رند
فات حيدر يدفع بعلي وهاذ فاقد يصيح ويهدد
حيدر صاح، كااافي عيب منا الوادم انة اخذلك حكك لا تضيعة بالعصبية
،،، بس عوفنيي اخلص علي ليوم واكص ركبتة
حيدر دفعة فوتة جوة بغرفة لاستقبال ويصيح علي ويغلط فتت وراهم
علي كعد عل قنفة ولزم راسة رحت اجيب ماي من المطبخ
لكت هند حاضنة سما تسكت بيها وهذيج فاقدة من البجي
رحت عليها ، سما اشش كافي هسة نفتهم شنو صار بس
لتبجين
جنت احجي واحضر الماي اخذتة لكتهم كاعدين
اندار حيدر اختج وينها
كتلة بخوف،،، جوة ليش تسئل عليها
شبيج خايفة صيحيها تجي
،،، بس اكلك ترة تعرف سما شنو لا تحكم عليها الاتسمعها ترة راح تموت من البجي وخايفة
صاح علي، والله الا اذبحةة هاذ العاررر
صاح حيدر علييي كافيي الشيخ هوة راح يفت وانتة كافي كل شوي كامز
اندار علية،،، روحي صيحيها
رحت اصيحها وكوة سحبتها جانت خاتلة وراية خجلانة من حيدر وبس تبجي
فوتتها جانو يحجون سكتو
كال حيدر تعاي بوية سماوي اطلعي من ورة اختج خلي نفتهم
حجيت وياها سما ماكو شي اهدي بس فهميهم شنو سالفة وخلص
كعدت وكعدتها يمي كال حيدر، احجيلنة خلنسمع
كلت، احجيلك اني لان سولفتلي
لا هية تحجي اريد اسمع منها
بدت تحجيلهم وكلشوي تسكت تبجي وترجع تكمل اني عيني على علي احسة راح ينفحر لومن تبجي عبالك الشهكة بكلبة تصير
حجة حيدر خلص فهمت هاهية تكدرين تروحين
هية ما صدكت على الله بسرعه كمزت وطلعت
حجيت وية حيدر فهموني شنو سالفة شبي هاذ لولد شنو سويتو ويا
حيدر، لسالفة كلها هاذ العار اسامة ابن عمي عينة على اختج من زمان ويريد يوصللها بكل طريقة علي يعرف بي
لان صديقة كايل العلي وجايب رقمها من اختة وباقرب فرصة يريد يحجي وياها وانة وعلي ليوم واكفين بلحديقة علمود العشا وسمع علي صوت اختج وراح عليهم
لطمت على وجهي عززااا بعيني الله لا يوفقة هاذ نوب
حجه بضوجة، لا تضربين على وجهج مرة ثانية
ايي شسويتو وياا بسلا الكل عرف
،،،، لاشني سالفة شون نخليهم يعرفون اخذنا ورة الديوان راحت الوادم واخذنا على جدي حجينالة سالفة وهاذ علي يكمز الا جبتة هنا حتى الشيخ يحجي لعمي على سوايتة
