خلصنا تنضيف بالصلوات ورحت نمت مكعدت الاعلى صوت ماما تصيح حتى نكعد كتلها .. كمت بس لا تصيحين
كعدت لكت المغرب والنهار مينفهم منة شي
... دانسوي عشا اجتي ماما كالتنه قنعت ابوكم وقبل
بعد مسمعنا الخبر اجتي حيرت الملابس شنلبس كتلهم .... ترة
راح انطي خبر لمروة ونرجس يجون
كالتلي ماما .. اني راح اكول لبيت خالج حتى نروح سوة
.... لعد قنعي ام مروة تخلي مروة تجي
... هسة نشوف منا لباجر
..... خلصنا كلشي ورحت بالغرفه اخذت مبايلي واتصلت بالبنات سويت مكالمة جماعية وثنينهم كالو نجي
.... تمددت بفراشي وحجيت وياهم ع الواتس اتفقنا على يا
مکان نروح
لحد ساعه 1 ما عندي شي اسوي ونمت
ثاني يوم مشى روتين عادي للعصر حضرنا نفسنا ولبست اني بنطرون جينز وقميص اسود ووية الترتيبات طبعا من
غير ماخلي المكياج لان ماما متقبل ابد وخصوصي من بعد
معرفت بسالفتي كلش تشددت حتى الكحل حسرة علينا
صار ماعرف ليش هيج تسوي
... الحاصل خلصنا وطلعنا ينتضرونا برة بيت خالي ومروة
سلمنا واجو يمي البنات
كتلهم... هلا شونكم
مروة.. زينين
کالت نرجس .. اكللكم من هسة كبل منروح خلونا نفتر مو مثل كل مرة اكللكم امشو وانتو كاعدين متقبلون
مروة .. هههه اي ماشي هوا احنة كم مرة راح نطلع علساس
كتلهم .. يي صح
مرت خالي كالت.. لا تمشوني وية رند ترة مالي خلك كلشوي
يجون علية يخطبوها
اني ضحكت... هههه لاعمة شدعوة
.... ياعمة شنو شدعوة دشوفي جنج كمر
ضحكنا عليها واجرنا تكسي ورحنا
وصلنا للمتنزهة جانت اجواء حلوة كلش اخذنا مكان وكعدنا بي بعدها
احنا البنات كمنا ورحنا علمود نفتر شوي
كتلهم.. حروح اشتري ماي متت عطش
هند.. اوكفي اني هم اريد اجي وياج
رحنا ثنينا واشترينا ورجعنا يم البنات من دانرجع شافونه مجموعه ولد سمعنا واحد منهم كال .. لك اوف باوع على
العيون الزرك تجدح جنها بزونة
اني دنكت وكتلهم يلة بنات نرجع
