.... التفتت المصدر صوت وعيني راحت على الي واكف بالباب
.... انشليت اي فعلا انشليت عرفت شعور الشخص من يكول انشل حالي هسة شعوري شلل بجميع حواسي وكفت متصنمه واني ادحك على شخص واكف باب المطبخ
صافن عليه مثل ما اني صافنه علي دحكت علي كل تفصيله بوجهة خلال هاي الثواني وعلقي يردد لاموهوة لالا مستحيل
ايدي تعصر بالخاشوكة الي بايدي
همست بضعف بصوت همس.. موحیدر مستحيل
بعدها اذاني اسمع شي دا يصفربيها وجسمي خدر ونمل عيوني غوشت صارت نقاط سود بيها تحجب نضري لحد ماصرت ضلمة وفقدت
صار وكت تتعرفون عليه بالبدايه
.... السلام عليكم اعرفكم بنفسي انه حيدر اوو الذيب مثل ما يكولون السلف .. انه جبير عائلتي عمري حاليا 29 سنة مکمل کلیه شرطه لكن ما اشتغلت بمجالي لا اشتغلت
بحلالنا بطلب من جدي
ابدي وياكم من صغري
.. جنت بعمر المراهقه اول حفيد البيت الشيخ جنت ويه ابوي فيصل لاموابوي هاذ صديقي مثل رفيجي اعتبره جنت حالي حال اي مراهق مابيه شي عايش حياتي بين اهلي اخواني خواتي وناسي لحد ما يوم اجتنه جثت ابوي ما نعرف شون ليش منو سوة هيج جنت داخل بصدمة صدمة مراح انصدم بعدها اعاين على جدي مقهور ديوانه مكتض وهوة ولايمة رحت يمة حاجيته ... جدي انه اعرف انك تعرف منهو الي اكتله لابوي مو
حضني جدي وبقه يبجي لاول واخر مرة شفت دموعه لجدي هاذ الجبل الي ميهزة احد يبجي بين حضني اخ من هاذ الموقف ماينسي چن خنجر بكلبي من اذكره كتله ... جدددي انه اعرف انك تعرف منهو جتال ابوي كول
حجه جدي... جبار ابن عشيرة ال...
حجیت واحس راح انفجر... هوا نفسه الي سوة طلابه ويه
ابوي البارحه
هز راسة وبعدة بحضني طبطبت على كتف جدي
وضحكت.. موش انته الي تضعف انه استمد قوتي منك
يجدي ما تغرب شمس هاذ ليوم ولا ابوي يندفن اذا ماجبت
راس جتال ابوي
نهضت لزمني يمنعني.. جدي ابوس ايدك خليني انه اعرف
شراح اسوي ما يهدالي بال الا اكتله بيدي
بذاك الحين ماحسيت بشي ادور مثل الخبل على هاذ رجال
دورت اني وجماعتي بقدرة قادر لكته اذكر جانت الساعه
3 ونص العصر واحنه جنة ندورله من الصبح
من وجدتة مارحمتة وموته لا لموت رحمة ماخلي ينالها بعد عذاب دام ساعتين وانه موراضي لجن وعدت جدي اجيبه كبل غروب شمس ذبحته .. اي ذبحتة بابشع طريقه وانه بعمر مراهق بعدني شرابي خاطط خفيف وجبت الجثه الجدي شافها وبنفس الساعه رحت ذبيتها يم باب بيته
