طلعنا من بيتنا بعد مخلينا كل جنطنا بسيارة واني وخواتي وماما
دموعنا على خدنا منتضرنا المجهول منعرف شوکت راح تخلص لحرب ونرجع وهل ياترى اذا رجعنا راح نلاكي بيتنا منطقتنا لولا ؟!
راح نتهجر ونطلع بعد قرب تنضيم داعش من مناطقنا ذاعو بجوامع لازم نطلع
.... منطقتنا اصبحت شبه مهجورة ميسكن بيها بشر اباوع على جيرانا كلهم ديطلعون غراضهم ويطلعون
مكدر اوقف دموعي لاني راح اعوف مكاني اعشق مدينتي الي تربيت بيها وعشت
سمعت صوت بابا يطلب منا انو نركب بسيارة
... ركبنا ودعنا جيارينا وطلعنا
امشي بشوارع الرمادي وممصدكه راح اعوفها احبها موبيدي
لحضات صعبة ونته تشوف مدينتك محد راح يبقى بيها راح تيصر مهجورة
خليت راسي ع جامه وغمضت عيني استرجع ذكرياتي من طفولتي
لحد هسه
اعرفكم عن نفسي اني رند عمري 18 من الانبار تحديدا الرمادي عايشة حياتي
طبيعيه اني وعائلتي متكونه من ماما وبابا واحنه 3 بنات وولد واحد
مستواي بالمدرسه متوسط ادبر نجاحي احب المدرسه لانو بيها صديقاتي
كلش احبهم احنه 5 بنات كلش صديقات مثل الخوات بكلشي سوا
لحد اليوم من طلعنا كل وحدة بمكان بس بعدني اتواصل وياهم بالمبايل
کمت استرجع ذكرياتي من ارجع من المدرسه ابدل وانزل الاكيهم موجودين انحضر الاكل ونكعد وراها انام
... ومن اكعد اروح بسرعه على تلفوني احجي ويا صديقاتي بالكروب ونضل نسولف ونضحك
... ابتسمت وني اذكر هذيج لايام يمكن بعد ما رجع او ملاكي هاذ المكان نفسه اكيد الاكي مدمر
... وصلتني رسالة حبي طلعتو من الانبار لو لا بالي يمج ترة لوضع موزين ابد
نزلت دموعي وني اكتب رساله
اووف اي طلعنا احنه بسيارة
((بسلامة توصلون ))
قريت رساله مرديت لانو عيوني مغوشه من دموع
غمضت عيني ذكرت اول متعرفت على حبيبي حيدر
جنت سهرانه كالعادة ساعه ب 3 بليل
اتصفح بالفيس شفت رابط مكروب بالماسنجر عجبني ادخل اول مرة
دخلت ولكيت كم بنت يحجون وولد يحجون هواي سلمت وردو عليه
بدينا نحجي كلش محبوبين جانو وميته ضحك اني تونست دانحجي وجان ولد يكول هلوو
ردينا هلوو
مبين الشباب يعرفو رحبو بي
واحد من لولد كله
امیر ابن العم شونك ليوم
.... لحمد الله ونته
.. عايش
هوا لولد اسمه حيدر بقوو يحجون طلعو ولد عم هوا
و 4 ولد كلش محبوبين
بس هوا لا ابد مو محبوب كلش ثقيل لمهم دانسولف كلي
... حبيتج وكرهتج بنفس لوقت
..ههه اي
.... انتي مكروهة بس محبوبة
... ههه انجب ولك
كلت هلكلمه لو هوا عصب
... ما سمحلج هيج تحجين وياي داشاقه اني وليش دكليلي
انجب عيب .. يله شباب من رخصتكم
.. كتله اسفه موقصدي اني هاي دائما بلساني هالكلمة
هوا شو راح مبين زعل بعد احسن يولي ماحبيته
ذوله ولد عمة كامو يضحكون
امير.. ولكم تدرون من كالوله انجب هسه
محمد.. ههه اي اي حيدر
... اهو و داشاقة هوا بسرعه زعل
حسین.. هههه شورطج بحيدر
امیر... هههه دكله انجب
... ههه كافي انتو هم انجبو يله كافي
کلت هیج شوماشوف اله خرجت من المحادثة .. عززة
فشله ذولة
دفروني من الكروب ضليت الووب بسيطه اني يدفروني جتني البجيه من الفشله
... بحثت عن اساميهم بالفيس مطلعلي بس حيدر كلت
بحجه
اعتذر منه وخلي يرجعني لان حبيت هاذ لكروب كلش
كتبتله
.. هلوو
... هلوات...
... عرفتني اكيد اني الي جنت وياك بالكروب قبل شوي
... اي نعم تفضلي
... احمم اسفه والله مقصدي ومعبالي ضوج من هاي لكلمه
.... لاعادي خيتي لا تهتمين بس بعد لا تعيديها
... ايي اني خرجت من الكروب
...اهاتدخلين ادخلك
... ها لا محاجه شكرا
اصلا اني ادعي يرجع يدخلني
... براحتج ... عرفينا عليج
.. هاا شون يعني
.. ههه شبیج شنو شون كليلي شسمج
.. اني رند اسمي
... عاشت الاسامي وني حيدر
... من وين حيدر
.. من بغداد ونتي
.. الانبار
.. احسن ناس
... شكرا ... من رخصتك حروح انام
.. مرخوصه الله وياج
سديت الفيس هووف ولا رجعت للكروب يله خيولون اصلا
ماريد
وهاذ بعد ماحجي وياه رحت نمت بسرعه
قاطع افكاري صوت ماما
.. رند تريدين ماي
.. لا ماما ماريد
ابتسمت وني اذكر هذاك ليوم جان بداية لحبنا الغريب الي
ممتوقع ابد
يتبع..
