد:اصبروا يعيال بجيب بطاطس دقايق
جاء بيقوم دفه عزام وقال:ياشيخ لاتخلني احشى فمك تبن اهجد
جلس من دفة عزام له وقال:ابشر
عزام رفع اصبعه لنايف وقال:لو ما اعتذرت انسى انه في شي اسمه اخوه بينا
طلع من الملحق وتوجه للبيت دخل ولقاها جالسه تتفرج فلم وتاكل فشار وشعرها مرفوع ومستمتعه لفت عليه من دخل مع الباب وقالت:غريبه جيت بدري؟
عزام طنشها واتجه لغرفته لين وقف من كلامها:شفيك تنطشني؟
عزام:مي مالي خلقك تكفين
قامت وهي مستغربه وتوجهت له وقالت :علمني
لف لها وطالع فيها وفوجهها وشعرها كل شي قاعد يغريه ومافي شي يوقفه سحبها من يدها ومسك خصرها بيده الثانيه وقبلها بقوه
انصدمت من حركته لانه ماتوقعت يتجرأ يسوي كذا
حاولت تبعد عنه لكنه اقوى منها ويسحبها جهته بقوه
كانت تحاول تقاوم لكن ماقدرت
بعد عنها وهو ياخذ نفس
مي:ع عزام ابعد عني
عزام وهو يطالع عيونها وبالقوه ياخذ نفس: وليه؟ انتي حلالي ويجوز ليش ابعد مي ليه
مي وهي تبعد عنه بقوه:ماتفهم؟؟ لاني مابيك مابيك
عزام: بس انا ابيك قلبي يبيك عقلي يبيك انا كلي ابيك وش اسوي
مي بعدت عنه وراحت ركض لغرفتها وقفلت الباب وجلست على السرير تفكر باللي صار والدموع تنزل من عيونها بدون لاتحس
نايف بعصبيه ونفخه:يخسى اعتذر خالد انت شفته؟ يقول عني كلب؟؟؟؟؟
خالد:يولد هد ماله داعي وانت غلطان فيها بعد
نايف يلف عليه وهو يرفع يده:بوش غلطت هاه؟ علمني
خالد:شف انا ما ابي اتورط بمشكلتكم لكن انت رحت للبنت بالحرام وتسولف معها وهي ماتحل لك انا شفني حبيت نوير من كل قلبي فعلاً ورحت وخطبتها دامك تبيها اخطبها
نايف:ياخي انا ما احبها بس..
قاطعه خالد وهو يقول:اجل لاتتسحب لها هي ماتحل لك ولو درا صامل ماتدري وش يسوي فيك ينفيك ولا يسحبك من دوامك وانت تعرف فعايله مثل ماسحب عزام من دوامه ورجع بالقوه
نايف:يسويها الكلب لكن مابعتذر وانت لاتضغط علي
خالد:بكيفك يخوي انا كاعشير لك وصاحب واخ انصحك
نايف:خل نغير السالفه امش نلعب بلوت
*الساعه جت 8لليل*
طلعت من البيت وهي معاها اكل وعصاير
ودقت الباب
فتحت وعيونها منفخه من البكاء اول ماشافتها ضمتها بقووووه :احتجتك ويوم احتجتك جيتيني ماتخيبين ظني فيك
مي:امشي جيت اطلعك ونرفه شوي امي وابوي طولوا
مها :اتصلت عليهم ،، قال الدكتور حالتها ساءت حالتها وبيبقونها تحت المراقبه
مي:لاحول ولا قوة الا بالله ،،يلا خل نمشي
مها:لوحدنا؟
مي:وعندنا احد غير بعض؟
مها:شرايك نناديهم؟
مي:من ؟
مها:نوير ووضحى
مي:تمام بس ما اعرف اذا يبغون يجون؟
مها:نكلمهم ونشوف
دقوا اول شي على نوير
فتحت الباب
وقالت:هلا بغيتوا شي؟
مي دقت مها عشان تتكلم وتبادلوا النظارات ويتهامسون من تتكلم
استغربت منهم وجلست تنتظر حول الدقيقه لين ما مها قررت تتكلم وقالت: حنا بنطلع نتكي برا تجين معنا؟
نوير:اي والله انا طفشانه وماعندي شي وسويت حلا وجاء وقته يلا بلبس عباتي
راحت عطت امها خبر وطلعت معهم وقالت: بس احنا؟
مي: لا بنادي وضحى كمانه
نوير :حلووووين
وصلوا بيت وضحى واللي رقت الباب كانت مها
فتح لها نايف الباب وناظر فيها بصدمه
مي حست بالوضع وراحت سحبت مها لوراها وقالت وهي تكتف يدينها:ناد لنا وضحى
نايف:وش تبين فيها
مي:مالك دخل امور نساء
نايف شمق لمي وراح ينادي وضحى وطلعت معهم وراحو تكو بمكان فيه فرشه من قبل
جلسوا تكو وطلعت مي لعبه جابتها من اول اللي هي اونو
وقالت نوير وهي تضحك :لععععبتي
مي تبتسم:نشوف نشوف
مها وضحى طالعوا ببعض لانهم مايعرفون وضحكوا الثنتين وبداو اللعب
مي حطت ورقة سحب اربعه على نوير
نوير:يااااكلبه ماعندي!!!!
مي وهي تضحك:اسحبي اجل ليه سحبتك
وضحى بدون لاينتبهون لها حطت ورقتين على بعض وكانت تناظرها مها وابتسمت مها لوضحى بمعنى قفطتك وغمزت لها يعني انا وانتي بنغش
مي ونوير كانوا مشغولين بانهم يتهاوشون نوير رافضه تسحب ومي تحلف انها تسحب
مها سوت زي وضحى وحطت ورقتين ثم دقت مي وهي فنص الهواش وتقولها:اخلصي دورك
مي لفت ولعبت ورقه اسحب اثنين
نوير:هياااا عاد مي لللليه
مي تضحك وتقول:اسحبي اسحبي يلاااااا
نوير :اوريكم
حطت سحب اربعه وشهقت وضحى وقالت:انتي عدوة مي وش تبين فيني !
لفت على مها وقالت :سامحيني
البنات يطالعون ويبون يضحكون بس يستنون وضحى تحط الورقه
ومها تقول بتهديد:يويلك مني ياوضحىى
حطت وضحى سحب اربعه ورصرخت مها:لاااااا غش والله غش
مي وهي تضحك عليها:اسحبي اسحبي كلنا سحبنا واكلنا تبن
مدت يدها مي للنوير وتقول:كفك جت بتطق كفها سحبت يدينها نوير وقالت:اسحب ملفكك
مي ناظرت باستغراب :مافهمت؟
نوير لفت على مي هي ووضحى وقالوا مع بعض:ماتعرفينها؟
مي لفت وهي تهز راسها لمها وقالت:لا اول مره اسمع بشي زي كذا
بدت نوير تشرح لهم سالفه اسحب ملفك وتطبق هي ووضحى
صفقت بيدينها وقالت:الله وش ذي الحركه الفله
مها:تافه احس
مي:وفري احاسيسك
شمقت مها وجلسوا يسولفون للساعه 3بالليل
