لتنسون التصويت ذيباتي + التعلقيات احب اشوف رأيكم بالبارت
وتفاعلوا على الجمل
✨♥️والان قرائه ممتعه ♥️✨
ها يلي مَا حَالفني وَياك الحَظ
شگد أفتقد حِنيتك مِن أتمرَض .
بغداد - شتحس احجي منو علمود لتبلع بلوك
- عفيه عليج ابد لتنطين مجال ام خدود
صفنت على رسالة وكلبي يدك بسرعه
بغداد - ادهم ؟!
- يا ادهم ؟!
شفت رده بدون مااجاوب
شمرت التلفون بعيد عنيي
بغداد : كافي تفكرين بيه كافييي
كمت على حيلي ووكفت كبال المرايه
بغداد : يا خدود التحجون عنهم من راح صقري كل شي بيه ذبل حتى شريان كلبي
مسحت دموعي النزلت وباوعت حوالين الغرفه
اخذت نفس عميق وفتحت باب غرفتي
وطلعت منها
باوعت على غرفة سيف بتعب وعقجت وجهي بقهر
نزلت الدرج واني استند عليه
صايره ضعيفه جسدياً ونفسياً
وكفت على اخر بابه واني اتنفس بسرعه
بغداد : معقوله صايره نزلت الدرج تتعبني
دمعت عيوني ورجف جسمي من بروده الجو
باوعت على لبسي العباره عن تيشيرت نص ردن وبجامه خفيفه
بغداد : كوه مروا اريد اموت نفسي
دخلت للصاله شفت الكل ملتم وحتى روح وسيف سويه
ويضحكون وخالاتي كلهن ونيران وجيهان اليمها اسد
وبطنها كلش كبرانه
باوعت لبابا الأشرلي علمود اجيله
مشيت بهدوء وعبرت من يم سيف كأنوا مااشوفه
رحت لبابا وحضنته من ركبته
ضياء : بنيتي
بسته بخده وهو يباوع لملامح وجهي الذبلانه
ضياء : شلونها لبوة ابوها
بغداد : زينه
ضياء : جا انه مااشوفج تنزلين يمنه ولا تحاجين احد وحتى اكلِج مو تمام
مسحت وجهي بتعب واني اباوع لعيونه ومحاوطته باايدي
بغداد : ما بيه شي لتشغل بالك حبيبي
ضياء : عيونج متكول هيج
بغداد : مو كلشي تكوله العيون يطلع صح
ضياء : بس عيونج مجذب
احد مضوجج
بغداد : لا
مشى ايده على خدي وهو مبتسم
ضياء : تعرفين شلون اعرفج كاعده تجذبين
ابتسمتله بهدوء وقويت حضني اله
أنت تقرأ
ليالي بَغـداد
Romanceانتَ مثلَ موسيقى اعشق الاستماع اليها ربما غموض المستقبل سر لي ولك يذهب به العاطفه والامتنان وربما يصلح الماضي او يذهب كالماضي وبالحالتين لم اراك ولم اشعر بك انتَ كالروح امانه قد اعطيت اللانسان للحفاظ عليها فقد يوجد من يحافظ عليها ومن يفرط بها وانا...
