لتنسون التصويت ذيباتي + التعلقيات احب اشوف رأيكم بالبارت
وتفاعلوا على الجمل
✨♥️والان قرائه ممتعه ♥️✨
الطَعنة التُوجعَك مُو مِن بشر مَكروه
مِن ذَاك العَزيز الروحَك تريدَه .
غمضت عيوني بقوه
احميها من ضوء الشمس
باوعت للزوار بهدوء والنسوان يباوعلي با استحقار من لبسي
تحيرت شسوي وشلون اغطي نفسي تحسرت بقهر وحاوطت ايديناتي
رجعت نزلت راسي بهدوء اخذت تنهيده طويله
- يمه هاج هاي
رفعت راسي بهدوء وركزت عيوني بالمراه الصارت كبالي
مبين على ملامحها الطيبه والتعب
باوعت ليدها المادتها الي
نيران : شنو هاي يمه
- يما عبايه وحجاب
ميصير انتِ بنص الحرمين وهيج لبسج وين اهلج شلون تطلعين هيج اهلج شلون يعوفوج وحدج
كتمت دموعي واخذت العبايه والحجاب من ايدها
حزت بخاطري كلمة اهلج
هلي اوفف هلي
نيران : شكراً يمه معرفوج ما انسى
- يمه انتِ ضايعه؟ ليش وحدج ؟
نيران : يمه ما عندي اهل
يتيمه اني
- يا يمه سوده عليه
أعتذر إذا ضوجتج وذكرتج بيهم
زين يمه ما عندج سكن تعيشين بيه
عمام خوال
كمت على حيلي ولبست عباية الراس باوعتلها بنظره مطوله وسديت سحاب العبايه والحجاب لفيته لف حتى وجهي غطيته
اردفت..
نيران : خاله ما عندي احد
حالي حال اليتيم الماتوا كل اهله بوسط فرحته
ما عندي سند
بس الله واهل البيت
غطت المراه وجها وهي تباوعلي بقهر
رفعت عبايتها على راسها وهي ترسم ابتسامه جميله على ثغرها تثبتلي انو بعدها الدنيا بخير
اشرتلي على ضريح الامام العباس
واردفت
- ما يردج سند السيده زينب عليها السلام
ما كدرت الزم دموعي واحس وصلت لمرحله دموعي الاستحي
احد يشوفهن
كامن ينزلن مثل الشلال
فاضت روحي
وبقت بس حسرتي معلكه بصدري..
شهكت بقهر والنسوان كلهن التمن عليه يواسني
محد يعرف البيه
كلشي طلع من ايديه
انه الجبت لروحي الاذيه
- ما يعوفج ابو راس الحار يمه
غطيت وجهي بيدي واصرخ وابچي
تناسيت كل الناس اليمي
همي تكاثر عليه
لشوكت راح اضل اكتم ؟
روحي تعبت من اذيتهم
وحده من النسوان حضنتني كل قوتها وتبچي ويايه
والباقيات يواسن
اله المراه الحجت ويايه
جانت ساكته وتباوعلي بقهر
احسها عايشه بنفس الموقف الاني بيه
أنت تقرأ
ليالي بَغـداد
Romanceانتَ مثلَ موسيقى اعشق الاستماع اليها ربما غموض المستقبل سر لي ولك يذهب به العاطفه والامتنان وربما يصلح الماضي او يذهب كالماضي وبالحالتين لم اراك ولم اشعر بك انتَ كالروح امانه قد اعطيت اللانسان للحفاظ عليها فقد يوجد من يحافظ عليها ومن يفرط بها وانا...
