لتنسون التصويت ذيباتي + التعلقيات احب اشوف رأيكم بالبارت
وتفاعلوا على الجمل
✨♥️والان قرائه ممتعه ♥️✨
مَسني الضْرر وأعترُف أهَلي شفتهُم غرُب
وبَس أنتَ شفْتك عِرف وأحتاجَيت كُلش
ألَك ومِا شفَت مِنك حَرف .
روحُ
روحُ: شفت يده الباب تتحرك غمضت عيوني بخوف وانفتحت الباب
علي: كومي روحُ ولفي الشال على وجهج يله بسرعه
روحُ : كمت بخوف وايدي ترجف ولفيت الشال على وجهي وطلعت ويا علي نزلت عيوني من شفت الضباط نظراتهم عليه ما احس اله ايد حاوطتني وهمس بااذني
سيف: نزلي راسج ديري بالج تباوعين لحد
روح : صعدنه بالسياره وجان عمو ضياء ديسوق اول ما صعد سيف زمجر بيه وكال
ضياء: ياحيوان الخاطفين نيران وبغداد مو جماعه تسنيم خرب .........
سيف بعصبيه: وين نلكاهن هسه وين نعللعله .........
ضياء وهوه يضرب ستيرن السياره ... هسه سيف هسه ندور عليهن عسى ما رتبتي تطير امشي بلغ ضباط القسم يلي ببغداد كللهم طلعوا دوريتين واني وياك وادهم وعلي وياهم
روحُ : باوعت لسيف لكيته بالكوه لازم اعصابه واني اعرف هاي الحاله تجيبه من يصير عصبي ويضوج لأن ماباليد حيله لزمت راسي بقوه من الوجع البيه احس روحي طلعت شسولهن قتلوهن اغتصبوهن باعوا اعضائهن ضربت راسي بقوه علمود امنع هاي الافكار من بالي صحيت على نفسي من سيف ضرب جامه الاماميه للسياره بقوه وصار بيها كسر باوعت لأيد سيف بصدمه تشككت ودم جرى بالسياره
ضياء وهوه يضربه راشدي قوي يصحيه: لك سيففف شبيك سيف اصحى
سيف بعصبيه مخيفه: مو تسنيم الخاطفهن كل عقلي تسنيم خطفهن كلت سهله نص ساعه هنا يمنه يابه مو تسنيم ... رجع ضرب راسه
روحُ : صرخت بخوف من شفت الدم يجري من ايده وراسه
ضياء: يا ابن الكلب صعبت الامور عليه ... حجها بحسره وهوه يشوف حاله سيف الصعبه لزم تلفونه واتصل على ادهم وكله تعال ودي هذا المخل للمستشفى شك ايده وراسه
روحُ: سمعت صراخ ادهم وهوه يستفسر وبعدين سده عمو وضل يباوع لسيف الفاقد واني كل مااحس هوه ديتوجع روحي تطلع ازيد بالبجي اجه ادهم ونزل من السياره يركض ونزل سيف وهوه سانده
روحُ : عمو فدوه خلي اروح وياه عمو مو مال نعوفه لوحده فدوه
ضياء: يله نزلي بسرعه راح ادز امن يبقى يمكم
روحُ : نزلت بسرعه وصعدت بسياره ادهم.... ادهم كعده يمي ... صعده ادهم ليوره وخليت راسه على رجلي نزعت شالي وشديتها على راسه الينزف بس بقت ايده اخاف اطخها لان شكلها يخوف باوعت لوجهه الاصفر وهو يحجي كلامات مو مفهومه كأنو يهلوس مسحت على راسه بحنيه ومسحت الدم على خده باوعت لادهم جان يسوق بسرعه جنونيه وكل شويه يفشر على سيف واقل الربع ساعه وصلنه مستشفى نزل ادهم وشال سيف نزلت وياه اركض تعثرت بعباتي و وكعت على وجهي كتمت صرختي وخليت ايدي على حنجي جان ينزف تجاهلت الوجع ورجعت كمت بسرعه وراه لحد ما وصلنه للطوارئ شافوا ايده وبسرعه كالوا اربع خياطات بنجوه بدأو يخيطون باايده غمضت عيوني بوجع شكد ديتأذه هسه ليش مكاعد تتأذين مثل اذيته فتحت عيوني على نقاط الدم النزلت على ركبتي من ورا جرح حنجي مسحت عيوني بتعب تعبتي هوايه ياعيوني ورا ما خلصوا خياط ايده لفوها معجبني شغلهم جان مكشوف واداوت مستعمله سكتت على اعصابي وحتى ادهم جان معاجبه الوضع كل شويه مدقق على شغلهم ومرزلهم بعد ما لفو ايده شالوا الشال عن راسه وطلع جرح مو عميق ميحتاج خياط عقموا الجرح ولفوا راسه وصونا على ادويه من الصيدليه راح ادهم يجيبهن وبقيت اني يم سيف المبنج
أنت تقرأ
ليالي بَغـداد
Romanceانتَ مثلَ موسيقى اعشق الاستماع اليها ربما غموض المستقبل سر لي ولك يذهب به العاطفه والامتنان وربما يصلح الماضي او يذهب كالماضي وبالحالتين لم اراك ولم اشعر بك انتَ كالروح امانه قد اعطيت اللانسان للحفاظ عليها فقد يوجد من يحافظ عليها ومن يفرط بها وانا...
