لتنسون التصويت ذيباتي + التعلقيات احب اشوف رأيكم بالبارت
وتفاعلوا على الجمل
✨♥️والان قرائه ممتعه ♥️✨
الصُفن وگـت المساوم
يُـعتبر باع .
بهتت ملامح وجهه وقوه قبضة ايده
دار وجهه عني بدون ما ينطق كلمه
رديت اباوع لحسام اليباوعله بقهر ولوم تأفأت بصوت مسموع
ورجعت صعدتت بسيارة حسام
حجيت بنبره حاده
نيران : اذا تريدون اكمل طريقي تكسي فا ما عندي مانع
باوعلي حسام بحنيه واردف
حسام : لا يابه شنو تكسي اصعدي ابويه
صعد بهدوء وهو يباوع لعلي
العيونه تعلكت بينه
ضحكت بااستهزاء وطكطكت اصابعي احاول بقدر الامكان اكتم دموعي
مشى حسام بهدوء تام وهو ساكت
بس حسراته تنسمع
استمر طريقنه ساعه
لحد ما وكفني كبال بابنه
لاحظت ظلام الحوش
ركزت بالباب وشفت القفل
نيران : بلا زحمه اخويه تكدر تتقدملي فد فرعين
انتَ تندل بيت عمو ضياء مو ؟
حسام بذهول: تعرفيهم؟
نيران بقهر : هذوله اهلي
صفن بالجامه الصايره كبال وجهي
وأقل الثواني ورجع حرك سيارته
باوعت لبيت علي نظره سريعه
تنفست بقهر وسندتت راسي على الجامه
دقايق ووكفنه كبال بابهم ابتسمت بهدوء وگلبي ينبض بقوه
اشتاقيت للمتهم وضحكتهم لحنانهم وفرحتهم
حجيهم اليرد الروح حتى عيونهم افتقدتها
باوعت لحسام باامتنان واردفت بنبره منخفضه واني افتح باب السياره
نيران : شكراً اخويه ما قصرت
حسام بحنيه : تدللين حبيبتي
سديت باب سيارته بهدوء ورحت اتمشى بخطوات بطيئة ناحية الباب
لعقت شفتي بتوتر وبلعت ريقي
اخذت نفس طويل اشجع نفسي بيه
دقيت الباب عدتت مرات دقات هاديه
ما لكيت جواب اقل الدقيقه ووصلني صوتها
صوتها الاحبه نبرتها الهاديه
بدأت خطواتها تتقرب قريب الباب
وثواني الحديده الجانت تبعدنه انفتحت
باوعتلي بنظره مطوله شهكت بصدمه تقدمتت ناحيتي اكثر بحركه سريعه جرتني لحضنها
تحضني بكل قوتها
ما حجينه بس بچينه
وبقت بس ترجف أدينه
الضعف الحسيت بيه بحضنها مو طبيعي
فقدتت كل ذرة صبر امتلكها
عيوني تجري دمع وجسمي كله يرتعش
هم هينه اكللها يمه تعلعلت؟!
هينه اكللها يمه صارلي ايام الاكل ميدخل لبطني اله قليل
سهله اكللها يمه نمت بشارع
مو هينه اكول للربتني وتعبت بيه سنين
هاي الوكلتني من لحم گلبها مو هينه اكللها بنتج انحرمت حتى من الاكل
بادلتها بحضن اقوه شهكت بوجع من حالتها
ابتعدتت عنها بسرعه واني ابوس براسها وخدها
وهي تبچي بكل حيلها
دخلتني للبيت بسرعه وهي تسد الباب بخوف
رجعت حضنتني وتحجي بنبره مرتعشه
أنت تقرأ
ليالي بَغـداد
Romanceانتَ مثلَ موسيقى اعشق الاستماع اليها ربما غموض المستقبل سر لي ولك يذهب به العاطفه والامتنان وربما يصلح الماضي او يذهب كالماضي وبالحالتين لم اراك ولم اشعر بك انتَ كالروح امانه قد اعطيت اللانسان للحفاظ عليها فقد يوجد من يحافظ عليها ومن يفرط بها وانا...
