شيطانة إقتحمت قلبي

الفصل الثالث و العشرون " عودة !!"

أخذت تنظر إليه في ذهول غير مصدقة لما تراه .. هل ما تراه حقيقة أم هو مجرد ضرب من الخيال .. أبسبب كثرة بكائها خُيِّلَ لها أنها تراه الآن أمامها .. تقدم منها و قد أغلق الباب بهدوء حتى لا يتم كشفه .. تقدم منها بسرعة و هي ماتزال تحملق فيه بصدمة .. ركع على ركبته أمامها و أمسك يديها قائلا في حنان :
-إسراء بلاش دموعك دي ..

استوعبت أخيرا أن ما تراه حقيقي .. هتفت بعد أن رمشت عدة مرات :
-إنت إيه اللي جابك هنا ..!؟

أجاب بهدوء :
-أنا كنت عارف إنك هتفضلي تعيطي كده كتير و خفت يحصلك حاجه عشان كده طلعتلك

-بس ماخفتش يشوفك حد و انت طالع هنا !!؟

-لأ ماعملتش حساب لأي حاجه بمجرد ما جيه على بالي أنك ممكن تتإذي او يحصلك حاجه

أخفضت رأسها بحزن و أردفت :
-على العموم أنا كويسه و ماحصليش حاجه تقدر تمشي دلوقتي

تنهد بتعب و جلس بجانبها مما زادها ذهولا و صدمة و رفعت رأسها بسرعة محملقة فيه غير مصدقة لتصرفاته هذه .. كفكف دموعها بأنامله الخشنة و هو يقول بصوت هادئ مريح :
-بس أنا عاوز أبقى جنب أميرتي ..

ردت بذهول :
-إ..إنت بتقول حاجه !؟ أصل أنا سمعت حاجه .. اللي سمعته مظبوط !؟

ضحك من ردة فعلها هذه و قال بابتسامة جذابة و عيناه الخضروتان تلمعان :
-أيوه سمعتي صح .. إنت أميرتي و حبيبتي و عمري و روحي و بنتي و كل حاجه حلوه فحياتي ..

ألجمتها الصدمة و بقيت فاغرة فاهها غير مصدقة لما تسمعه .. أكمل كلامه و هو يربت على شعرها :
-حقك عليا .. انا عارف إني غلطت فتعاملي معاكي بجفاء و برود .. و جرحتك بكلامي أوي .. بس غصب عني يا نور عيني .. إنت حاجه نظيفه اوي يا إسراء و غاليه جدا .. و أنا مش مستعد أوسخها بأي ذنب و الله .. و عاوزك تعرفي أن الحاجه اللي بتغضب ربنا و مش بترضيه .. مش بيبارك فيها و مش بتكمل صح .. و بيحصل مشاكل فيها عاجلا أو آجلا .. و أنا عاوز أبدا معاكي بما يرضي الله و لازم تفهمي ده كويس .. مش معنى أنه أنا مش بتكلم معاكي في التليفون و مش بقعد أحب فيكي و مش بخرجك أنه أنا مش بحبك .. لأ خالص أنا قلتلك و لسه بقولك أنه أنا بحافظ عليكي و بس .. و كل ده هعوضه بعد جوازنا يا إسراء..و عشان كده أنا هكلم محمد و هقوله أنه أنا مستعجل فموضوع كتب الكتاب و الفرح .. ها قولتي إيه ؟

نظرت إليه مليا و قد تقلصت تعابيرها منذرة عن بدأ بكائها .. و شرعت دموعها في النزول بالفعل .. نظر إليها بصدمة و امسك يدها بسرعة و هو يقول :
-إسراء حبيبتي مالك أنا غلطت فحاجه !!؟