.... كعدت الصبح ولبست دشداشة وشال طلعت رحت للحمام
غسلت
وفتت بالمطبخ .. صباح الخير
ردو... صباح نور
كعدت وماما كاعدة يم ام ناصر ويحجون كلت للبنات
و چنتهم .. اساعدكم بشي
کالت چنتهم الي عرفته اسمها اسماء.. ايي والله خيه هاي الاجبان افتحيهن كلهن
... ماشي تمام
بديت افتح بيها ويحجون وياي البنات لحد مخلصتها و حضرت استكانات الجاي وكعدت
استمع الحديث ماما وام ناصر دكللها .. جان شفتي هاذ البيت الكدام بيت الشيخ
ماما ... لا والله مشفته
... اي خية هوا هاذ البيت الي راح تكعدون بي حيل خوش بیت
... يااا خوش بلکت
.. اي والله مثل مكتلج هاذ بيت ابن اخو ابوناصر هوا بناه ومحد كعد بي لحد هسة مقرر يكعد بي من يزوج وبعدة خطية ما متزوج شايل الفكرة من راسه
حجت ماما باستغراب.. ليش نكعد بي لا والله ما نرضاها خطية بيته هاذ
.... لاخية بالعكس عادي لا تهتمين لان هوا الله يخلي شبابه خوش رجال وكريم
... الله يحفضه
ام ناصر... وانتو ماعدكم الجهال حتى تخربطون هاج كلكم
كبار
... اي ان شاء الله
.... ليوم نروح تعايني من جوة وان شاء الله يعجبج
وها لحديثات ينضفو
كلت الهند.. خطية هاذ الرجال بيته جديد وخلانا نكعد بي
... يبي والله ويمكن مخطط يجيب عروسته بي
... هههه اي واحنه كعدنا بي طن
... هههه دنجبي
صبولنا الريووك وكدعو كلهم ويانا والزلم بالهول
خلصنا وكمنا نشيل وياهم كالت مريم.. هدوو من ايدكم احنة نكمل
هند.. لاشنو و وياكم ع الواهس
كلت.. يله اني اوكف ع المواعين وهند روحي ويه البنات ع
البيت
زينب.. يي والله انه الي علية المواعين ساعديني مالي خلك
هههه موتدللين
لملمنا المطبخ وبدينا نغسل المواعين اني اشطف على ايدها
کالت... تدرین اول ماشفتج كلت المريم عايني على هاي جاية بطريق وهالعدسات بعيونها زين ما ماعت بعيونها
اني طكيتها ضحكة ... ياا يعني كصيتني
... خية شمدريني انه الله يحفضج عيونج جنهن كزاز
