بدت سنة دراسيه جديدة ونرجس ومروة همة نفسي هم سادس ادبي
كلت لماما دكول لبابا يسويلي استضافة علمود اداوم مستحيل اضيع سنه علية
... كلتله وهوة مقبل كال خلوها هاي السنه مومستقرين بعدنا حاولت ماما تقنعه ومقبل
هاي سما ماتت من البجي لان مقبل بابا
اني نقهرت وعصبت حيل عفتهم وصعدت بالسطح هوا المكان الوحيد الي اتنفس بي لان لا طلعه ولاطبه
محبوسين بالبيت وحياتي بس بالبيت واحجي ويه حيدر
صعدت بالسطح وكعدت واتصلت بحيدر اني متعودة من اضوج احجي وياه وابجي وهوا يخفف عني
اتصلت بي وردلي
... هلا بحبيبتي
اني بس سمعت صوته كمت ابجي حيل وكانو دموعي منتضرة صوته حتى تنزل
هوا تفاجاء ونخرج لان سمعني
.... شبيج رند شكو لا تبجين فهميني شسالفه ... بس احجي
خوفتيني
يحجي بس مارد ابد بس اشهك وابجي جنت مهضومة حيل
كتله .. لا تسئل بس خليني ابجي
... شون اخليج والله مينطيني كلبي .. يله اسكتي وكوليلي حتى نلاكي حل
جان يحجي بحنيه عبالك دايقنع وحدة صغيرة
كتله... موبدت المدرسه وني كلت لماما دكول لبابا انو يسويلي استضافه واداوم اني وسما وهوة كال خليها سنه لخ هسه ممستقرين
ردلي ... وابوج شنو يضرة مستقرين لو لا
.... شمعرفني والله مدري
... احجي وياه انتي واختج وشوفي
... شون اذا ماما كلتله ومقبل احنه شون
.... احجي وياه وشوفي
... ماشي نشوف
... يله كافي عاد مواي شي ومنزلة دموعج
... موانقهرت وبابا اول مرة يرفض شغله دراسه لانة عندة
اهم شي دراستنه
هم الله يعينه ابوج مكان جديد ويخاف عليكم
... صح اي
... هوا هنا بالبيت
.... بابا لا وية خالي طالعين
... من يجي احجو وياه بس اهم شي لاضوجين نفسج
... اممم
.... كاعدة بالسطح اكيد
.... هههه اي وين اروح لعد
.... فديت الضحكة .. هنيال السطح كاعدة بي
... ههههه يمعود
... لباجر طالع بغير محافضة عندي شغل
