رند
مشت الايام نفس الروتين وكل يوم اتعب اكثر من الثاني من الحمل والدراسه
صرت بشهر الثامن وهاذ الشهر حسيتة عدال لاشهر كلها كدمو صعب وتعبانه وبطني لخشمي احسها واصله
كاعدة احضر بنفسي لان ليوم حيدر يجي جان مسافر الدبي اول مرة يغيب عني هالكد كال ابقة اسبوع ولاسبوع صار اسبوعين وكلبتها علي بواجي وتعاركت وياه بقه يقنع بيه انو شغلة ما خلصه ويجي بنهاية لاسبوع وفعلا هسه ان شاء الله هوة بالطريق
طلعت دشداشه كوة لكتها كل اسبوع دا تصغر عليه ملابسي من فضل الله خلصت جامعتي وله جان تبهذلت ويه هالبطن
حطيت شوي مكياج ورتبت نفسي صارلة شكد مشايفني لازم ارتب نفسي
سمعت صوت مبايلي شفتة هند داتتصل
ردیت... هلو هند
... هلا و رنود شونج
.... تمام لحمد الله ونتو شونكم
.... زينين اكلج بابا يكول من يوصل حيدر خلي تخابرني
علمود اجي اسلم علي
... ماشي يدلل
هند... اكلج هاذ رياض ابيتكم مو
... اي بيتنة شمدريج
.... موجنت يم الشباك وشفتة اجه
... هههه يي يريد يشوف حيدر
هند... ليش هالضحكة
.... لا عادي ميصير اضحك
.... دنجبي اكلج خليني اجي بيتكم ليوم
... شعندج ولج
هند... ها لا هيج ضايجة بالبيت
.... هههه لا متجين امشي روحي
هند.... بسيطة اصلا ماريد اجي اوي
رند
سديتة وخربانة ضحك عليها داحسها صرلها فترة تفكر برياض وتسئلني علي خطية يقهرني حيل مبين واحد
عاشقك
وعيشته ضايج من يجي يمنة ويضرب صفنات واذا جنت متعاركة وية حيدر يتكابلون اثنينهم اعصاب وعاكديها ههه...
خلصت ونزلت جوة لكل مخبوص ويحضر وعمتي مسوية لاكل الي يحبه . حيدر عبالك متغرب صارله سنين بله اني مرتة يحقلي اشتاقلة همة ليش مشتاقيله ويحضرولة
ترة اضووج حيل
صاحتني الحجيه كالت... يمة حضرتيله غرفتة من يجي
يرتاح
... يي بيبي حضرتلة كلشي
.... ايمتة ينور البيت بجيتة كلبي يريد يشوفة
كتلها ... عفية بيبي والله اغار علي من تحجين هيج
ضربتني على ايدي.. كومي دهر صاب هاللسان ولج انه جديته كبل مانتي مرتة .... ههههه والله هاذ مالتي جدة لا تشعلين الحرب بيني وبينج
