ركضت بسرعه علمود الحك بحيدر الي حرك الدنيا بالهورنات طفيت ضوة الغرفة ونزلت اركض طلعت برة لكتة
عاكد الحاجب
اول مافتت للسيارة صاح بية .. مادكليلي وين رحتي ساعه
.... شمدريني ليوم متاخرة
... شني هالمكياج
.... شنو شبي ترة ولا مخليه هواي
.... استغفر الله چن رایحه لعرس
.... حيدر والله شويه حاطة شبيك
ماردلي بس وجهة انكلب شغل السيارة ومشه سريع
اني خنست ماريد اسوي شي يضوجة شردت بفكري شلون بدیت اداوم هاي صارلي اسبوعين اداوم انقبلت قسم انكليزي وحيدر ياخذني ويجيبني طبعا ویه شروط هواي هوة حطها لازم البس جبه مكياج موهواية ما احجي ويه ولد
اذكرت اول يوم اخذني للجامعه وداني على القسم بقه وياي عود حتى يخلي لكل يعرف اني متزوجه وكوة اكتم ضحكتي اذا احد مر من يمنا ويباوعلي بقصد او بدون قصد عيونه تطلع ليبرة من الخزرة
اما اني وياه بالبيت عادي نفس قبل متغيرنه اني باردة
وهوة ابرد من يوم الي حجه وياي الكلام بعد مافتح
هالموضوع وكلامنة سطحي
من بديت دوام صرت اتعب اكثر ويه عيالي وهاي نوال الي متسكت ابد تبقه تسمعني كلام يغث وغيرت شغلي صرت اسوي عشا والمواعين بليل لان دوامي بالنهار وهم ميعجب
سمعت حيدر حجة .. يا ابويه مواحاجیج متردین
... هاا مدري مسمعتك شكلت
.... كتلج زهوورة ليوم ليش ماجتي
.... مدري كالت مادوام هالاسبوع الاورة زواج عائشه يعني اسبوع الاخ
هز راسه وسكتنة ورة فترة وصلنه يم باب الجامعة ردت انزل
حيدر
اعاين وجها متروس مكياج وهيه بدونة تسودن الواحد انوب حاطة ماكدر اخليها تنزل ولعالم اشوفها كبل منزلت كتلها ... وين تعاي عايني علي
ها...
لزمت حلكها وعصرته بايدي مسحت لحمرة هية توجعت عيونها دمعت وصاحت
رند.. حیددرر يمعود اخ شفتي موهيج ترة كلي امسحيها امسحها عادي بس موهيج تاذيني
ماخليته يحجي اخذت دفتري والجنطة ونزلت وطبكت
الباب وصرت امشي سريع بس احس عيوني توجعني من
كد ما حبست الدمعه حيل وجعني جر شفتي قوي بايدة
حيدر
ضحكت عليها من هيج ضاجت عود صارت عصبيه بس
قهرتني اذيتها حيل بقت الحمرة بايدي مالتها
