لتنسون التصويت ذيباتي + التعلقيات احب اشوف رأيكم بالبارت
وتفاعلوا على الجمل
✨♥️والان قرائه ممتعه ♥️✨
أأقول أحبّكِ يا قمري ؟
آهٍ لـو كانَ بإمكـاني
أأسافرُ دونكِ ليلكـتي ؟
يا ظـلَّ الله بأجفـاني
يا صيفي الأخضرَ يا شمسي
يا أجمـلَ .. أجمـلَ ألواني
هل أرحلُ عنكِ و قصّتنا
أحلى من عودةِ نيسانِ ؟
فأنـا إنسـانٌ مفقـودٌ
لا أعرفُ في الأرضِ مكاني
ضيّعـني دربي ..
ضيّعَـني إسمي .. ضيَّعَـني عنـواني
تاريخـي ! ما ليَ تاريـخٌ
إنـي نسيـانُ النسيـانِ
إنـي مرسـاةٌ لا ترسـو
جـرحٌ بملامـحِ إنسـانِ
أنا ألـفُ أحبّكِ ..
فأبتعدي عنّي .. عن نـاري و دُخاني
فأنا لا أمـلكُ في الدنيـا
إلا عينيـكِ ... و أحـزاني 🤎
سد سيف الاتصال وطلع هو وبابا من البيت يتراكضون
رأسن امي راحت لغرفتها تبدل علمود تروح وراهم
ضليت افتر مثل الثوله مااعرف شتصرف
رجعت لغرفتي واخذتلي قمصله طويله ولميت شعري
اخذت جنطه بيها تلفوني وفلوس
نزلت اركض علمود الحك على امي
لكيتها هستوها طالعه من الغرفه وبيدها جنطة ايد جبير والايد الثانيه بيها سويج سيارتها
ليالي : هاج السويج بسرعه شغلي السياره
اخذت المفتاح من ايدها وركضت بكل سرعتي للكراج
اول ما وصلت فتحت باب الشارع ونوب رجعت على السياره وصعدتت بمكان السايق
طلعت امي من البيت تقفل بيبانه وهي مخبوصه
بغداد : ماما قفليهن شلون ما جان تعالي صعديي!!
عافت امي القفل من ايدها واجتي تركض صعدتت بالصدر
وهي تتنفس بسرعه
بدون مأكول شي طلعت من البيت واني اسوق بسرعه وهي تدك على بابا
ليالي : على كيفج بغداد
قللت من سرعتي واني حايره وين اروح
بغداد : المستشفى وينن ؟؟
ليالي : اضن المستشفى الجنت أداوم بيها
بسرعه انطلقت للمستشفى وامي تدلي بيه وكل شويه تلطم
من ورا سياقتي
ليالي : بغداد ليوم اموتجج
بغداد : يمه دسكتيييي والله طيحتي حظي
غير افتهم وين اولييي
ضليت اسوق وامي كل شويه تطلع روحي من الرزايل
وكفتني كبال مستشفى جييره
ابتسمت من شفتها لان كومه عندي ذكريات بيها
نزلت من السياره ونزلت امي ورايه تركض
طبكت السياره ونزلت وراها
اول ما دخلت المستشفى شفت كومه ناس وهوسه
وزلم شيوخ
هنا انحصرت حصرة الجلب
واني وحدي
ادور على امي اختفت
وكفت بزاويه معزوله واني اباوعلهم بهدوء
لاحظت اكو عساكر وشيوخ كلها ملتمين على المصعد
أنت تقرأ
ليالي بَغـداد
Romanceانتَ مثلَ موسيقى اعشق الاستماع اليها ربما غموض المستقبل سر لي ولك يذهب به العاطفه والامتنان وربما يصلح الماضي او يذهب كالماضي وبالحالتين لم اراك ولم اشعر بك انتَ كالروح امانه قد اعطيت اللانسان للحفاظ عليها فقد يوجد من يحافظ عليها ومن يفرط بها وانا...
