لتنسون التصويت ذيباتي + التعلقيات احب اشوف رأيكم بالبارت
وتفاعلوا على الجمل
✨♥️والان قرائه ممتعه ♥️✨
" أَنا بِلَياك صَعبة هِواي سالِفتي "
(جيهان)
دخلت بنص الناس واني اصرخ علمود يبتعدون
- ولكمم وخرووو روحي تأذتت وخروو ولك يمهه اسددد
دخلت بصعوبه بنصهم ولكيت محمد حاضنه بقوه رجف كلبي واهتز جسدي بخوف وفزع من منظر الدم والناس الملتمه والنسوان يلي تغطيني بشالها لان طالعه ودشداشتي دلعه بدون عبايه ... لطمت بقوه على وجهيي بس شفت مكان الطلقه
جيهاننن: لاااااا ولكم راح يموتت ابنييي يمههه لحكيلي يمههه ... شفت امي وبغداد طلعن ركض من شافنييي هيج غطتني بغداد بعبايه وهي تبجي بحركه وامي تبعد الناس
ليالي: محمد بسرعه امشي ناخذه للمستشفى كوممم ...
ضل صافن على اسد النايم بهدوء ودشداشته البيضه تحولت للون الاحمر دمه غرك الشارع حسيت هاي النهايه كلبي بدأ يقل نبضه وروحي راحت صرخت صرخه طلعت من كل كلبي
جيهان: محمد طفلنه محمددد ... بعد نطقي لهل كلام وكعت على ركبي وباوعلي وهوه عيونه مدمعه بسرعه كام شال اسد وحطا بالسياره صعددتت ماما وياه وبسرعه شغل السياره وراح
- ولكم ابنييي اني اروح وياه شلون تعوفونييي هذا ضنايي ... جرتني بغداد للبيت واحس حتى حركتي ضعفت وصلتني للباب واجني ثنين نسوان وياها فوتني للبيت بس مريت من الحديقه وكعت نفسيي بقوه ولطمت على وجهيي حتى شعريي كطعته
- يمهه ياروح امك وحيدييي انتَ فدوه لتعوفنيي يمه عمت عيني عليك يمه تأذيت سوده عليه يايمه ... شهكت بقوه حسيت صدري تشكك من شهكتي وغمضت عيوني بااستسلام ودخلت لظلام عميق
...............
(بغداد)
اغمى على جيهان واحس نفسي ضايعه مااعرف شتصرف كعدتت على الارض يمها ابجييي بقوه وقهرر وحده من النسوان فاتت للمطبخ وجابت ميي واجت تركض
- يمه هاج ميفيد البجي طشي مي على اخيتج ليصيرلها شي ودكي على ابوج اقاربج علمود يجون يمكم انتَ حديثات يمه ميصير هيج اني راح اضل يمجن لحد ميجي احد من اهلجن خوش يمه
هزيتلها راسي بااي واخذت المي من ايدها وخليت شويه بيدي وضليت اطش على جيهان بس ما كعدتت
بغداد: خاله فدوه اكمشي راسها رايحه اجيب تلفوني علمود ادك على ابويه ... رحت ركض فوك وجبت تلفوني ضليت ادور بالارقام لحد ما لكيت رقم بابا دكيت عليه مرا ومرتين وبالمرا الثالثه جاوب
ضياء: هاا يابه بغداد
بغداد: ببجي ... بابا الحك تصاوب اسد وهسه جيهان مغمى عليها ومااعرف شسوي
أنت تقرأ
ليالي بَغـداد
Romanceانتَ مثلَ موسيقى اعشق الاستماع اليها ربما غموض المستقبل سر لي ولك يذهب به العاطفه والامتنان وربما يصلح الماضي او يذهب كالماضي وبالحالتين لم اراك ولم اشعر بك انتَ كالروح امانه قد اعطيت اللانسان للحفاظ عليها فقد يوجد من يحافظ عليها ومن يفرط بها وانا...
