لتنسون التصويت ذيباتي + التعلقيات احب اشوف رأيكم بالبارت
وتفاعلوا على الجمل
✨♥️والان قرائه ممتعه ♥️✨
بعَدني لـ هسّه گاعد وأنتُظر رَدك
ويَا الحَابك هسّه انتَ لو وَحدّك .
تقربت عليه بهدوء واخذتهن من ايده واني ارجف نوع هل حبوب مو غريب عليه
كعدتت على جربايته واني احاول اتمالك اعصابي
تنفست بصوت عالي واختنكت بغصتي
مسحت على كلبي وتقربت منه بهدوء واني ارسم ابتسامه اطمنه بيها
نيران : اموري حبيبي هذني الحبوب من وين جبتهن
امير : من مجر غرفتج
نيران : ياعمر نيران وسندها ليش اخذتهن
امير : علمود اسوي الما كملتي
نيران : حبيبي اموري عوفك مني اني وحده غبيه والمراهقه اثرت على عقلي لا اكثر هههه شنو هل معقوله واحد ميحب الحياة
امير : اني مااحبها
نيران : ليش يا حيلي ؟!
امير : كل اهلي عافوني محد يحبني
نيران : طزز بيهم اني يمك اني اختك اميري
امير : نيران مشتاق لابويه
شهك بطفوله وقهر ونزلت دموعه
غطا وجهه بخجل علمود لا يشوفني هو يبچي
حضنته كل قوتيي واني ابچي وياه والوم روحي الف مرا
نيران : حقك والله حقك بس ليش تريد تعوفني ها تقبل ابقى وحدي بدون سند
مسحت دموعي النزلن وحضنته واني امسح على شعره
نيران : لتعرفني اخويه اني بدونك مالي سند
تعرف من اتعارك ويا الناس اتعارك بشجاعه تعرف ليش
لان اعرف اخويه حبيبي ورايه اعرف اخويه راح يفزعلي
ابن امي وابويه لتيتمني
صح اني اكبر منك بس مرات احسك ابويه
حنانك كلش معوضني عن فراقه حتى مرات من اشتاقله رأسن تجي انتَ ببالي لان حنيتك كلش حلوه اذا انتَ تروح منو يصير بعدك حنين
يا حنين اهلنه منو بعدك يراضيني؟
يا كلب امي ورفعت راسها منو بعد يضحكني
اريد من يصير عندي جهال اخليهم يفتخرون عندهم هيج خال حنين ويحبهم ويحب امهم اريدهم يرفعون راسهم بيكم
ليش تريد تحرمهم من منصب الخال
ليش تريد تعوفني وانتَ تعرف الدنيا كلها عليه؟!!
اني منتظرتك تكبرر وتحميني وانتَ تريد تحرمني من كبرتك؟
ليش يا بعد طوايف هلي احد مضوجك بس كلي والله اضلم الدنيا كلها عليهم واشتعلك شمعه تضوي دربك
شنو انتَ متحب نونه ؟ انتَ مو دائماً تكلي اني احبج واحبج اكثر من امي وابويه
لعد اكو واحد يحب يعوف حبيبه
انتَ مو تكول اني امك واختك وصديقتك وحبيبتك؟
ها حبيبي شو كلبنه
منو زرع فكرت الانتحار ببالك؟
ليش تريد تموتني وراك
أنت تقرأ
ليالي بَغـداد
Romanceانتَ مثلَ موسيقى اعشق الاستماع اليها ربما غموض المستقبل سر لي ولك يذهب به العاطفه والامتنان وربما يصلح الماضي او يذهب كالماضي وبالحالتين لم اراك ولم اشعر بك انتَ كالروح امانه قد اعطيت اللانسان للحفاظ عليها فقد يوجد من يحافظ عليها ومن يفرط بها وانا...
