حيدر
الضهر رحت يم جديتي وكعدت يمها ... هاا صبيحه شونج
هية اسمها صبيحه من ضايجه هيج اندهلها كالت.. كوم من يمي لا بارك الله بهالعيون عاين على نفسك عيونك تخوف
ضحكت... شعليها عيوني بالموضوع دخلتيها خاف تغارين منها
... يع يع كم منا
کمت بست راسها .. شبي الغالي ضايج لا تغارين تراج انتي الاصل وماكو غيرج بالكلب
.... ميته عليك ولك ذويب
... اي صح عندج ردام شلج بية انه
ضحكت.. يا ساتر من لسانك صح شيخ مدري من ياصوب تجيني
... حبوبه سالفه الي صارت لبارحه كولي لامي وعائشه وزهرة لا يجيبون سيرتها كدام احد ولا كدام اهلها موبس
هذول الي جانو حاضرين
اي بس همة وانه كتلهم من صبح لا تحجون شي
... عفيه جديتي
... ولك ذيب والله انك خوش تختار
... ههه اي
.... عليها زوج عيون الله يكملها بعقلها خوش بنيه وترة انة جنت مخليتها بالي الك
ضحكت.. كولي وعلي
.... ههه اي والله بعد جديتك عجبتني وعويشة دكلي مستحيل بس انه كلت راح تعجبك
ضحكت عليها .. والله انج داهية انتي .. يله انه راح احل طلابة اكو كعدة يم عشيرة وداخلين صلح انة وجدي ورايحيين
.... الله يحفضكم الله وياك
للعصر لبست دشداشة وعكال ونزلت يم جدي لاجل نطلع
وانه مار من المطبخ سمعت عائشه تحجي وية وحدة من خلال كلمها عرفت انها رند متقبل تجي بيتنا
انة الج وين تروحين من ايدي
باليل رجعت سئلت عمتي عن عائشه انه اعرف راحت يمها بس اريد اسحب منها كلام اعرفها ثرثارة وتحب تجيب وتودي اخبار کالت راحت
كتلها وانه اورث جكارة اسوي نفسي مومهتم.. كليلي هذولة شكد عددهم
.... والله 3 بنات وولد ولام ولاب
... اها وبناتها مزوجات
.... لا ووين بعدهن ممزوجات ولاشي صغار
... شون شفتيهن
.... امهم زينه بس هاي وحدة منهن شايفه روحها عيونها زرك احلف عليها حاطة عدسات موصح وهذيج الصغيرة مطلعتلي شعرها وتتمايل بي
ابتسمت بداخلي عرفت تقصدها كمت وكتلها .. جيبيلي چاي انه يم جدي
انه تالي وكت احجي بسوالف نسوان واكعد اسئل كله من
وراها يعني ما مخطوبه چا اکو سبب ثاني خلاها تعوفني انحرك كلبي اكثر وتحلفتها هل شبر ونص هيج تلعب بية لعب
