المتمرد والصغيره

البارت الثاني

#المتمرد_والصغيرة

بارت 2

ﻛﻞ ﻣﺎ ﺍﮔﻮﻝ ﺍﻋﺒـﺮﺕ °
ﻳﺘﺒﻌﻨﻲ ﺣﺒﻞ ﺍﻟﺼﻮﺕ !..
ﺣﺴﺒﺎﻟﻲ ﻣﻦ ﺍﺑﺘﻌﺪ °
ﻛﻞ ﺫﻛـﺮﻳﺎﺗﻲ ﺗﻤﻮﺕ، °
ﻳﺎ ﺭﻭﺣﻲ ﺿﻞ ﺑﺲ ﺩﺭﺏ °
ﺧﻠﻨﻪ ﺑﻌﻤﺎﻧﻪ ﺍﻧﻔﻮﺕ !
ﻟﻮ ﻫﻲ ﺧﻄﻮﺓ ﺃﻣﻞ °
ﻟﻮ ﻫﻲ ﺑﺤﻀﻦ ﺗﺎﺑﻮﺕ !.. 💔
"""""""""""""""""""""""""""""""""""""
ﺍﻟﺤـﻠﻘـﺔ ﺍﻟﺜﺎﻧﻴـﺔ ﻣـﻦ ﻗﺼـﺔ ﺯﻧـﺰﺍﻧـﺔ ﺃﺑﻲ 💚
"""""""""""""""""""""""""""""""""""""
♪ ﺑﻘــﻠﻢ ﺭﺳُـﻞ ﺍﻟﺸﻤــﺮﻱ ✍
"""""""""""""""""""""""""""""""""""""
ﺃﺩﻳـﺎﻥ : ﺑﻌـﺪ ﻭﻓﺎﺓ ﺍﺧﺘﻲ ﻣﺎ ﺷﻔﺖ ﺣﺰﻥ ؏ ﻋﻴﻮﻧﻬﻢ ﺍﺑﺪ ﺣﺘﻰ ﺍﺑﻮﻳﺔ ﻣﺎ ﺷﻔﺖ ﺑﻌﻴﻮﻧﺔ ﺗﺄﻧﻴﺐ ﺍﻟﻀﻤﻴـﺮ ﻗﺎﺑﻞ ﻫﻲ ﻟﻴﺸﺶ ﺷﺮﺩﺕ ﻏﻴﺮ ﻣﻦ ﺿﻴﻤﻬﻢ ﻭﻗﻬﺮﻫﻢ
ﺍﺑﻮﻳﺔ ﺧﻼﻧﻲ ﺍﺑﻄﻞ ﺍﻟﻤﺪﺭﺳﺔ ﻣﺮﺍﺕ ﺍﻟﻮﺍﺣﺪ ﻳﺪﻋﻲ ﻣﻦ • ﺍﻟﻠّـﮧ̣̥ ﻋﻠﻤﻮﺩ ﻳﻤﻮﺕ ﺑﺲ ﻡ̷ـــِْﻦ ﺗﺼﻴﺮ ﺻﺪﮒ ﻭﻳﻬﺪﺩﻭ ﺑﺎﻟﻘﺘﻞ ﺗﺼﻴـﺮ ﺍﻟﻨﻔﺲ ﻋﺰﻳﺰﺓ ﻭﻳﺴﻮﻱ ﻛﻠﺸﻲ ﻋﻠﻤﻮﺩ ﻳﺼﺎﺭﻉ ﺍﻟﻤﻮﺕ
ﺍﺑﻘﺔ ﺍﻟﻨﻬﺎﺭ ﻛﻠﺔ ﺍﺗﺼﻔﻦ ﻭﺍﻧﺘﻀﺮ ﺍﻟﻠﻴﻞ ﻳﺠﻲ ﻋﻠﻤﻮﺩ ﺍﮔﻌﺪ ﺍﻋﺎﺗﺐ ﺍﻣﻲ ﻭﺍﺧﺘﻲ ﻟﻴﺶ ﻋﺎﻓﻨﻲ ﻭﺣﺪﻱ ﻫﻨﺎﻧـﺔ ﺍﺫﺍ ﻳﺸﻮﻓﻮﻧﻲ ﻋﻤﺎﻣﻲ ﻟﻮ ﺑﺎﺑﺎ
ﺍﺑﺠﻲ ؏ ﺍﺧﺘﻲ ﻟﻮ ؏ ﻣﺎﻣﺎ ﻳﻀﺮﺑﻮﻧﻲ ﺣﺘﻰ ﺍﻟﺒﭽﻲ ﻣﻴﻘﺒﻠﻮﻥ
ﺑﻴﺒﺘﻲ ؏ ﺍﻗﻞ ﺷﻲ ﺗﻜﻔﺦ ﻭﺗﺴﺐ ﺑﺄﻣﻲ ﻭﻳﻦ ﺭﺍﺡ ﺗﺮﻭﺡ ﻣﻦ ﻋﻘﺎﺏ ﺭﺏ ﺍﻟﻌﺎﻟﻤﻴﻦ ﻣﺎﺩﺭﻱ ﻫﻲ ﻭﻭﻟﺪﻫﺎ ﻭﺑﻴﻮﻡ ﻣﻦ ﺍﻻﻳﺎﻡ ﻧﺎﻳﻤﺔ ﺑﺎﻟﮕﺎﻉ ﺑﺎﻻﺳﺘﻘﺒﺎﻝ ﻻﻥ ﻣﺎﻋﻨﺪﻱ ﻣﻜﺎﻥ ﺍﻧﺎﻡ ﺑﻲ
ﻏﻴﺮ ﺍﻻﺳﺘﻘﺒﺎﻝ ﻭﺍﻟﺼﺎﻟﺔ ﻭ ﺟﻬﺎﻝ ﻋﻤﻲ ﺍﻟﺼﻐﺎﺭ ﻳﻨﺎﻣﻮﻥ ﻳﻤﻲ ﻻﻥ ﻣﺘﻌﻠﻘﻴﻦ ﺑﻴﺔ ﺟﺎﻥ ﻋﻤﻲ ﺟﻌﻔﺮ ﻭﺑﻴﺒﻲ ﻭﺟﺪﻭ ﮔﺎﻋﺪﻳﻦ ﻳﺒﺎﻭﻋﻮﻥ ﺗﻠﻔﺰﻳﻮﻥ
ﻋﻤﻲ ﺍﺷﺮ ﻋﻠﻴﺔ ﻭﺑﺎﻭﻉ ﻟﺒﻴﺒﻲ ﻫﺎﻱ ﺷﻨﻮ ﺟﺎﺭﺗﻬﺔ ﻟﻮ ﺗﺰﻭﺟﻮﻫﺔ ﻟﻮ ﺷﻮﻓﻮﻟﻬﺎ ﺷﻐﻠﺔ ﺧﻮ ﻣﺎ ﺗﻀﻠﻞ ﮔﺎﻋﺪﺓ
ﺃﺩﻳـﺎﻥ : ﻟﭑ ﻭﺍﻟﻠﻪ ﻋﻤﻮ ﺷﺸﺘﻐﻞ ﺍﻧﻲ ﺷﻤﻌﺮﻓﻨﻲ ﻭﺯﻭﺍﺝ ﻣﺤﺪ ﻳﺠﻴﻨﻲ ﻭﺍﻧﺘﻮ ﺑﺎﻟﻮﺟﻮﺩ
- ﺷﻘﺼﺪﺝ ﻛﻠﺒﺔ؟
ﺍﺟﺎﻧﻲ ﺑﺎﺑﺎ ﻳﺮﻛﺾ ﻟﺰﻣﻨﻲ ﻣﻦ ﺷﻌﺮﻱ
- ﻟﺞ ﻟﭑ ﻋﺒﺎﻟﺞ ﮔﺎﻋﺪﺓ ﻭﻣﺮﺗﺎﺣﺔ ﺑﺲ ﺗﺎﻛﻠﻴﻦ ﻣﻦ ﺑﺎﺟﺮ ﺗﻄﻠﻌﻴﻦ ﺗﺪﻭﺭﻳﻦ ﺷﻐﻞ ﻓﻬﻤﺘﻲ ﻟﻮ ﻻ
ﺃﺩﻳـﺎﻥ : ﺑﺲ ﺑﺎﺑﺎ ﻣﺎﻋﺮﻑ ﺷﻨﻮ ﺍﺷﺘﻐﻞ
- ﻫﺬﺍﺍ ﺷﻲ ﻳﺨﺼﺞ ﻟﺞ ﻣﺘﻔﻮﺗﻴﻦ ﺍﻻ ﺟﺎﻳﺒﺘﻠﻲ 30 ﺍﻟﻒ
ﺃﺩﻳـﺎﻥ : ﻟﭑ ﺑﺎﺑﺎ ﻋﻠﻴﻚ ﺍﻟﻠﻪ ﺍﻧﻲ ﻣﻨﻴﻦ ﺍﺟﻴﺐ ﻭﻣﻨﻮ ﻳﻘﺒﻞ ﻳﺸﻐﻠﻨﻲ ..
- ﻫﺴـﺔ ﺧﻠﻲ ﻛﻼﻣﻲ ﺑﺎﻟﺞ ﺍﺫﺍ ﻣﺎﺟﺒﺘﻲ ﺍﻟﻔﻠﻮﺱ ﻟﺘﻄﺒﻴﻦ ﻟﻠﺒﻴﺖ ﻧﺎﻣﻲ ﺑﺎﻟﺸﺎﺭﻉ
ﺃﺩﻳـﺎﻥ : ﺩﻓﻌﻨﻲ ﻭﻃﻠﻊ ﻋﻮﺩ ﻫﺬﺍﺍﺍ ﺍﺏ ؟
ﺷﻮﻥ ﻳﺮﺿﺎﻫﺎ ﺑﻨﺘﺔ ﺑﺎﻟﺸﺎﺭﻉ ﺗﺒﺎﺕ ﺯﻳﻦ ﻣﻴﮕﻮﺯ ﻣﻨﻴﻦ ﺍﺟﻴﺐ ﺍﻧﻲ ﻣﻴﺨﺎﻑ ﻋﻠﻴﺔ ﻣﻦ ﺍﻟﺸﺒﺎﺏ ﺍﻟﻲ ﺑﺎﻟﺸﺎﺭﻉ
ﻣﻴﮕﻮﻝ ﻭﻳﻦ ﺗﻮﻟﻲ ﺍﺫﺍ ﻃﺮﺩﺗﻬﺎ ﺍﻟـ 30 ﻣﻨﻴﻦ ﺍﺟﻴﺒﻬﻢ ﻳﺮﺑﻲ ﻭﺍﻟﻠﻪ ﻣﻮ ﮔﺪ ﻫﺎﻻﻣﺘﺤـﺎﻥ ﺩﺧﻴﻠﻚ ﻳﺎﺍ ﺍﻟﻠﻬﻲ ﻣﺎﻧﻤﺖ ﺿﻠﻴﺖ ﺣﺴﺒﺔ ﺗﺠﻴﺒﻨﻲ ﻭﺣﺴﺒﺔ ﺗﻮﺩﻳﻨﻲ
ﺍﻧﻲ ﻭﻳﻦ ﺍﺭﻭﺡ ﻳﺮﺑﻲ ﻭﻳﻴﻦ ﺍﻧﺪﻝ ﺍﻻﻣﺎﻛﻦ ﺯﻳﻦ ﺷﻨﻮ ﺍﺷﺘﻐﻞ ﻗﺎﺑﻞ ﺍﺟﺪﻱ ﺑﺎﻟﺸﻮﺍﺭﻉ ﻭﺗﻀﻞ ﺍﻟﺴﻴﻄﺮﺍﺕ ﺗﻄﺮﺩ ﺑﻴﺔ ﻭﺍﻧﻲ ﺑﻨﻴﺔ ﻳﻌﻨﻲ ﺍﺗﻌﺮﺽ ﻟﻜﻠﺸﻲ
ﺍﻟﻨﺎﺱ ﻣﺘﺮﺣﻢ ﻫﺴﺔ ﺍﺫﺍ ﺷﺎﻓﻮﻧﻲ ﺍﻛﻴﺪ ﻳﮕﻮﻟﻮﻥ ﻋﻠﻴﺔ ﺍﺷﻜﺎﻝ ﺍﻟﺤﭽﻲ ﻭﻳﻄﻠﻌﻮﻧﻲ ﻣﻦ ﻓﻄﺮ ﺍﻟﺤﺎﻳﻂ ﺍﺧﺨﺦ ﻳﺎ ﺩﻧﻴﺘﻲ ﺷﺮﺍﺡ ﺗﺴﻮﻳﻦ ﺑﻴﺔ ﺑﻌﺪ
ﺯﻳﻦ ﺍﻭﻛﻚ ﺍﺫﺍ ﺍﺭﻳﺪ ﺍﺷﺘﻐﻞ ﺷﻨﻮ ﺍﺷﺘﻐﻞ ﺩﺧﻴﻠﻚ ﻳﺎ ﻣﺤﻤﺪ ﺍﻭﮔﻒ ﻭﻳﺎﻱ ﮔﺪ ﺍﻟﺘﻔﻜﻴﺮ ﻣﺎﻋﺮﻑ ﺷﻮﻛﺖ ﻧﻤﺖ ﮔﻌﺪﺕ ﺍﻟﺼﺒﺢ ؏ ﺩﻓﺮﺍﺕ ﻋﻤﻲ
- ﮔﻮﻣﻲ ﻟﺠﺞ ﺍﺑﻮﺝ ﮔﺎﻝ ﺗﻄﻠﻊ ﺗﺸﺘﻐﻞ ﺧﻠﻲ ﺍﺫﺑﺞ ﺑﺎﻟﻜﺮﺍﺩﺓ ﺑﻠﻜﺖ ﻳﻘﺒﻠﻮﻥ ﺑﻴﺞ ﻣﻄﻌﻢ ﺷﻲ
ﻟﻮ ﻧﻴﺘﺞ ﻧﮕﻌﺪ ﻧﺼﺮﻑ ﻋﻠﻴﺞ
ﺃﺩﻳـﺎﻥ : ﮔﻤﺖ ﺑﺪﻟﺖ ﻭﺷﻤﺮﺕ ﺍﻟﺸﺎﻝ ؏ ﺭﺍﺳﻲ ﻻﻥ ﺍﻧﻲ ﺍﺑﺪ ﻣﺎ ﺍﻟﻔﺔ ﺍﺣﺒﺔ ﻫﻴﺞ ﻭﻳﻠﻮﮔﻠﻲ ﻟﺒﺴﺖ ﺑﻨﻄﺮﻭﻥ ﺍﺑﻴﺾ ﻭﻗﻤﻴﺺ ﺳﻤﺎﺋﻲ ﻭﺷﺎﻝ ﺳﻤﺎﺋﻲ
ﺣﺬﺍﺀ ﻟﻮﻥ ﺍﺑﻴﺾ ﻃﻠﻌﺖ ﻭﻳﺎ ﮔﻠﻲ ﺑﺎﻟﻠﻴﻞ ﺗﻮﮔﻔﻴﻠﻲ ﻫﻨﺎ
ﮔﻠﺖ ﺑﮕﻠﺒﻲ ﻏﻴﺮ ﻣﮕﺮﻧﻴﻦ ﺫﻭﻟﻲ ﺑﻼ ﺷﺤﺠﻲ ﻭﻳﺎ ﻭﻻ ﻋﻨﺪﺓ ﺫﺭﺓ ﻏﻴﺮﺓ ﻻﻫﻮ ﻭﻻ ﺍﺑﻮﻳﺔ ﺗﻬﻲ ﺑﻬﻲ ﺿﻠﻴﺖ ﺍﻣﺸﻲ ﺑﺎﻟﺸﺎﺭﻉ ﺻﺎﺩﻑ ﺑﻮﻗﺘﻬﺎ ﻳﻮﻡ ﺍﺣﺪ ﺳﺎﻋﺔ 10 ﺍﻟﺼﺒﺢ ﺍﺣﺲ ﺭﻭﺣﻲ ﻏﺮﻳﺒﺔ
ﻭﻳﻦ ﺍﻭﻟﻲ ﺿﻠﻴﺖ ﺍﻣﺸﻲ ﻭﺍﺭﺟﻊ ﻟﻨﻔﺲ ﺍﻟﻤﻜﺎﻥ ﺧﺎﻑ ﺍﺗﻴﻪ ﻭﺑﻌﺪ ﻣﺎ ﺍﺭﺟﻊ ﻟﻠﺒﻴﺖ ﺷﺎﻓﻨﻲ ﺭﺟﺎﻝ ﻫﻴﺞ ﻋﻤﺮﺓ ﺑﺎﻟـ .40
- ﻋﻤﻮ ﺷﺘﺴﻮﻳﻦ ﻫﻨﺎﺍ
ﺃﺩﻳـﺎﻥ : ﻫﺎﺍﺍﺍ ﻣﻮ ﻋﻤﻮ ﺍﺩﻭﺭ ﺷﻐﻞ
- ﺑﺎﺑﺎ ﻭﻳﻦ ﺗﻠﮕﻴﻦ ﺷﻐﻞ ﻫﻨﺎﺍ ﺍﻧﺘﻲ ﺑﻨﻴﺔ ﺍﺭﺟﻌﻲ ﻟﺒﻴﺘﺞ ﻭﺍﻧﺘﻀﺮﻳﻬﺎ ﺗﻔﺮﺝ ﺍﻥ ﺷﺎﺀ ﺍﻟﻠﻪ
ﺃﺩﻳـﺎﻥ : ﻫﺰﻳﺖ ﺭﺍﺳﻲ ﻭﺑﻘﻴﺖ ﻋﻠﺔ ﻧﻔﺲ ﺍﻟﻤﻨﻮﺍﻝ ﺍﺭﻭﺡ ﻭﺍﺟﻲ ﺍﺟﺔ ﺍﻟﺮﺟﺎﻝ ﻧﻔﺴﺔ
- ﺑﺎﺑﺎ ﺍﻧﺘﻲ ﻣﺎﻋﻨﺪﺝ ﺍﺧﻮﺍﻥ؟ ﺍﺏ ؟
ﺃﺩﻳـﺎﻥ : ﻟﭑ ﻋﻤﻮ ﺑﺲ ﺍﺏ ﻭﻫﻮ ﮔﻠﻲ ﺭﯛﺣـﻲ ﺍﺷﺘﻐﻠﻲ
- ﺗﻌﺎﻟﻲ ﺑﻨﺘﻲ ﺍﺣﺠﻴﻠﻲ ﺳﺎﻟﻔﺘﺞ ﺍﺫﺍ ﺗﻀﻠﻴﻦ ﻫﻨﺎ ﻣﺤﺪ ﻳﺮﺣﻤﺞ ﻭﺍﻟﺸﺒﺎﺏ ﻣﻴﺘﺄﻣﻨﻮﻥ
ﺃﺩﻳـﺎﻥ : ﺩﺧﻠﻨﻲ ﺑﻤﻄﻌﻢ ﻣﺒﻴﻦ ﺍﻟﺔ ﻫﻮ ﻋﻨﺪﺍ ﻣﻴﺰ ﻳﺼﻴﺮ ﺑﺒﺪﺍﻳﺔ ﺍﻟﻤﻄﻌﻢ ﻭﻣﻘﺎﺑﻴﻠﺔ ﻛﺮﺳﻲ ﮔﻠﻲ ﺍﮔﻌﺪﻱ ﮔﻌﺪﺕ ﻭﻫﻮ ﻫﻢ ﮔﻌﺪ ﮔﺪﺍﻣﻲ
- ﺍﺣﺠﻴﻠﻲ ﺑﺎﺑﺎ
ﺃﺩﻳـﺎﻥ : ﻋﻤﻮ ﺍﻧﻲ ﺍﻣﻲ ﻣﺘﻮﻓﻴﺔ ﻭﻣﺎﻋﻨﺪﻱ ﺍﺧﻮﺍﻥ ﻋﺎﻳﺸﺔ ﻭﻱ ﺍﻫﻞ ﺑﺎﺑﺎ ﺑﺲ ﻫﻢ ﻋﺎﺋﻠﺔ ﻛﻠﺶ ﺷﺮﺳـﺔ ﻭﻓﺮﺿﻮ ﻋﻠﻴﺔ ﺍﺷﺘﻐﻞ ﻭﺍﻧﻲ ﻣﺎ ﺑﻴﺪﻱ ﺷﻲ ﮔﺎﻟﻮ ﻵﺯٍﻡٍ ﻳﻮﻣﻴﺔ ﺗﺠﻴﺒﻴﻦ 30 ﺍﻟﻒ
- ﺍﺳﺘﻐﻔﺮ • ﺍﻟﻠّـﮧ̣̥ ﻫﺎﻱ ﺷﻨﻮ ﻡ̷ـــِْﻦ ﻋﺎﺋﻠﺔ ﺍﻟﻠﻪ ﻳﺴﺎﻋﺪﺝ ﺑﻨﻴﺘﻲ ﺷﻮﻓﻲ ﺑﺎﺑﺎ ﺍﻧﻲ ﺍﺧﺎﻑ ﻋﻠﻴﺞ ﻡ̷ـــِْﻦ ﺍﻟﺸﺎﺭﻉ ﺗﮕﺪﺭﻳﻦ ﺗﺪﺧﻠﻴﻦ ﺟﻮﺓ ﻭﻟﻮ ﺍﻧﻲ ﻣﺎ ﺍﺷﻐﻞ ﺑﻨﺎﺕ
ﻋﻠﻴﺞ ﺑﺲ ﺗﻨﻈﻴﻒ ﺍﻟﻤﺎﻋﻴﻦ ﻭﻣﻌﻠﻴﺞ ﺑﺄﻱ ﻋﺎﻣﻞ ﻭﺍﻧﻲ ﻫﻢ ﺭﺍﺡ ﺍﻭﺻﻴﻬﻢ ﻣﺤﺪ ﻳﺘﻘﺮﺏ ﺻﻮﺑﺞ ﻭﺍﻧﻄﻴﺞ 40 ﺍﻟﻒ ﻭﺭﮔﺒﺘﻲ ﺳﺪﺍﺩﺓ
ﺃﺩﻳـﺎﻥ : ﺷﻜﺮﺍً ﻋﻤﻮ ﻭﺍﻟﻠﻪ ﻣﺎﻋﺮﻑ ﺷﻠﻮﻥ ﺍﺟﺎﺯﻳﻚ ؏ ﻭﮔﻔﺘﻚ ﻭﻳﺎﻱ
- ﻭﺍﺟﺒﻲ ﻫﺬﺍ ﺑﺎﺑﺎﺗﻲ
ﺃﺩﻳـﺎﻥ : ﺭﺟﺎﻝ ﻏﺮﻳﺐ ﺷﺎﻟﺘﺔ ﺍﻟﻐﻴﺮﺓ ﻋﻠﻴﺔ ﻭﺫﻭﻻﻙ ﺍﻟﻌﺎﺭﺍﺕ ﻳﻄﻠﻌﻮﻧﻲ ﺑﺄﻳﺪﻫﻢ ﺩﺧﻠﺖ ﺟﻮﺓ ﻏﺮﻓﺔ ﺍﻟﻤﻮﺍﻋﻴﻦ ﺧﺎﺻﺔ ﻣﺤﺪ ﻳﺪﺧﻞ ﺑﻴﻬﺎ ﻭﺑﻲ ﻏﺴﺎﻟﺔ ﻣﺎﻝ ﻣﻮﺍﻋﻴﻦ ﺑﺲ ﺍﻓﺮﻏﻬﻦ ﻭﺍﺧﻠﻴﻬﻢ ﺑﻴﻬﺎ ﻛﻠﺶ ﺧﺪﻣﺘﻨﻲ ﻫﺎﻟﺸﻐﻠﺔ
ﺻﺎﺭﺕ ﺍﻟﺴﺎﻋﺔ ﺑﺎﻟﻌﺸﺮﺓ ﺭﺣﺖ ﺍﺳﺘﺮﺧﺼﺖ ﻡ̷ـــِْﻦ ﺍﻟﺮﺟﺎﻝ ﻭﻭﮔﻔﺖ ﺑﺎﻟﻤﻜﺎﻥ ﺿﻠﻴﺖ ﻭﺍﮔﻔﺔ 5 ﺩﻗﺎﻳﻖ ﺍﺟﺔ ﻋﻤﻮ ﺟﻌﻔﺮ
- ﻫﺎ ﺑﺸﺮﻱ
ﺃﺩﻳـﺎﻥ : ﺷﻐﻠﻨﻲ ﺭﺟﺎﻝ ﺑﺎﻟﻤﻄﻌﻢ
- ﺷﻜﺪ ﺍﻧﻄﺎﺝ
ﺃﺩﻳـﺎﻥ : 30
- ﻳﻼ ﺯﻳﻦ ﻳﻮﻛﻠﻦ ﺧﺒﺰ
ﺃﺩﻳـﺎﻥ : ﺿﻠﻴﺖ ﻣﺨﻠﻴﺔ ﺭﺍﺳﻲ ؏ ﺍﻟﺠﺎﻣﺔ ﻛﻠﺖ ﺍﻟﻌﺸﺮﺓ ﺍﻟﻲ ﺗﺒﻘﺔ ﺍﺿﻤﻬﺎ ﺍﻟﻲ ﺧﻮ ﻣﺎ ﺍﺷﺘﻐﻞ ﻡ̷ـــِْﻦ ﺍﻟﺼﺒﺢ ﻟﻠﻴﻞ ﻭﻛﻠﻬﻦ ﺍﻟﻬﻢ
ﺩﺧﻠﺖ ﻟﻠﺒﻴﺖ ﺻﺎﺭ ﺑﻮﺟﻬﻲ ﺍﺑﻮﻳﺔ ﻭﻫﻢ ﻛﺎﻋﺪﻳﻦ ﺣﻄﻴﺖ ﺍﻟـ 30 ﺑﺄﻳﺪﺓ ﻭﻃﺒﻴﺖ ﺳﺒﺤﺖ ﻭﺭﻓﻌﺖ ﺷﻌﺮﻱ ﻭﻓﺮﺷﺖ ﻓﺮﺍﺷﻲ ﻭﻛﻌﺪﺕ ﺍﻓﻜﺮ ﺍﻟﺤﻤﺪ ﻟﻠﻪ ﺍﻟﻴﻮﻡ ﻋﺪﺍ ؏ ﺧﻴﺮ ﺑﺪﻭﻥ ﻣﺸﺎﻛﻞ
ﻭﻳﻦ ﺟﻨﺖ ﻭﻭﻳﻦ ﺻﺮﺕ ﻛﻤﺖ ﺍﺷﺘﻐﻞ ﻫﻲ ﻫﺎﻫﻴﺔ ﻛﻤﻠﺖ ﺍﻟﺴﺒﺤﺔ ﺍﺧﺨﺦ ﻳﺎ ﺿﻴﻤﻲ ﺍﻟﺸﺎﻳﻠﺘﺔ ﻭﺍﻟﻠﻪ ﻳﻬﺪ ﺟﺒﺎﻝ ﻋﻤﺮﻱ ﺑﻌﺪﺓ ﻣﺼﺎﻳﺮ 17 ﻭﻛﻞ ﻫﺎﻟﺒﻼﻭﻱ ﻭﮔﻌﺖ ؏ ﺭﺍﺳﻲ
ﺍﻧﻲ ﻃﺒﻌﻲ ﻫﺎﺩﺋﺔ ﻣﻮ ﻣﻦ ﻧﻮﻉ ﺍﻟﺒﻨﺎﺕ ﺍﻟﻴﺼﻴﺤﻮﻥ ﻭﻳﺎﺧﺬﻭﻥ ﺣﻘﻬﻢ ﻭﻣﺎ ﺍﺣﺐ ﺍﺧﺘﻠﻂ ﺑﺎﻟﺒﺸﺮ ﻫﻮﺍﻱ ﻋﻠﻤﻮﺩ ﻣﺎ ﺍﺗﻌﻠﻖ ﺑﺸﺨﺺ ﻭﻫﻢ ﻳﻨﻮﺧﺬ ﻣﻨﻲ
ﺍﻛﺜﺮ ﻡ̷ـــِْﻦ ﻣﺮﺓ ﺍﻓﻜﺮ ﺍﻧﺘﺤﺮ ﺑﺲ ﺑﻌﺪﻳﻦ ﺍﺗﺮﺍﺟﻊ ﺍﻛﻮﻝ ﺍﻧﻲ ﺷﺒﻘﺎﻟﻲ ﻟﭑ ﺍﻡ ﻟﭑ ﺍﺧﺖ ﻟﭑ ﺩﺭﺍﺳﺔ ﺑﺲ ﺍﺭﺟﻊ ﻭﺍﻛﻮﻝ ﺄﻟﺤﻤـٰﺪﻟﻠـﻬۃ ، .ֆ🖤 ؏ ﻛﻞ ﺣﺎﻝ
ﻋﺴﻰ ﻭﻟﻌﻠﻰ ﻳﺠﻲ ﺍﻟﻴﻮﻣﻢ ﺍﻟﻲ ﺗﺼﻴﺮ ﻫﺎﻱ ﻫﻤﻮﻣﻲ ﺳﻮﺍﻟﻒ ﻧﻤﺖ ﻭﺛﺎﻧﻲ ﻳﻮﻡ ﻫﻢ ﺭﺣﺖ ﻟﻠﻤﻄﻌﻢ ﻭ ؏ ﻧﻔﺲ ﺍﻟﺮﻭﺗﻴﻦ ﻣﺪﺓ ﺷﻬﺮ ﺷﻔﺖ ﺍﻟﻤﺒﻠﻎ ﺍﻟﺠﺎﻣﻌﺘﺔ 300 ﻳﻤﻜﻦ ﺍﻭﻝ ﻣﺮﺓ ﺑﺤﻴﺎﺗﻲ ﺍﺷﻮﻑ ﻫﻠﻜﺪ ﻓﻠﻮﺱ ﻭﺑﻴﻮﻡ ﻛﻌﺪﺕ ﺍﻟﺼﺒﺢ ؏ ﻋﻴﺎﻁ ﺑﺎﻟﺒﻴﺖ
ﺭﺣﺖ ﺍﺭﻛﺾ ﺷﻔﺖ ﺍﻟﻜﻞ ﻳﺒﺠﻲ ﺗﻘﺮﺑﺖ ﻃﻠﻊ ﺟﺪﻭ ﻣﺎﺕ ﻣﺎ ﺍﻛﻠﻜﻢ ﻣﺎ ﺑﺠﻴﺖ ﺭﻏﻢ ﻛﻠﺸﻲ ﻳﺒﻘﺔ ﺟﺪﻱ ﻭﻟﻮ ﻣﺎﺷﻔﺖ ﻣﻨﺔ ﺷﻲ ﺣﻠﻮﻭ ﺑﺲ ﺑﻌﺪ ﺭﺍﺡ ﻟﺪﺍﺭ ﺣﻘﺔ ﻣﺎﺭﺣﺖ ﻟﻠﻤﻄﻌﻢ ﻻﻥ ﺳﻮﻭ ﻓﺎﺗﺤﺔ ﻫﻮ ﻣﺠﺎﻥ ﻋﻨﺪﺍ ﺷﻲ ﺑﺎﻟﻌﻜﺲ ﻳﺼﻠﻲ ﻭﻳﺼﻮﻡ ﺑﺲ ﺿﺎﻟﻢ
ﻫﻮﺍﻱ ﺟﺎﻥ ﻳﻀﺮﺑﻨﻲ ﻭﻳﻀﺮﺏ ﺍﺧﺘﻲ ﺿﺤﻰ ﻭﻳﺴﺐ ﺑﺎﺑﺎ ﻭﻳﻠﻌﻦ ﺭﻭﺣﻬﺎ ﻟﻜﻦ ﺑﺎﻟﻤﻨﻄﻘﺔ ﺻﻴﺘﺔ ﺣﻠﻮ ﻳﻜﻮﻟﻮﻥ ﻩ̷̷َـَْـُﺬﺁ ﺧﻮﺵ ﺭﺟﺎﻝ ﺑﺲ ﻭﻟﺪﺓ ﺳﻜﺎﺭﺍ ﻫﻮ ﺍﻟﺮﺟﺎﻝ ﺍﻟﺰﻳﻦ ﻳﻨﻄﻲ ﺧﻠﻔﺔ ﻣﻮ ﺍﻭﺍﺩﻡ
ﺧﻠﺼﺖ ﺍﻟﻔﺎﺗﺤﺔ 3 ﺍﻳﺎﻡ ﺭﺟﻌﺖ ﻟﻠﺸﻐﻞ
- ﻫﺎﺍ ﺑﺎﺑﺎ ﻭﺍﻟﻠﻪ ﺧﻔﺖ ﻋﻠﻴﺞ ﻋﺒﺎﻟﻲ ﺑﻴﺞ ﺷﻲ
ﺃﺩﻳـﺎﻥ : ﻟﭑ ﻋﻤﻮ ﺑﺲ ﺟﺪﻭ ﺍﺗﻮﻓﺔ
- ﺍﻟﻠﻪ ﻳﺮﺣﻤﺔ ﺑﻨﺘﻲ ﺍﻧﺸﺎﻟﻠﻪ
ﺃﺩﻳـﺎﻥ : ﺗﺴﻠﻢ ﻋﻤﻮ ﻭﺩﺧﻠﺖ ﺟﻮﺓ ﻣﺎ ﺍﺧﻔﻲ ﺍﻧﻮ ﻋﻴﻮﻥ ﺑﻌﺾ ﺍﻟﻌﻤﺎﻝ ﺗﻼﺣﻘﻨﻲ ﺑﻜﻞ ﻣﻜﺎﻥ ﻭﺑﺲ ﻳﺮﺩﻭﻥ ﻓﺮﺻﺔ ﺍﺣﺠﻲ ﻭﻳﺎﻫﻢ ﻟﻜﻢ ﺍﻧﻲ ﻣﻮ ﻡ̷ـــِْﻦ ﻫﺎﻟﻨﻮﻉ ﺟﻨﺖ ﺍﻛﺮﻩ ﻫﺎﻱ ﺍﻟﺴﻮﺍﻟﻒ
ﻭﻭﻻ ﺍﻧﻄﻴﻬﻢ ﻣﺠﺎﻝ ﺍﻟﺒﻴﺖ ﺭﺟﻊ ﺍﻟﺮﻭﺗﻴﻦ ﻋُﺎَﺩّﻳَﮯّ ﻟﭑ ﺑﻌﻴﻨﻬﻢ ﻭﻻ ﺑﺤﺎﺟﺒﻬﻢ ﺣﺘﻰ ﺑﻴﺒﺘﻲ ﻭﻋﻤﺎﻣﻲ ﻭﺑﺎﺑﺎ ﺭﺟﻌﻮ ﻳﺴﻜﺮﻭﻥ ﺑﺲ ﺑﻴﺒﺘﻲ ﻣﺠﺎﻧﺖ ﺗﻘﺒﻞ ﻳﺴﻜﺮﻭﻥ ﻭﺑﻌﺪ ﻭﻓﺎﺓ ﺟﺪﻭ
ﻛﺎﻟﺘﻠﻬﻢ ﻳﻤﺔ ﻛﺎﻓﻲ ﻋﻮﻓﻮ ﻫﺬﺍﺍ ﺍﻟﻄﺮﻳﻖ ﻭﺧﻠﻮ ﺍﻟﻠﻪ ﻳﻬﺪﻳﻜﻢ ؏ ﺍﺳﺎﺱ ﻫﻴﺔ ﺍﻟﻌﻔﻴﻔﺔ ﻭﻛﺎﻟﻮ ﺍﻱ ﻭﺍﻧﺸﺎﻟﻠﻪ ﻭﺍﺳﺒﻮﻉ ﻣﺎﺭﺍﺣﻮ ﻭﺑﻌﺪﻳﻦ ﺭﺟﻌﻮ ﻫﻢ ﻳﺴﻜﺮﻭﻥ
ﻭﺑﻴﺒﻲ ﺍﺳﻤﻌﻬﺎ ﺗﻜﻠﻠﻬﻢ ﺍﻧﻲ ﻛﻠﺘﻬﺎ
)) ﻟﭑ ﺍﻟﻜﺤـ ... ﺗﻮﺏ ﻭﻻ ﺍﻟﻤﺎﻱ ﻳﺮﻭﺏ ((
ﺟﻨﺖ ﺍﺍﺿﺤﻚ ؏ ﺍﻣﺜﺎﻟﻬﺎ ﺭﻏﻢ ﺍﻧﻲ ﻣﺎ ﺍﻃﻴﻘﻬﺎ ﺍﺑﺪﺩ ﻣﺮﺕ ؏ ﺍﻳﺎﻡ ﺷﻐﻠﻲ 3 ﺍﺷﻬﺮ ﺻﺢ ﺍﺗﻌﺐ ﻻﻥ ﻫﺎﻟﺸﻐﻞ ﻣﻮ ﺑﻌﻤﺮﻱ ﺍﻧﻲ ﺑﻌﺪﻧﻲ ﻃﻔﻠﺔ ﺑﺲ ﺗﻬﻮﻭﻥ ﺍﻥ ﺷﺎﺀ الله