چَنت عايشه بوهَم
وأحَلم بأشياء مَ تصير
حَسبالي .. أتحَبني
وأثاري مَثل لعبه طفل من تنَمل تنشمر.
اول مافتحت باب الغرفه ... صارت خالتي ليالي بوجهي باوعتلها بنظره عتب وهي عيونها تغرغر بيهن الدموع
عبرتها وكملت طريقي بااتجاه غرفة غرفه بغداد
ليالي : يمه روحُ اني امج يمه فدوه لطولج اني اهلج
باوعيلي عوفي سيف خيولي هو لأن عصبي هيج حجه وياج
نزلت راسي متفشله
احس الموقف الصار كلش ما حلو ونزلني من عيونهم كلهم
شهكت بقوه ابچي ودخلت غرفه بغداد
تعثرت بعتبه الباب قوي
احس نفشي انشمرت
وكعت على ركبتي واحس راسي كان يوجعني من الموقف والكلام والحركه السخيفه البادرت بيها ...
روح بقهر : ربي حتى حبهم جان شفقه هيج اني ذليله اني يمه
الله ياخذج لهيب وياخذنيييي
............
(بغداد)
باوعت لابويه الكاعد على اعصابه وكل شويه يريد يصعد واحنا واكفات على الدرج كلنه
ونيران تريد تطفر
فوك بس تخاف من امي
تسللت نيران الدرج وعلى النص واني عاطت بينا
ليالي بعصبيه : الي تصعد اكسر رجليها افتهمتن ؟!!
رجعت نيران تنزل بنرفزه وتعض على اصبعها
سكتنه كلنه بس جيهان
كامت وكفت يم الدرج ومخليه ايديها على كلبها جان قليل من صوتهم مسموع بس نص الكلام ماافتهمنا بس التوضح النا
تم رفض روح بطريقه جداً قاسيه درت وجهي على الجهه الثانيه وغطيت وجهي بيدي احبس دموعي حسيت نفسي اني المذنبه لان شجعتها
عضيت على شفتي بقوه وباوعت لنيران المركزه بيه وملامحها مشتدده بعصبيه
نيران بنتر : شبيج انتي الثانيه
درت وجهي منها وهي تقربت مني اكثر رافعه حاجبها بتسأل
اردفت بهمس
بغداد بقهر : اني السبب كله من ورايه اني كلتلها اعترفيله الله ياخذني ليش شجعتها على هيج شي
نيران :الكاتبه الله يصير وهذا درس الها علمود تجوز منه وتركز بدراستها ومستقبلها سيف ليش كيلوا اهم شي نفسها زين والله سويتي من شجعتيها على الاقل ظهرت حقيقته وشبيه اخوج هيج انفعل سخيف يدورله ثلاثينيه ايعع
باوعت لملامح العصبيه التخرب ضحك حصرت ضحكتي وبديت امسح على وجهي بقوه
بغداد : مااعرف والله
هم صح كلامج
نيران بثقه : والله يالله انفعالين الضباط دباعي باعي شوفي ابوج شلون يخزرني
غطيت وجهي علمود لا تفلت مني ضحكه وهزيتلها راسي بتأيد
باوعتلنه جيهان وهي عاضه على شفتها بتوتر
اردفت بااستجعال
جيهان : اني راح اصعد وشيصير خلي يصير
بغداد : اني هم يله نيران
صعدنه ثلاثتنه ولمحنه امي بغرفه سيف كبل طفرنه لغرفتي اول ما دخلنه الغرفه انصدمت من شكل روح وجها مطبع وشفتها تنزف ركضت عليها جيهان وحضنتها
أنت تقرأ
ليالي بَغـداد
Romanceانتَ مثلَ موسيقى اعشق الاستماع اليها ربما غموض المستقبل سر لي ولك يذهب به العاطفه والامتنان وربما يصلح الماضي او يذهب كالماضي وبالحالتين لم اراك ولم اشعر بك انتَ كالروح امانه قد اعطيت اللانسان للحفاظ عليها فقد يوجد من يحافظ عليها ومن يفرط بها وانا...
