ليالي بَغـداد

البارت 22 🫀

      لتنسون التصويت ذيباتي + التعلقيات احب اشوف رأيكم بالبارت
                             وتفاعلوا على الجمل
                    ✨♥️والان قرائه ممتعه ♥️✨

چَانّ وَجهّك
‏أوّل وَلايَاتِ عُمرّيَ
‏وآخِرّ دِرُوّبَ الضِيّاعَ
‏چَانِتّ عَيوّنِك
‏سِمَا لجَنحِانّ حِلمّي
‏تَيهتِني
‏مِن هِذاكَ اليَوّمْ أدَوّر
‏مَا لگيّتَ
لحِلمّيَ گِاعَ .

لزمت راسي اونن هذا الوجع مألوف عليه
شويه شويه كمت افتح بعيوني صارت كبال عيني تانكيات ومكان مثل المخزن وبيه هوايه صناديك

باوعت على باقي انحاء المكان لحد ما عيوني ثبتت عليه شفته من بينهم وميزته
جانوا ثنين ملثمين يضربون بيه بحقاره
وهو يضحك

صرخت بصوت عالي وصارت الانظار كلها عليه

بغداد : شدسونننن حيواناتتتتتتت

- هاي كعدتت

الشخص الثاني - هاي من نصيبي انتَ اخذ هذيج

هنا ادهم شال بروحه وركعها بالكاع فرفحت روحه شكد حاول يفتح ايده بس ما كدر تقرب الشخص الثاني

الشخص الثاني - اوفف متتفوتين

تقرب عليه وصار كلش قريب خزرته واني ادفر بيه

- شرسه

لاحظت انو الحبل بدأ ينفك باوعت لادهم الانجن ويتلفظ عليه الفاظ غلط قويه باوعت للشخص الثاني شفته يضحك

- اطلع اريد استمتع بيها براحتي

- اخذ هذا ويايه

- ههههههه لا شكله يحبها خلي يتونس بالمنظر

ضحك الشخص اليحجي وطلع من المكان عم الهدوء وبديت شويه شويه احرر ايدي وشفته يتمادى بالكلام
ابتسمت اله بهدوء وقوه

بغداد : لتلعب ويا لبوه ما فد يوم الضبع كدر على لبوات الاسد

ضربته بوكسي بعينه ووكع على الارض كمت بسراعه رغم الدوخه الملازمتني
صرت فوكه وضليت اضربه بوجهه علمود يفقد السيطره
واجت ضربه بنص عينه
صرخ بقوه وبدأت تخف حركته
كمت عنه ورحت لادهم الچان يباوعلي بفخر
لاحظت انو ما رابطين ايده بحبل لاا
مقيدينه بكلبشات
مسحت وجهي بعصبيه وقهر

بغداد : يا ولد الكلب

ادهم: شوفيي بغداد ركزي ويايه