..... كعدت الصبح على صوت مبايلي يدك دوخني كوة
فتحت تك عين باوعت ع ساعه ب 6 ونص
فتحت الخط بدون حتى ما باوع ع رقم لان اعرفه حيدر
حجيت بنعاس كوة صوتي طالع
... الوو
رد بضحكه... صباح الخير يله كسلانه كومي هاذ اول يوم
الج
... اي والله اعرف
.... لعد كوومي تريكي وحضري نفسج
.... ممكن تنطيني من نشاطك ترة انته حيل نشيط عيني
باردة عليك
.... هههه اي اعرف تراني هسة بشغل ومخلصلي كم شغله
والله
.... اويلي الله يقويك... خليني اغفه شوي ترة بعد وكت والله
... شووو كومي يله
... اااه کمت خرب
.... يله غسلي ولازم تتريكين
... اني ماكل من اروح للدوام
.... منا ورايح تاكلين يله بسرعه بلا كلام زايد اريد
ب 7 و عشرة متصلة بيه وكايلتلي خلصت كلشي
.... هههه اي موصرت حيدر النشيط حتى اكمل
.... ماريد اسمع اعتراض يله روحي
.... اممم ماشي... بايي
... بايي
حرکت جسمي با الفراش وكمت غسلت ورحت على المطبخ لازم اكل شي لان ادري بي راح يحلفني اذا اكلت او لا
ومكدر اكذب
سويت بيض وخليت الجاي ع نار لان لازم اشرب بين ما اكلت صار الجاي كمت صبيت كوب وكعدت اشرب
وراها رحت كعدت سما وماما كعدت اصلا
رحت ع الحمام فرشت اسناني وبدلت ملابس المدرسه لان همة بدو دوامهم الرسمي مكدر اخالف
ساعه ب 7 وربع خابرت علي كتله خلصت
ضحك ... عفيه عليج بس تاخرتي خمس دقايق صح
... اووو حيدر شكد دقيق بمواعيدك اصلا اني استعجلت كلش وهاي اول مرة اخلص هيج وقت واطلع من وكت ع دوام
.... ومراح تكون اخر مرة لان كليومية راح اكعدج اتفقنا
.... لا لا يمعود اذا تكعدني من 6 اول اسبوع ابطل اداوم
.... موبكيفج ... ماخذها قاعدة من جدي اني الي يتاخر
بموعدة يتاخر بكلشي ونتي هم اخذيها قاعدة لان تعتبر المدرسه احد مواعيدج مقرر بهاذ لوكت تدخلين ميصير
تتاخرين
... ايي حبيبي تدلل بس كعدني ورة 6 ونص فدووة والله
تحمل
