... سمعنا صوت طلقات وكع كلبي
صارت روحي بخواتي اريد اعرف بسلا صار بيهم شي
بسرعه صرخت
... هند سمااا
ردتلي هند
.... ما بينا شي بس لا ترفعين راسج
خلي يهدة الضرب اكيد مواجهة صارت
... اني ماعرف ليش كمت ابجي تعبت من كل هلشي والله
حالتنا حاله دائما ضرب ومواجهات ومسوين هجوم وكلما زادهم يتقربون علينا
کمت اشهك ونسيت حتى لخط فاتحته
خليت المبايل ع اذني اريد انهي الاتصال واسمعه بس
يصيح بعلو صوتة عباله صايرلي شي
... حيدر
ردلي ومن صوتة مبين علي الفزع وخايف عليه
.... من اشتعلو عشيرة حيدر شكو شصار شهالرمي
.... مادري حبيبي والله كلش قريب صوت الهاونات لا وخفت ع خواتي متت خوف
... انتي خفتي عليهم واني روحي راحت عليج من سمعت صوت الرمي وصرختج ومن تبجين كلت اكيد صارلج شي لا سامح الله
.... لا حبيبي على خير
.... بعد داسمع صوت
... اي اي صوت
.... ذكرتيني اني هم جنت واعي على حرب من كبل وهيج
جنه عايشين بخوف
... اووف حبيبي تعبت شوكت نخلص
... الله يعين اختبار من ربج .. يله انزلي على كيفج وامشو ونتو مدنكين لا ترفعون راسكم
... ماشي مبين تعرف تتصرف بهالمواقف
.... عايش اصعب من هاي لاشياء شفت الموت بعيني والحسين ونفذت ... لمهم ولا ترفعون راسكم لحد متصيرون داخل لبيت ترة تجي طايشه ومادام قناص موجود
معناها يكوم يضرب حيله يله روحي
الله يحفضكم ولج والله ميت خوف عليج
... يله يروحي باي
...الله وياج
جنا نحجي وصوت الضرب واحجي بصوت ناصي وبسرعه نحجي سديتة
وكتلهم لاحد يرفع راسه دخيلكم
جنت ابجي حيل احسهم صارو مثل اطفالي واني امهم صح مواني الجبيرة
بس هيج حسيت .. كتلهم از حفو ع لكاع بسرعه خلي ننزل كبل ما يتئزم الوضع
خليتهم كدامي يزحفون وصرت اخر وحدة ماجاني كلبي اخلي وحدة وراية تنزل
رغم هند عاندت كالت انزلي كللي
احنا عدنا سطحين وجنا صاعدين على السطح العالي
